Sekuriteit in Libië versleg

Weens die toename in die ontvoering van buitelandse werkers deur bendes misdadigers van verskillende nasionaliteite, het die sekuriteit in die suide van Libië ernstig verswak.Dít volgens ‘n plaaslike sekuriteitsbeampte.Brig. Abdul-Qadir Al-Bakush, hoof van Ubari se sekuriteitsdirektoraat, het aan Xinhua gesê ‘n onbekende gewapende groep het ‘n ingenieur van Pakistan, wat by ‘n olieveld naby Ubari werk, ontvoer. Dit is sowat 900 km suid van die hoofstad, Tripoli.“Die voortgesette ontvoerings en afwesigheid van formele sekuriteit in die Suide, spruit uit die regering se gebrek aan ondersteuning vir sekuriteits- en militêre departemente. Etniese faktore speel ook ‘n rol,” het Ramadan Saleh, sekuriteitskoördineerder van die munisipaliteit in Ubari, gesê.“Die uitspraak dat sekuriteits- en militêre agentskappe daar werksaam is, is nie waar nie, want stamme bestuur dinge in die Suide. Dit is die grondslag van die probleem,” het Saleh verduidelik.Ubairi, een van die grootste stede in die suidelike deel van die land, se bevolking bestaan uit Arabiere, Tuareg-Berbers en die Tubu, en die gewapende militante is meer as die polisie en die weermag,” het hy gesê.“Die regering kan nie teen hulle opstaan nie, want om hulle te beveg, kan tot ’n burgeroorlog lei,” het Saleh opgemerk.Hy meen gesamentlike pogings tussen die regering, polisie en weermag is die enigste wyse waarop die verswakkende sekuriteitsituasie getakel kan word. “Daar is ‘n breuk tussen die weermag in die Ooste en die Weste van die land en dit vuur die chaos aan. Die veiligheid in die Suide kan nie herstel word voordat daar nie eenheid tussen die weermag in die ander streke kom nie.”Volgens hom is die ontvoering van die ingenieur nie die eerste soortgelyke voorval nie, en ook nie die laaste een nie.Musbah Uheda, ‘n Libiese parlementariër, meen ook die afwesige rol van die regering dra by tot die toename in ontvoerings en ander misdadige aktiwiteite.“’n Paar jaar gelede was daar geen sulke voorvalle in die Suide nie. Wanneer ‘n voertuig gesteel is, het die veiligheidsmagte ingegryp en is dit teruggevind. Vandag hoor ons elke dag van ontvoerings en aanrandings op buitelandse werkers,” sê Uheda.“Daar is mense wat die veiligheidsituasie wil ontspoor en die werk van buitelandse maatskappye op die olievelde en elektrisiteitsprojekte wil bedreig. Die regering moet vinnig ingryp voordat die situasie verder versleg,” het hy gewaarsku.Dorpe in die suide van die land raak al meer kwesbaar vir mensehandel, asook wapen- en dwelmsmokkelary, aangesien dit ’n afgeleë woestyngebied is. – Nampa/Xinhua

Sekuriteit in Libië versleg

Kommentaar

Republikein 2025-08-11

Meld asseblief aan om kommentaar te lewer

Sekuriteit in Libië versleg

Kommentaar

Republikein 2025-08-11

Meld asseblief aan om kommentaar te lewer

MELD AAN

Advertensie