Seksstories is vals nuus, sê Trump
Die man wat binnekort as Amerika se volgende president ingehuldig word, was alles behalwe waardig toe hy 'n nuuskonferensie in Manhattan toegespreek het.
Vicus Bürger - Amerika se aangewese president, Donald Trump, het Woensdag beweringe teen hom van seksuele wangedrag in 'n Russiese hotel skerp veroordeel en dit as valse nuus afgemaak.
Dié en ander “skadelike inligting” is glo deur die Russe versamel. 'n Samevatting van die ongegronde beweringe was deel van 'n verslag oor Russiese inmenging in die Amerikaanse verkiesing wat intelligensie-agentskappe verlede week aan Trump en pres. Barack Obama voorgelê het, is vroeër berig.
Trump, wat op 20 Januarie as president ingehuldig word, het op sy eerste amptelike mediakonferensie sedert Julie gesê: “Dit is alles valse nuus. Dit het nie gebeur nie.
“Teenstanders van ons het dit gekry, siek mense en hulle het bymekaargekom en daardie s—t bymekaargesit.”
Hy het gesê hy is baie versigtig wanneer hy na die buiteland reis en dat hy bewus is baie klein kameras dalk versteek kan wees in die kamer waar hy tuisgaan.
“Jy kan hulle (die kameras) nie sien nie en sal nie weet nie. Jy beter versigtig wees of jy gaan jouself die aand op die televisie sien.”
Hy het gekap na nuusagentskappe wat die ongegronde beweringe gepubliseer het, asook die Amerikaanse intelligensie-agentskappe omdat hulle die inligting glo laat uitlek het.
Trump het dit as skandelik beskryf. “Dit is iets wat Nazi-Duitsland sou gedoen het.”
Trump het gesê hy dink dit is Rusland wat die Demokratiese Nasionale Komitee gekuberkraak het, asook die e-posse van ander demokrate in die presidentsverkiesing.
Hy het gesê dit was verkeerd en vir pres. Vladimir Poetin van Rusland gevra om dit nie weer te doen nie.
Trump het egter benadruk dat hy 'n goeie verhouding met Rusland wil hê.
“As Poetin hou van Donald Trump, beskou ek dit as 'n bate en nie 'n verlies nie.”
Volgens hom moet Rusland en Amerika saam die terreurgroep IS beveg. Hy het ontken dat hy enigsins sake met Rusland doen.
Trump se prokureur, Sheri Dillon, het ook op die nuuskonferensie gepraat.
Sy seuns sal voortaan alle besluite vir die Trump-maatskappy neem, het Dillon gesê.
Trump se dogter, Ivanka, gaan volgens die prokureur nes haar pa bedank uit alle posisies met betrekking tot dié maatskappy om moontlike konflik van belange te voorkom. Dit is omdat Ivanka se man, Jared Kushner, as een van die Withuis se raadgewers aangestel word.
Hy het weer eens gesê dat Mexiko vir die muur op die grens tussen dié land en Amerika sal betaal, maar dit dalk eerder 'n belasting sal wees en nie 'n “betaling” nie.
– Netwerk24/Reuters/New York Times
Dié en ander “skadelike inligting” is glo deur die Russe versamel. 'n Samevatting van die ongegronde beweringe was deel van 'n verslag oor Russiese inmenging in die Amerikaanse verkiesing wat intelligensie-agentskappe verlede week aan Trump en pres. Barack Obama voorgelê het, is vroeër berig.
Trump, wat op 20 Januarie as president ingehuldig word, het op sy eerste amptelike mediakonferensie sedert Julie gesê: “Dit is alles valse nuus. Dit het nie gebeur nie.
“Teenstanders van ons het dit gekry, siek mense en hulle het bymekaargekom en daardie s—t bymekaargesit.”
Hy het gesê hy is baie versigtig wanneer hy na die buiteland reis en dat hy bewus is baie klein kameras dalk versteek kan wees in die kamer waar hy tuisgaan.
“Jy kan hulle (die kameras) nie sien nie en sal nie weet nie. Jy beter versigtig wees of jy gaan jouself die aand op die televisie sien.”
Hy het gekap na nuusagentskappe wat die ongegronde beweringe gepubliseer het, asook die Amerikaanse intelligensie-agentskappe omdat hulle die inligting glo laat uitlek het.
Trump het dit as skandelik beskryf. “Dit is iets wat Nazi-Duitsland sou gedoen het.”
Trump het gesê hy dink dit is Rusland wat die Demokratiese Nasionale Komitee gekuberkraak het, asook die e-posse van ander demokrate in die presidentsverkiesing.
Hy het gesê dit was verkeerd en vir pres. Vladimir Poetin van Rusland gevra om dit nie weer te doen nie.
Trump het egter benadruk dat hy 'n goeie verhouding met Rusland wil hê.
“As Poetin hou van Donald Trump, beskou ek dit as 'n bate en nie 'n verlies nie.”
Volgens hom moet Rusland en Amerika saam die terreurgroep IS beveg. Hy het ontken dat hy enigsins sake met Rusland doen.
Trump se prokureur, Sheri Dillon, het ook op die nuuskonferensie gepraat.
Sy seuns sal voortaan alle besluite vir die Trump-maatskappy neem, het Dillon gesê.
Trump se dogter, Ivanka, gaan volgens die prokureur nes haar pa bedank uit alle posisies met betrekking tot dié maatskappy om moontlike konflik van belange te voorkom. Dit is omdat Ivanka se man, Jared Kushner, as een van die Withuis se raadgewers aangestel word.
Hy het weer eens gesê dat Mexiko vir die muur op die grens tussen dié land en Amerika sal betaal, maar dit dalk eerder 'n belasting sal wees en nie 'n “betaling” nie.
– Netwerk24/Reuters/New York Times
Kommentaar
Republikein
Geen kommentaar is op hierdie artikel gelaat nie