Sekondêre Skool Lüderitz ontvang ruim skenking

Die regering het ’n skenking van tegniese toerusting van meer as N$3 miljoen op Woensdag 18 Augustus aan die Sekondêre Skool Lüderitz gemaak.Huishoudkunde toerusting van onder meer naalde en garing en naaimasjiene ter waarde van N$115 612.45 is geskenk, asook gasvryheidstoerusting van N$486 960.92, inligting- en kommunikasietegnologie (ICT)-toerusting van N$1 500 819.31 en tegniese tekeningtoerusting van N$1 433 124.31.Volgens die streekraadslid, Susan Ndjaleka, is die skool na ’n junior sekondêre skool afgradeer en het net graad 8 en 9 aangebied. Die Senior Sekondêre Skool Angra Peguena het die kurrikulum vir graad 10, 11 en 12 vanaf 2018 aangebied. “Gedurende dieselfde tydperk het die uitvoerende streekraadkomitee van die direktoraat van onderwys, kuns en kultuur in die ||Kharas-streek besluit om tegniese vakke met akademiese vakke te kombineer. Die raad het die Sekondêre Skool Lüderitz weer ’n hoërskool gemaak soos voorheen,” sê Ndjaleka.Die skool se uitvoerende hoof, Ronnie Persendt, sê die skool is gelukkig met die helpende hand wat uitgereik is.NUWE AANSTELLINGSOnderhandelinge is aan die gang om ’n sekere aantal gekwalifiseerde onderwysers en vakbeamptes wat onderrig gee in die sekondêre fase na die Sekondêre Skool Lüderitz oor te plaas.“In 2018 het die ministerie van kuns en kultuur die implementering van tegniese vakke by ten minste een skool in elke streek goedgekeur. Tegniese vakke is by die Sekondêre Skool JA Nel in die Kalahari-gebied in die ||Kharasstreek geïmplementeer,” se Ndjaleka.Gedurende die beplanningsfase moes die skool vier bykomende onderwysers aanstel om vir die nuwe tegniese stroom A-vakke voorsiening te maak.Die skool het met die beplanning voortgegaan wat die jaarlikse totale uitgawe van salarisse na meer as N$1 miljoen opstoot met ’n gemiddelde jaarlikse salaris van N$233 000.“Ek doen ’n beroep op julle om na die toerusting om te sien en om dit tot die uiterste te gebruik. Die leerlinge van die tegniese stroom van die Sekondêre Skool Lüderitz moet aan die einde van die dag bydra om die Namibiese nasie in ’n nywerheidstaat te omskep.Ek wil ook van die geleentheid gebruik maak om die direktoraat van onderwys, kuns en kultuur in die ||Kharasstreek geluk te wens vir die mylpaal wat hulle behaal het om die skool se vakkeuse uit te brei.”“Saam kan ons dit maak, jou span kan staatmaak op my ondersteuning,” het Ndjaleka gesê.

Sekondêre Skool Lüderitz ontvang ruim skenking

Kommentaar

Republikein 2026-02-04

Meld asseblief aan om kommentaar te lewer

Sekondêre Skool Lüderitz ontvang ruim skenking

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.