Seidler net voor middernag in aksie

Tielman van Lill – Philip Seidler sal vanaand halftwaalf Namibiese tyd (06:30 Donderdag in Japan) by die Olimpiese Spele in Tokio by die Odaiba Marine Park vir die mansfinaal van die 10 kilometer oopwaterswem aantree. Net 15 swemmers van 15 lande het gekwalifiseer om in die verwagte warm seewater (29 grade Celsius) van die Stille Osean te duik.Seidler (24) van Swakopmund wat in onlangse weke boonop van Covid-19 moes herstel, sê hy koester geen verwagtinge nie en plaas geen druk op homself in dié moordende dissipline nie. Hy is die eerste Namibiër wat in dié swemkode die Olimpiese kwalifikasie behaal.Hy het aan Republikein vertel: “Die eerste dag in Tokio by die atletedorp was 'n deurmekaarspul met hope administratiewe werk wat afgehandel moes word. Die atletedorp is massief; 'n mens raak maklik deurmekaar met die verskillende venues en waar wat is.“Twee dae ná my aankoms kan ek darem Vrydag vir my eerste oefensessies in die Olimpiese swembad 'n draai gaan maak. Ek het erg met vlugflouheid gesukkel. Hoewel ek tam gevoel het, was my tye in die swembad goed.“Hoe langer ek geswem het, het my liggaam beter begin voel nadat ek 5.4 kilometer afgelê het. In die namiddae doen ek korter lengtes van 200 meter en dan 50 m om my spoed reg te kry. Ná my dag gaan ek in die namiddag vir fisioterapie by Anna-Mart Kruger om al die melksuur uit my spiere te kry sodat my spiere kan herstel.“Vir die laaste twee dae voor die finaal mag ons by die venue gaan oefen het waar die water ongelooflik warm is. Ek moes halfsewe soggens gaan swem om my liggaam aan die tyd en water gewoond te maak sodat dit nie 'n skielike skok of verandering teweeg bring nie. “My oefenprogram en wedstrydplan is in orde en hopelik kan ek myself oortref. “Dis my eerste Olimpiese Spele en ek plaas geen druk op myself nie. Vir my is dit 'n groot eer en voorreg om vir die Spele te kon kwalifiseer en Namibië te verteenwoordig. HOU BY DIE PLAN“Maak nie saak of ek wen of laaste eindig nie, as ek onder die top-15 klaarmaak, sal dit fantasties wees. “Ek gaan my gewone resies swem en nie van my normale benadering vir elke resies afwyk nie. Dit het nog altyd vir my gewerk. In die begin swem ek teen 'n geleidelike pas met die voorlopers in sig en ná 5 kilometer sal ek soos normaalweg die pas versnel en die voorlopers jaag.“Die Namibiese span is wonderlik en almal word gehelp. Ek sien ongelooflik uit na die resies en geniet die atmosfeer en tyd in Tokio geweldig baie. Ek wil my familie, vriende en ondersteuners tuis vir hul ondersteuning en bemoedigende boodskappe bedank.” – tielman@republikein.com.naFOTO’sPhillip Seidler vat ’n “wegneemete” raak terwyl hy in Tokio oefen. Foto’s Anna-Mart KrugerDie Namibiese Olimpiese span se fisioterapeut, Anna-Mart Kruger, vryf die melksuur uit Phillip Seidler se spiere na een van sy strawwe swemsessies in Tokio.

Seidler net voor middernag in aksie

Kommentaar

Republikein 2025-12-16

Meld asseblief aan om kommentaar te lewer

Seidler net voor middernag in aksie

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.