Sege nommer 4 vir Dippenaar in Cattle Country
Die kompetisie het soos verlede jaar weer groot getalle entoesiastiese toeskouers gelok.
Tielman van Lill - Wilro Dippenaar en navigator Riaan van der Westhuizen het Saterdag daarin geslaag om die jaarlikse Shell V-Power Cattle Country tydrenbyeenkoms op Gobabis vir die vierde keer in 'n tyd van 1 uur 17 minute en 31 sekondes te wen.
Die plaaslike brekers, Jaco Redelinghuys en navigator Dries Booysen, wat ook soos Dippenaar aan die S3-klas deelgeneem het, se nuwe Toyota Yaris het soos stroop geloop om 31 sekondes ná Dippenaar die 126 km verdeel in 13 supersneldele af te blits.
In die derde plek was die Suid-Afrikaners Dean Bradbury en navigator Timothy Botes wie se Maverick die Off-road-klas (OR) met gemak kafgedraf het.
Net twee van die 17 inskrywings kon nie die strawwe tydren voltooi nie. Stefan en Christiaan Labuschagne van Gobabis se netjies voorbereide V8 Land Rover Defender (OR) asook Johan en Susan de Bruin van Suid-Afrika se Nissan 350Z (S4-klas) moes as gevolg van meganiese nukke uit die stryd onttrek. Die Labuschagne's se V8 het tot die sewende skof voortgestoom, terwyl die De Bruins ná supersneldeel 11 moes tou opgooi.
Welmie Kuhn en navigator Ronald Opperman asook Bertie Smit en navigator Dewald Venter het Gobabis se naam hoog gehou en die tydren suksesvol voltooi. Kuhn het haar klas gewen, terwyl Smit vierde in die OR-klas geëindig het.
Die 17- en agtienjarige Joop Koortsen en navigator Wehan Meyer is twee jong manne van Keetmanshoop wat vir die eerste keer in 'n Toyota Land Cruiser deelgeneem het. Dié kombinasie het die vyfde posisie in die OR-klas ingeneem.
Soos gewoonlik is die byeenkoms deur onderlinge kameraderie en sportmanskap gekenmerk, waar manne mekaar hard gedruk het, maar ook mekaar gehelp het wanneer dit nodig was.
Volgens die Redline Motorklub wat die tydren aangebied het, was daar selfs nog meer toeskouers as in 2016 toe die kompetisie ook groot skares mense met sy kykervriendelike sneldele gelok het.
Die prysuitdeling is Saterdagaand ná die byeenkoms by die Omateko Lodge gehou waar die tydren vir die naweek gehuisves was.
“Ná vanjaar se suksesvolle Shell V-Power Cattle Country-tydren gaan ons probeer om in 2018 meer byeenkomste aan te bied. Die Suid-Afrikaners wat hier was, is meer as beïndruk met ons Namibiese gasvryheid en sal volgende jaar opnuut terug wees.
“Mnr. Johan Grobbelaar, besturende direkteur van Vivo Energy Namibia, het bevestig dat dié hoofborg volgende jaar weer die byeenkoms gaan borg. 'n Uurlange program met hoogtepunte van die byeenkoms gaan later deur DStv se Ignition (kanaal 189) vertoon word,” het mnr. Dippies Dippenaar, voorsitter van die Redline Motorklub gesê.
“Ons as die organiseerders wil Vivo Energy Namibia as hoofborg hartlik vir sy bystand met sy Shell V-Power-handelsmerk bedank. Dan is daar die toeskouers, die plaaslike munisipaliteit en verkeersdepartement asook die doeane en immigrasie wat met die Suid-Afrikaners se koms gehelp het.
“Al die beamptes, tydhouers, mediese sorg en personeel het dinge glad bestuur. Ons bedank ook die bykomende borge soos Auas Motors, Mpact Waste Bin Boxes, PZN Panelbeaters, North City Panelbeaters, Hemco Paint, Gobabis Toyota, On Time Couriers, Omateko Lodge, Gobabis Auto Truck & Tractor en Kosmos 94.1 vir hul ondersteuning wat die kompetisie suksesvol gemaak het,” het Dippenaar afgesluit.
Die uitslae:
Algeheel: 1. Wilro Dippenaar/Riaan van der Westhuizen, PZN Racing Shell V-Power Toyota Auris S2000 4x4 (1:17:31). 2. Jaco Redelinghuys/Dries Booysen, Team Redco Gobabis Toyota Yaris S2000 4x4. 3. Dean Bradbury/Timothy Botes, Waterworld Maverick.
S1-klas: 1. Welmie Kuhn/Ronald Opperman, Toyota RunX (1:38:59). 2. Anton Raaths/Louis Menge (RSA), Mazda Capella RX2 (2:02:14). 3. Peter Pilusa/Peter Mokoni (RSA), Nissan Sentra (2:04:53).
S3-klas: 1. Wilro Dippenaar/Riaan vd Westhuizen (1:17:31). 2. Jaco Redelinghuys/Dries Booysen. 3. Keith Delport/Mari Ducasse (RSA), Nissan Skyline GTX (2:06:13).
S4-klas: 1. Kobus Marais/Rocco Huzak (RSA), Toyota GT4 (1:30:28). 2. Rory Eland/Erwee Badenhorst (RSA), Subaru Impreza (1:32:55). 3. Attie Cloete/James Thompson (RSA), Subaru Impreza (1:35:45).
Off-road-klas: 1. Dean Bradley/Timothy Beukes (RSA) Maverick (1:27:43). 2. Ashley Bradbury/Lourens du Plessis (RSA), Maverick (1:42:48). 3. Giel Nel/Dewald Hattingh (RSA), Sandmaster (1:45:37).
Die plaaslike brekers, Jaco Redelinghuys en navigator Dries Booysen, wat ook soos Dippenaar aan die S3-klas deelgeneem het, se nuwe Toyota Yaris het soos stroop geloop om 31 sekondes ná Dippenaar die 126 km verdeel in 13 supersneldele af te blits.
In die derde plek was die Suid-Afrikaners Dean Bradbury en navigator Timothy Botes wie se Maverick die Off-road-klas (OR) met gemak kafgedraf het.
Net twee van die 17 inskrywings kon nie die strawwe tydren voltooi nie. Stefan en Christiaan Labuschagne van Gobabis se netjies voorbereide V8 Land Rover Defender (OR) asook Johan en Susan de Bruin van Suid-Afrika se Nissan 350Z (S4-klas) moes as gevolg van meganiese nukke uit die stryd onttrek. Die Labuschagne's se V8 het tot die sewende skof voortgestoom, terwyl die De Bruins ná supersneldeel 11 moes tou opgooi.
Welmie Kuhn en navigator Ronald Opperman asook Bertie Smit en navigator Dewald Venter het Gobabis se naam hoog gehou en die tydren suksesvol voltooi. Kuhn het haar klas gewen, terwyl Smit vierde in die OR-klas geëindig het.
Die 17- en agtienjarige Joop Koortsen en navigator Wehan Meyer is twee jong manne van Keetmanshoop wat vir die eerste keer in 'n Toyota Land Cruiser deelgeneem het. Dié kombinasie het die vyfde posisie in die OR-klas ingeneem.
Soos gewoonlik is die byeenkoms deur onderlinge kameraderie en sportmanskap gekenmerk, waar manne mekaar hard gedruk het, maar ook mekaar gehelp het wanneer dit nodig was.
Volgens die Redline Motorklub wat die tydren aangebied het, was daar selfs nog meer toeskouers as in 2016 toe die kompetisie ook groot skares mense met sy kykervriendelike sneldele gelok het.
Die prysuitdeling is Saterdagaand ná die byeenkoms by die Omateko Lodge gehou waar die tydren vir die naweek gehuisves was.
“Ná vanjaar se suksesvolle Shell V-Power Cattle Country-tydren gaan ons probeer om in 2018 meer byeenkomste aan te bied. Die Suid-Afrikaners wat hier was, is meer as beïndruk met ons Namibiese gasvryheid en sal volgende jaar opnuut terug wees.
“Mnr. Johan Grobbelaar, besturende direkteur van Vivo Energy Namibia, het bevestig dat dié hoofborg volgende jaar weer die byeenkoms gaan borg. 'n Uurlange program met hoogtepunte van die byeenkoms gaan later deur DStv se Ignition (kanaal 189) vertoon word,” het mnr. Dippies Dippenaar, voorsitter van die Redline Motorklub gesê.
“Ons as die organiseerders wil Vivo Energy Namibia as hoofborg hartlik vir sy bystand met sy Shell V-Power-handelsmerk bedank. Dan is daar die toeskouers, die plaaslike munisipaliteit en verkeersdepartement asook die doeane en immigrasie wat met die Suid-Afrikaners se koms gehelp het.
“Al die beamptes, tydhouers, mediese sorg en personeel het dinge glad bestuur. Ons bedank ook die bykomende borge soos Auas Motors, Mpact Waste Bin Boxes, PZN Panelbeaters, North City Panelbeaters, Hemco Paint, Gobabis Toyota, On Time Couriers, Omateko Lodge, Gobabis Auto Truck & Tractor en Kosmos 94.1 vir hul ondersteuning wat die kompetisie suksesvol gemaak het,” het Dippenaar afgesluit.
Die uitslae:
Algeheel: 1. Wilro Dippenaar/Riaan van der Westhuizen, PZN Racing Shell V-Power Toyota Auris S2000 4x4 (1:17:31). 2. Jaco Redelinghuys/Dries Booysen, Team Redco Gobabis Toyota Yaris S2000 4x4. 3. Dean Bradbury/Timothy Botes, Waterworld Maverick.
S1-klas: 1. Welmie Kuhn/Ronald Opperman, Toyota RunX (1:38:59). 2. Anton Raaths/Louis Menge (RSA), Mazda Capella RX2 (2:02:14). 3. Peter Pilusa/Peter Mokoni (RSA), Nissan Sentra (2:04:53).
S3-klas: 1. Wilro Dippenaar/Riaan vd Westhuizen (1:17:31). 2. Jaco Redelinghuys/Dries Booysen. 3. Keith Delport/Mari Ducasse (RSA), Nissan Skyline GTX (2:06:13).
S4-klas: 1. Kobus Marais/Rocco Huzak (RSA), Toyota GT4 (1:30:28). 2. Rory Eland/Erwee Badenhorst (RSA), Subaru Impreza (1:32:55). 3. Attie Cloete/James Thompson (RSA), Subaru Impreza (1:35:45).
Off-road-klas: 1. Dean Bradley/Timothy Beukes (RSA) Maverick (1:27:43). 2. Ashley Bradbury/Lourens du Plessis (RSA), Maverick (1:42:48). 3. Giel Nel/Dewald Hattingh (RSA), Sandmaster (1:45:37).
Kommentaar
Republikein
Geen kommentaar is op hierdie artikel gelaat nie