Sege by Dome hou sleutel vir Nakathila

Andrew Poolman - Jeremiah Nakathila lek sy lippe af om sy aanspraak op die Wêreldboksorganisasie (WBO) se vakante superveergewigtitel te verstewig.Die titel is sedert Meimaand vakant nadat Vasyl Lomachenko, die Oekraïense pond vir pond superster en tweemalige Olimpiese kampioen, na die liggewigklas opbeweeg het en besluit het om daar te bly en sy titel prys te gee.Nakathila verskyn tans as nommer 5 op die WBO se wêreldranglys in dié gewigsklas en staan dus 'n goeie kans om binne die volgende maande die druk op die besluitnemers te plaas.Die WBO-wêreldgordel sal op 28 Julie 'n baas kry wanneer die onoorwonne Puerto Ricaan Christopher Diaz (23-0, 15 uitklophoue) teen Japan se Masayuki Ito (23-1-1, 12 uitklophoue) deur die toue klim. Dié twee was onderskeidelik die nommer een en twee aanspraakmakers op die WBO-ranglys en die nuwe titelhouer sal daarna verplig wees om die titel te verdedig.Nakathila se kans kom op Vrydag 3 Augustus, wanneer hy in The Dome op Swakopmund in die hoofgeveg teen Crispin Moliati van Malawi te staan kom.Die promotor Nestor Tobias het gister bekendgemaak dat sy MTC Sunshine Promosies vir die eerste keer met Kalakoda Promosies van Suid-Afrika sal saamspan om dié geleentheid aan te bied. Kwesé TV sal soos gewoonlik die regstreekse uitsaairegte hê.Die Namibiër se loopbaan is goed op dreef met 15 oorwinnings en 'n enkele puntenederlaag in Moskou in November 2016. Elf van sy opponente sover is voor die bestemde einde met uitklophoue verslaan.Moliati (22 gewen, 8 verloor) is nie 'n onbekende in Namibië nie en is in 2017 deur Paulus (Hitman) Moses by Ramatex uitgeslaan.Die promotors het gister bekend gemaak dat die Desert Rumble III toernooi op 3 Augustus op Swakopmund net uit vyf gevegte sal bestaan. Drie daarvan is titelgevegte.Op die voorprogram sal wees:WBF Afrika junior liggewigtitel: Abraham Ndaendapo (NAM) tn Bilindo Eseko (DRK).WBF Afrika middelgewigtitel: Lukas Ndafoluma (NAM) tn Jimmy Mabundji (DRK).Junior weltergewig: Harry Simon junior (NAM) tn Lukas Handivele (NAM).Junior kapokgewig: Sakaria Nikodemus (NAM) tn Fillemon Nghutenyane (NAM).“Boks in Namibië is springlewendig en met Kalakoda en Kwesé as vennote neem ons die volgende stap om ons boksers internasionale blootstelling te gee. Vir Nakathila se drome om 'n wêreldkampioen te word, is daar geen ander keuse as om te wen nie,” het Tobias gister gesê.Nakathila het gesê hy is gereed om op Swakopmund 'n skouspelagtige vertoning te lewer en voel bevoorreg om in die hoofgeveg betrokke te wees.Kaartjies is by The Dome verkrygbaar teen N$350 vir die sitplekke naaste aan die kryt, of N$100 vir gewone toegang.

Sege by Dome hou sleutel vir Nakathila

Kommentaar

Republikein 2025-09-19

Meld asseblief aan om kommentaar te lewer

Sege by Dome hou sleutel vir Nakathila

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie