SCORE vier kwarteeu op Mariental

Tanja Bause - SCORE vier vanjaar ’n kwarteeu se bestaan en in die lig hiervan bied die organisasie vanaf môre tot Sondag ’n sportfees op Mariental aan. Ongeveer 250 vrywilligers van die Namibië Vrywilligersprogram (NAM-VIP) en kinders van agt verskillende gemeenskappe in die land sal aan die fees deelneem. Sportaktiwiteite sluit sokker, netbal en vlugbal in. ’n Kultuuraand sal ook gehou word waartydens die kinders meer van die verskillende kulture van Namibië kan leer. Hulle gaan ook skaak speel en aan ’n straatresies deelneem. “Tydens die kultuuraand gaan die kinders iets moet opvoer. SCORE en sport gaan nie net daaroor dat die kinders op ’n sportveld hardloop nie, maar soveel meer. Dit gaan ook oor die ontwikkeling van vaardighede,” het mnr. Raymond Vries van SCORE Namibia gesê.SCORE is 25 jaar gelede in Suid-Afrika deur die Amerikaanse Olimpiese roeier me. Juliet Thompson begin. Dit het 16 jaar gelede na Namibië uitgebrei en is plaaslik as ’n nie-regeringsorganisasie geregistreer. Maandeliks neem tussen 900 en 1 200 kinders aan verskillende sportaktiwiteite en -programme in ses gemeenskappe deel. “Ons vlagskip-program is die Namibië Vrywilligersprogram. Deur middel van dié program lei ons jongmense as afrigters op sodat hulle in hul onderskeie gemeenskappe sportbyeenkomste kan reël en aanbied.”Die doel van NAM-VIP is om kinders en jeugdiges lewens- en sosiale vaardighede, selfvertroue, tydsbestuur, spanbestuur en spangees te leer. “Ons lei die vrywilligers op om onder meer programme in gesondheid, kultuur, entrepreneurskap en omgewingsleer aan te bied,” het Thompson gesê.

SCORE vier kwarteeu op Mariental

Kommentaar

Republikein 2025-07-18

Meld asseblief aan om kommentaar te lewer

SCORE vier kwarteeu op Mariental

Kommentaar

Republikein 2025-07-18

Meld asseblief aan om kommentaar te lewer

MELD AAN

Advertensie