SCORE vier 25ste bestaansjaar op Mariental

Tanja BauseSCORE Namibia het sy 25ste bestaansjaar gevier met ’n gemeenskapsportfees wat onlangs op Mariental gehou is.Altesame 250 vrywilligers van die Namibië Vrywilligerbetrokkenheid-program (NAM-VIP) en kinders van Kayengona, Keetmanshoop, Khorixas, Mariental, Oshakati, Rundu en Windhoek het aan die fees deelgeneem. Sportaktiwiteite het sokker, netbal en vlugbal asook ’n skaaktoernooi en ’n straatwedloop ingesluit. ’n Kultuuraand is ook gehou waar die kinders verskillende Namibiese kulture uitgebeeld het.Mariental se span het die meeste kompetisies gewen, naamlik sokker, netbal en die straatwedloop vir seuns. Khorixas het die vlugbal-kompetisie gewen, terwyl Windhoek se meisies eerste in die straatwedloop geëindig het. Oshakati het die prys vir die beste kulturele opvoering gewen. SCORE is 25 jaar gelede deur die Amerikaanse Olimpiese roeier me. Juliet Thompson in Suid-Afrika begin. Dit het 16 jaar gelede na Namibië uitgebrei en is plaaslik as ’n nie-regeringsorganisasie geregistreer. As deel van die program neem tussen 900 en 1 200 kinders elke maand aan verskillende sportaktiwiteite en programme in die ses bogenoemde gemeenskappe deel. “Ons vlagskipprogram is NAM-VIP waarmee ons jongmense as afrigters oplei sodat hulle in hul onderskeie gemeenskappe sportbyeenkomste kan reël en aanbied,” het mnr. Raymond Vries van SCORE Namibia gesê.Die doel van NAM-VIP is om kinders en jeugdiges sosiale vaardighede, selfvertroue, tydsbestuur, spanbestuur en spangees te leer.“Ons lei die vrywilligers op om self sportaktiwiteite te kan reël en bied programme aan wat handel oor gesondheid, kultuur, geslag, entrepreneurskap en die omgewing,” het hy gesê. Uitslae:Gemengde netbal1.Mariental2.Rundu3.KeetmanshoopGemengde sokker1.Mariental2.Rundu3.KeetmanshoopGemengde vlugbal1.Khorixas2.Mariental3.OshakatiStraatwedloopMeisies:1.Penyafo van Windhoek2.Nicole van Keetmanshoop3.Maria Sivia van KayengonaSeuns:1.Romario van Mariental2.Zenzo van Mariental3.Stani Sloas van Kayengona

SCORE vier 25ste bestaansjaar op Mariental

Kommentaar

Republikein 2025-07-18

Meld asseblief aan om kommentaar te lewer

SCORE vier 25ste bestaansjaar op Mariental

Kommentaar

Republikein 2025-07-18

Meld asseblief aan om kommentaar te lewer

MELD AAN

Advertensie