Schurz en Sack word kampioene in rooi sand

Die vyfde uit sewe Timeout strandvlugbalbyeenkomste is onlangs op die Tivoli Southern Sky-gasteplaas naby Uhlenhorst, sowat 180 km suidoos van Windhoek, aangebied waar die Kalahari Ope toernooi vir die vierde keer gehou is.Spanne van twee spelers het meegeding en daar was drie afdelings waaraan die 20 spanne kon deelneem om die Kalahari Ope kampioene te word en die kontantpryse in die mans-, vroue- en sosiale afdeling op te raap.In die sosiale afdeling het ses spanne mekaar op 'n rondomtaliegrondslag gepak om tot die eindstryd die Sondag deur te dring. Die spanne van Abiatar Andreas/Gideon Shiskesho en Lars Fischer/Michael Vente het gemaklik tot die semifinale gevorder met die Andreas/Shiskesho kombinasie wat al vyf hul wedstryde gewen het. Die ander twee spanne was Steffi Foertch/Jay-Cee Lourens asook Torsten en Julian Horenburg.In die semifinale oorheers Andreas en Shiskesho teen Foertch en Lourens, met die Horenburgs wat vir Fischer en Vente uitskakel. In die eindstryd slaag die Horenburg-kombinasie van pa en seun so byna daarin om Andreas en Shiskesho te klop, maar moet die knie met 21-18 en 21-14 te buig.VROUESes spanne takel mekaar en Rosi Hennes met Simone von Wietersheim as spanmaat wen al vyf hul botsings om saam met Kim Seebach/Almut Hoffmann, Wendy en Anna Kanangolo asook Cathy Thomas en Hendrina Lindongo na die semifinale te vorder.Hennes en Von Wietersheim skakel die Kanangolos uit, terwyl Seebach en Hoffmann as oorwinnaars teen Thomas en Lindongo na vore tree. Die eindstryd tussen Hennes/Von Wietersheim en Seebach/Hoffmann is 'n spannende kragmeting wat oor drie stelle beslis word. Die eerste stel wen Seebach en Hoffman met 21-18, maar die volgende twee stelle word met 21-16 en 15-11 deur Hennes en Von Wietersheim vir die titel gewen.MANSMet agt spanne wat vir die titel in twee groepe aangetree het, was dit 'n uitgemaakte saak dat die spanne mekaar nie 'n duim spasie sal gun nie. Net die eerste twee spanne van elke groep het na die halfeindronde gevorder. Die kwalifiseerders was Bernhard Schurz en Jan-Eric Sack (wenners van groep B) en Rico Kühnle-Kreitz/Thilo Wickens (tweede), Nikolai en Clemens Glick asook Salomo en Philip Owen wat beide twee wedstryde in groep A gewen het. Die eerste semifinaal word deur Salomo/Philip teen Kuehnle-Kreitz/Wickens gewen, met Schurz/Sack wat teen die twee Glicks oorheers.In die finaal beklink Schurz en Sack die eerste stel met 21-12 en palm die tweede met 21-13 vir die kampioenskapstitel in.Die volgende Timeout strandreekskompetisie is op 3 en 4 November by die Mole op Swakopmund. Langstrand is volgende op 22 Desember met die Beach Bash-fees.Die Timeout Beach Volleyball-akademie word bedank vir sy borgskap van die medaljes en kontantpryse in die Kalahari-kompetisie.

Schurz en Sack word kampioene in rooi sand

Kommentaar

Republikein 2026-01-30

Meld asseblief aan om kommentaar te lewer

Schurz en Sack word kampioene in rooi sand

Kommentaar

Republikein 2026-01-30

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.