Savannah skilder jou viervoet

05 July 2019 | Kuns en vermaak
Wanneer jy die naam Savannah Collins hoor, dink jy aan die Namibiese musikant wie se treffers Namibiërs se harte die afgelope twee jaar geraak het met songs soos “Be Free” en “Namibia my Friend”.

Min mense weet van haar Pet Pawtraits-forum, waar sy op aanvraag lewensgetroue sketse van veral honde maak.



As kampvegter vir diereregte en hondeliefhebber was dit ’n spontane idee wat vinnig vrugte afgewerp het toe mense bewus geword het van haar talent om honde in fyn besonderhede in grafiet vas te vang om ’n lewensgetroue, kosbare aandenking van iemand se getroue vriend te wees.

Vandaar die naam Pet Pawtraits.

Dieselfde vingers wat die kitaarsnare met soveel passie laat sing, skep ook sielvolle sketse van jou beste vriend.

Tydens Namibië se onlangse kampioenskappe vir die uitvoerende kunste het Savannah twee goue medaljes vir haar musiek verwerf en een goue medalje vir ‘n potloodskets van haar geliefde worshond, Minnie, huis toe geneem.

Minnie was die inspirasie vir Pet Pawtraits.

Ná sy die skets op haar Facebook-blad gelaai het, het sy soveel positiewe terugvoering gekry dat sy besluit het om ’n deel van haar inkomste uit die sketse aan Namibië se Dierebeskermingsvereniging (SPCA) te skenk.

“Dis ‘n wen-wen situasie vir mens en dier,” sê sy.

Die 25-jarige kunstenaar sê: “Ek is lief vir alle diere en het met honde grootgeword. Ek verstaan waarskynlik die belangrikheid van die harmonie waarin alle lewe op aarde moet saamleef beter as die meeste mense, maar ek het ook ‘n diepe bewustheid van al die wreedhede wat teenoor diere van alle soorte gepleeg word. Die ding wat my die diepste tref, is die eeueoue, uitsonderlike liefde tussen mens en hond.”

Haar styl kan as stereoskopies beskryf word, want haar eindprodukte is diere wat lyk of hulle enige oomblik uit die portret tot op jou skoot kan spring.

Savannah slaag daarin om te skets wat sy voor haar sien en nie noodwendig wat sy van honde weet nie.

‘n Kenmerk van haar werk is die diere se sielvolle oë.

“Ek kry versoeke van eienaars wat ‘n skets van hul geliefde hond wil hê voor die dier sterf. Soms is dit hartseer, maar terselfdertyd verblydend om so ‘n dier te skets met die wete dis dalk die laaste sigbare herinnering wat die eienaars van die hond gaan hê. Maak nie saak of dit ‘n hartseer of blye skets is nie, ek kry groot bevrediging daaruit.”

Savannah sê dit verg deeglike waarneming van die hond wat sy moet skets.

“Ek werk van foto’s af wat die hond se karakter die beste weergee en wat eienaars graag wil sien.”

Sy sê om in potlood en grafiet te werk, is ‘n natuurlike, stadige proses en daarom neem sy haar tyd met die aanvanklike buitelyne.

Sy gebruik baie sagte potlode (tot ‘n 9B) en kombineer die verskillende hale om goed soos die hond se snor of baard of meesleurende oë te skets.

“Ek is nou nie die Franse potloodmeester Edgar Degas van die 19de eeu nie, maar ek glo daaraan om talente te ontwikkel en as jy mense boonop vreugde met jou kuns verskaf, is dit ‘n bonus.”

Savannah kan by [email protected] bereik word.

Onderskrifte:

Ma se Minnie…Die potlodskets van die worshond Minnie waarmee Savannah ‘n goue medalje by die onlangse Namibiese kampioenskappe vir die uitvoerende kunste verower het.

Minnie is ook die logo vir Savannah se vindingryke Pet Pawtraits, wat honde-eienaars vir sketse laat toustaan.

Nog honde wat Savannah op aanvraag geskets het.

Savannah Collins met die drie goue medaljes wat sy by die Namibiese kampioenskappe vir die uitvoerende kunste gewen het – twee vir oorspronklike musiek en een vir kuns. Foto’s verskaf

Soortgelyk

 

AgriBusDev-baas geskors

2 minute gelede | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

2 ure gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

6 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

8 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

18 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

18 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

18 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

18 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

18 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...