SASSCAL: 'n Eenstop-weerdiens vir Suider-Afrika

Die Wetenskaplike Dienssentrum vir Klimaatsverandering en Aanpasbare Grondbestuur in Suider-Afrika (SASSCAL) het nou 'n gratis reënvoorspelling-toep op sy webwerf. Belangstellendes kan ook op die webwerf registreer en reënsyfers in hul omgewing aan SASSCAL deurgee, wat die dienssentrum sal help om meer akkurate inligting oor klimaat en weer aan gebruikers te verskaf. Die inligting sal na verwagting veral tot voordeel van boere, wetenskaplikes en ontwikkelingsbeplanners strek. SASSCAL is onlangs met die steun van die Duitse regering in Angola, Botswana, Namibië, Suid-Afrika en Zambië begin. Die hoofkantoor in Windhoek geleë. Die hoop is dat SASSCAL 'n eenstop-sentrum vir klimaatsverandering en grondbestuur moet wees wat werk om die lewensgehalte van mense in Suider-Afrika te verbeter.Afgesien van navorsingswerk, is SASSCAL behulpsaam in die opleiding van wetenskaplikes, asook die oprig van 'n dataverwerkingsentrum, die Open Access Data Centre (OADC), waar navorsing en bevindinge vir besluitnemers beskikbaar gestel word. Verder is WeatherNet nouliks verbind aan die OADC. Dit is 'n netwerk van outomatiese weerstasies wat weerdata in nagenoeg reële tyd oor selfoon- of satellietnetwerke aan die OADC lewer. Die inligting kan dan gratis deur gebruikers afgelaai word by www.sasscalweathernet.org. Ander nuttige inligting en statistieke is ook gratis op die webtuiste beskikbaar.netwerk van weerdiensteSASSCAL is op die been gebring nadat die Afrika-unie (AU) tydens sy agste sitting in 2007 in Addis Abeba besluit het dat 'n netwerk van weerdienste in Afrika opgestel moet word, wat klimaatsinligting op grond van wetenskaplike bevindinge sal voorsien. So 'n netwerk moet besluitnemers help met beplanning van ontwikkeling en om die negatiewe uitwerking van klimaatsverandering te verminder. Die Duitse ministerie van onderwys en navorsing het intussen meer as €50 miljoen, of sowat N$700 miljoen, vir die projek beskikbaar gestel, waarvan €24 miljoen, of N$336 miljoen, spesifiek vir 88 navorsingsprojekte moet gaan. In Oktober vanjaar kom die eerste navorsingsprojek tot 'n einde – waarin meer as 500 wetenskaplikes, tegnici en dienspersoneel in Suider-Afrika betrokke was. Duitsland het nog geld vir navorsing belowe en sal ook steun verleen aan die bou van kantore vir SASSCAL se bestuurspan.Duitsland se finansiële steun aan SASSCAL sal oor die volgende jare uitfaseer, maar die betrokke lande het hulself reeds daartoe verbind om voort te gaan om die dienssentrum finansieel te steun. Intussen is die sentrum betrokke by wetenskaplike navorsing wat oor landsgrense strek in onder meer landbou, bosbou, biodiversiteit, waterwese en die algemene waarneming van die klimaat. In Namibië word 18 van die projekte deur onder meer die Universiteit van Namibië (Unam), die Namibië Universiteit van Wetenskap en Tegnologie (NUST), die ministerie van landbou, water en bosbou, asook die Gobabeb Opleidings- en Navorsingsentrum deurgevoer. In van die ander navorsingsprojekte werk verskeie wetenskaplikes van Suider-Afrika nóú saam met besluitnemers aan probleme wat deur onder meer klimaatsverandering en die gebruik van grond veroorsaak word. Wetenskaplikes werk ook saam met hul Duitse eweknieë en die koördinasie van wetenskaplike projekte word deur die Universiteit van Hamburg gesteun.

SASSCAL: 'n Eenstop-weerdiens vir Suider-Afrika

Kommentaar

Republikein 2026-05-11

Meld asseblief aan om kommentaar te lewer

SASSCAL: 'n Eenstop-weerdiens vir Suider-Afrika

Kommentaar

Republikein 2026-05-11

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.