Sanlam lok jonges in goeie getalle

Tielman van Lill - Die Namibiese Tennisvereniging (NTA) het Vrydag en Saterdag sy tweede Sanlam junior toernooi sedert Maart by die Sentraal-bane asook by SKW, DTS en die Nampol-bane in Olympia aangebied, waar nagenoeg 100 geesdriftige spelers hul talent ten toon gestel het.Weens die grendelstatus van die Erongostreek was die inskrywings minder as wat dit andersins sou wees. Dit en die aanvanklike koue Saterdagoggend het nie die geesdrif van die spelers gedemp wat in die o.10-, o.12-, o.14-, o.16- en o.18-afdelings in enkel- en dubbelspelwedstryde meegeding het nie.By die o.18-seuns het strawwe kompetisie in die semifinale vir warm spel gesorg. In die een halfeindstryd het die topgekeurde Lorenzo Danster teen Daniel Jauss (derde gekeur) op die baan gestap, maar is met 6-2, 6-4 uitgeskakel. In die ander semifinaal klop George Louw vir Dian Calitz met 6-0, 7-6 om in die eindstryd teen Jauss kragte te meet. Jauss was beslis op die dag die beter teenstander met sy sterk afslane en seëvier met 6-2, 7-5 vir sy tweede opeenvolgende sege in die junior reeks, terwyl Calitz die bronsmedalje opraap.Lisa Yssel wen by die o.18-meisies teen sowel Megan Lombardt (6-2, 6-4) as teen Nicola Nitschke (6-1, 6-0). Ongelukkig het net dié drietal in die afdeling ingeskryf.Die Namibiese Tennisvereniging bedank Sanlam Namibië vir sy volgehoue ondersteuning, verbintenis en passie om junior tennis te help ontwikkel en gesond te hou. Die uitslae van die eindstryde was soos volg:MEISIESO.10. Linda Alemu (goud) bly onoorwonne teen Elrica Nakusera (silwer) en Emma Brinkmann (brons). Dubbelspel: 1 Linda Alemu en Emma Brinkmann, 2 Ottilie Hinda en Elrica Nakusera. O.12. Die ongekeurde Lila Kidd klop die eerste gekeurde Ayanda Basson (7-5, 1-6, 10-6). Brons: Santie van der Walt. Dubbelspel: 1 Lila Kidd/Ayanda Basson, 2 Santie van der Walt/Marike WeitzO.14. Die topgekeurde Hayley Kidd klop nr. 4 Karla Terblanche (6-1, 6-2). Brons: Joanivia Bezuidenhout. Dubbelspel: 1 Hayley Kidd/Joanivia Bezuidenhout, 2 Karla Terblanche/Riamarie Visagie.O.16. Raica Coelho oorheers as topgekeurde en klop Sytisha Goagoses in die finaal (6-1, 6-1). Brons: Larushka Kruger. Dubbelspel: 1 Raica Coelho/Dominique Theron, 2 Sytisha Goagoses/Larushka Kruger.O.18. Lisa Yssel (goud) bly onoorwonne teen Megan Lombardt (silwer) en Nicola Nitschke (brons). Dubbelspel: 1 Megan Lombardt/Lisa Yssel, 2 Eila Kambonde/Nicola Nitschke.SEUNSO.10. Luan Brand (goud) bly onoorwonne in die rondomtalie en klop die topgekeurde Samuel Lagvardi (silwer) en Divan Engelbrecht (brons).O.12. Ruben Yssel, nr. 1 gekeur, klop nr. 4 Eduan Schollij (6-2, 6-4). Brons: Lian Kuhn. Dubbelspel: 1 Brian Edwards/Lian Kuhn, 2 Abraham Alemu/Ruben Yssel.o.14. Die tweede gekeurde Adam Diggle klop die topgekeurde Oliver Leicher (6-3, 6-7, 7-5). Brons: Ruben Nel. Dubbelspel: 1 Adam Diggle/Oliver Leicher, 2 Ruan Calitz/Joel Hiveluah.o.18. Daniel Jauss klop George Louw (6-2, 7-5). Brons: Dian Calitz. Dubbelspel: 1 Daniel Jauss/George Louw, 2 Dian Calitz/Ruben Nel.Die Namibiese Tennisvereniging bied sy volgende Sanlam junior toernooi op 24 Julie in Windhoek aan. Hul Facebook-blad (www.facebook.com/tennisnamibia) kan vir foto's en inligting besoek word.- tielman@republikein.com.na

Sanlam lok jonges in goeie getalle

Kommentaar

Republikein 2026-07-23

Meld asseblief aan om kommentaar te lewer

Sanlam lok jonges in goeie getalle

Kommentaar

Republikein 2026-07-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.