Sanlam het les wat hy regering wil leer
Die maatskappy se uitvoerende hoof sê hy glo nie Suid-Afrika is in ’n terminale staat nie, en kan herstel word.
Nellie Brand-Jonker – Sanlam het ’n les wat hy vir die regering met die implementering van groeiplanne wil leer.
Ian Kirk, uitvoerende hoof, het Donderdag met die uitreiking van die groep se halfjaarresultate sy stem gevoeg by dié van talle uitvoerende hoofde van groot maatskappye oor hoe kommerwekkend die ekonomiese situasie in die land is, en dat planne nou geïmplementeer moet word om groei te bewerkstellig.
“Of dit die jongste plan is van die tesourie of die 14-punt-plan, of die Nasionale Ontwikkelingsplan (NOP) – ons het al die planne, maar ons sukkel om dit gedoen te kry. Dit is nou tyd vir die implementering.
Kirk sê hy glo nie Suid-Afrika is in ’n terminale staat nie, en kan herstel word.
“Ons het nou ’n nuwe dokument oor wat die ekonomiese strategie vir Suid-Afrika moet wees, en dit is tot groot mate in ooreenstemming met die NOP en ander beleide, maar ons moet dit regtig nou begin implementeer.”
Kirk sê daar is meer en meer erkenning in sekere dele van die regering dat implementering nou nodig is.
Daar is ook erkenning dat daar saamgewerk moet word met die sakesektor en georganiseerde arbeid om die werk gedoen te kry.
“Die implementering van wat gedoen moet word, is iets wat ons doen en verstaan. Dit gaan daaroor dat almal saamstem oor wat die prioriteite is. Anders kry jy beleidsonsekerheid en niemand weet wat hulle moet doen nie. Ons gaan nie Suid-Afrika regruk as dié kwessie nie getakel word nie.”
Hy sê ook die sakesektor moet meer proaktief oor die prioriteite wees.
Volgens hom word die invloed van die swak ekonomie op sy onderneming op verskeie maniere gesien. Dit sluit in ryker mense wat ’n gebrek aan beleggingsvertroue het, en dus minder beleggingsprodukte koop.
Dit kan ook gesien word in die styging in die voorsiening wat gemaak word vir maatskappye wat sukkel om hul lenings terug te betaal.
“Ons het ’n groot kredietboek vir maatskappye, soos ander lewensversekeraars en banke. Daar moet nou baie versigtig opgetree word en ons het ’n paar voorsienings gemaak.” – Netwerk24
Ian Kirk, uitvoerende hoof, het Donderdag met die uitreiking van die groep se halfjaarresultate sy stem gevoeg by dié van talle uitvoerende hoofde van groot maatskappye oor hoe kommerwekkend die ekonomiese situasie in die land is, en dat planne nou geïmplementeer moet word om groei te bewerkstellig.
“Of dit die jongste plan is van die tesourie of die 14-punt-plan, of die Nasionale Ontwikkelingsplan (NOP) – ons het al die planne, maar ons sukkel om dit gedoen te kry. Dit is nou tyd vir die implementering.
Kirk sê hy glo nie Suid-Afrika is in ’n terminale staat nie, en kan herstel word.
“Ons het nou ’n nuwe dokument oor wat die ekonomiese strategie vir Suid-Afrika moet wees, en dit is tot groot mate in ooreenstemming met die NOP en ander beleide, maar ons moet dit regtig nou begin implementeer.”
Kirk sê daar is meer en meer erkenning in sekere dele van die regering dat implementering nou nodig is.
Daar is ook erkenning dat daar saamgewerk moet word met die sakesektor en georganiseerde arbeid om die werk gedoen te kry.
“Die implementering van wat gedoen moet word, is iets wat ons doen en verstaan. Dit gaan daaroor dat almal saamstem oor wat die prioriteite is. Anders kry jy beleidsonsekerheid en niemand weet wat hulle moet doen nie. Ons gaan nie Suid-Afrika regruk as dié kwessie nie getakel word nie.”
Hy sê ook die sakesektor moet meer proaktief oor die prioriteite wees.
Volgens hom word die invloed van die swak ekonomie op sy onderneming op verskeie maniere gesien. Dit sluit in ryker mense wat ’n gebrek aan beleggingsvertroue het, en dus minder beleggingsprodukte koop.
Dit kan ook gesien word in die styging in die voorsiening wat gemaak word vir maatskappye wat sukkel om hul lenings terug te betaal.
“Ons het ’n groot kredietboek vir maatskappye, soos ander lewensversekeraars en banke. Daar moet nou baie versigtig opgetree word en ons het ’n paar voorsienings gemaak.” – Netwerk24
Kommentaar
Republikein
Geen kommentaar is op hierdie artikel gelaat nie