Sandhof se mooiste lelies

Honderde Namibiërs het die ­afgelope naweek na Sandhof by ­Malta­höhe gestroom om dié unieke lelieprag oor 'n gebied van meer as 700 hektaar te beleef. Die bekroonde fotograaf Rian van Schalkwyk het Saterdagoggend sy sesjarige dogter, Nina, tussen die lelies ­afgeneem. Hy is die skrywer van die fotoboek ­Safari with Nina, wat hul gesamentlike tog in 2019 deur agt Afrikalande verewig. Nina het ­gister haar eerste skooldag as graad 1-leerling ­begin.