SAL-vlieëniers dreig met staking
Die lugdiens verwag ’n netto verlies van R1,9 miljard in die lopende boekjaar.
Francois Williams – Vlieëniers van die Suid-Afrikaanse Lugdiens (SAL) dreig om te staak as die SAL nie ’n uitvoerende hoof aanstel met bewese lugdienservaring en as hy nie ’n afgetrede of aktiewe vlieënier in die direksie van die SAL aanstel nie.
Engineering News berig die Suid-Afrikaanse Lugdiens Vlieëniersvereniging (Saapa) het Donderdag in ’n verklaring gesê sy lede is bereid om te staak as sy eise vir leierskapveranderings nie uitgevoer word nie.
Volgens Saapa het hulle verskeie vergaderings met die lugdiensbestuur gehad, maar dit het geen resultate opgelewer of enige vertroue in die toekoms van die SAL gegee nie.
In ’n brief met eise wat Saapa volgens Engineering News in Augustus aan die SAL gestuur het, dring Saapa aan dat:
· ’n Uitvoerende hoof met werkervaring wat die pos van uitvoerende hoof insluit en wat gespesialiseerde vaardighede en ervaring het in die omkeer van ’n lugdiens van soortgelyke grootte as die SAL binne 90 dae aangestel moet word;
· ’n afgetrede of aktiewe vlieënier in die direksie van die SAL aangestel moet word;
· Vlugbedrywighede geherstruktureer moet word gegrond op beste praktyk en volgens die struktuur van wêreldklas-lugdienste;
· ’n Vaardigheidsoudit van alle hoofbestuurders en departementshoofde gedoen word, insluitend dié in waarnemende poste; en
· Daar voldoen moet word aan die kollektiewe ooreenkomste tussen die lugdiens en Saapa.
Luidens Saapa se verklaring sal dit die eerste keer in die SAL se geskiedenis van 80 jaar wees as vlieëniers wel tot ’n staking oorgaan. Vlieëniers het al voorheen gedreig om te staak, en kajuitpersoneel het al wel voorheen gestaak.
Die vereniging het al in Junie met ’n staking gedreig toe Zukisa Ramasia as waarnemende hoof aangestel is. Dit was nadat Vuyani Jarana as hoof bedank het uit protes dat hy nie genoeg steun van die regering gekry het om sy omdraaistrategie vir die lugdiens uit te voer nie.
Die SAL verwag ’n netto verlies van R1,9 miljard in die lopende boekjaar, het geblyk uit ’n voorlegging verlede week in die parlement. Boonop het die SAL teen Desember nog R2 miljard nodig as bedryfskapitaal. SowetanLIVE berig die verklaring van Saapa is deur kapt. Grant Back, voorsitter van Saapa, uitgestuur.
Tlali Tlali, woordvoerder vir die SAL, het in Junie aan die radiostasie 702 gesê die lugdiens was nie beïndruk met die boodskap wat Saapa in die openbaar uitgestuur het nie, veral nie oor die kritiek teen die aanstel van Ramasia as tydelike hoof nie. Tlali meen die standpunte van Saapa skep onstabiliteit vir die lugdiens en sy personeel.
Tlali het toe in ’n verklaring gesê Ramasia was tot in daardie stadium die mees senior en ervare uitvoerende beampte by die SAL en was aan die stuur van die lugdiens se internasionale bedrywighede. – Netwerk24
Engineering News berig die Suid-Afrikaanse Lugdiens Vlieëniersvereniging (Saapa) het Donderdag in ’n verklaring gesê sy lede is bereid om te staak as sy eise vir leierskapveranderings nie uitgevoer word nie.
Volgens Saapa het hulle verskeie vergaderings met die lugdiensbestuur gehad, maar dit het geen resultate opgelewer of enige vertroue in die toekoms van die SAL gegee nie.
In ’n brief met eise wat Saapa volgens Engineering News in Augustus aan die SAL gestuur het, dring Saapa aan dat:
· ’n Uitvoerende hoof met werkervaring wat die pos van uitvoerende hoof insluit en wat gespesialiseerde vaardighede en ervaring het in die omkeer van ’n lugdiens van soortgelyke grootte as die SAL binne 90 dae aangestel moet word;
· ’n afgetrede of aktiewe vlieënier in die direksie van die SAL aangestel moet word;
· Vlugbedrywighede geherstruktureer moet word gegrond op beste praktyk en volgens die struktuur van wêreldklas-lugdienste;
· ’n Vaardigheidsoudit van alle hoofbestuurders en departementshoofde gedoen word, insluitend dié in waarnemende poste; en
· Daar voldoen moet word aan die kollektiewe ooreenkomste tussen die lugdiens en Saapa.
Luidens Saapa se verklaring sal dit die eerste keer in die SAL se geskiedenis van 80 jaar wees as vlieëniers wel tot ’n staking oorgaan. Vlieëniers het al voorheen gedreig om te staak, en kajuitpersoneel het al wel voorheen gestaak.
Die vereniging het al in Junie met ’n staking gedreig toe Zukisa Ramasia as waarnemende hoof aangestel is. Dit was nadat Vuyani Jarana as hoof bedank het uit protes dat hy nie genoeg steun van die regering gekry het om sy omdraaistrategie vir die lugdiens uit te voer nie.
Die SAL verwag ’n netto verlies van R1,9 miljard in die lopende boekjaar, het geblyk uit ’n voorlegging verlede week in die parlement. Boonop het die SAL teen Desember nog R2 miljard nodig as bedryfskapitaal. SowetanLIVE berig die verklaring van Saapa is deur kapt. Grant Back, voorsitter van Saapa, uitgestuur.
Tlali Tlali, woordvoerder vir die SAL, het in Junie aan die radiostasie 702 gesê die lugdiens was nie beïndruk met die boodskap wat Saapa in die openbaar uitgestuur het nie, veral nie oor die kritiek teen die aanstel van Ramasia as tydelike hoof nie. Tlali meen die standpunte van Saapa skep onstabiliteit vir die lugdiens en sy personeel.
Tlali het toe in ’n verklaring gesê Ramasia was tot in daardie stadium die mees senior en ervare uitvoerende beampte by die SAL en was aan die stuur van die lugdiens se internasionale bedrywighede. – Netwerk24
Kommentaar
Republikein
Geen kommentaar is op hierdie artikel gelaat nie