SAL ly sy grootste verlies nóg

Die Suid-Afrikaanse Lugdiens (SAL) het in die boekjaar tot einde Maart verlede jaar ’n bedryfsverlies van R1,491 miljard gely, toon die finansiële state wat Donderdag by die parlement ingedien is.Dit is state waarop die parlement nou al langer as ’n jaar wag.Die lugdiens se totale verlies vir die jaar is R4,7 miljard as waardevermindering, afskrywings, finansieringskoste en belasting ingesluit word.Die bedryfsverlies is ’n veel groter verlies as die bedryfsverlies van R374 miljoen van 2014, die bedryfsverlies van R425 miljoen in 2013 en die bedryfsverlies van R703 miljoen in 2012. Die staatslugdiens het in 2011 laas ’n bedryfswins behaal, met R1,716 miljard.Die totale verlies is ook die grootste nóg.Die SAL skryf die verlies toe aan veral die swakker rand wat afskrywings van tot R1,9 miljard op die waarde van vliegtuie genoodsaak het.Finansieringskoste het met 86% tot R490 miljoen gestyg, en die lugdiens verwag dié koste sal steeds styg.Die huurkoste van sy vliegtuie het met 11% gestyg van R2,5 miljard in 2014 tot R2,8 miljard in 2015 – hoofsaaklik weens die swakker rand en die ses bykomende A320-vliegtuie wat in 2105 afgelewer is en 4 in 2014. Vier van die vliegtuie is teruggegee en twee onderverhuur aan Mango.R800 miljoen van die waarde van sy A340-vloot is afgeskryf. Die rampspoedige A320-transaksie, met sy herfinansieringskandes, het tot afskrywings van R700 miljoen gelei en voorsiening word vir nog R100 miljoen word gemaak.Die finansiële state wys die SAL se bedryfswins uit binnelandse vlugte het met 17% tot R660 miljoen gekrimp weens groeiende mededinging van twee nuwe laekostelugdienste.Die SAL kla ook oor swakker resultate van sy vlugte na die res van Afrika, waar bedryfswins met 28% tot R551 miljoen gekrimp het, deels ook weens nuwe laekostemededingers en die uitbreek van die Ebola-virus in Wes-Afrika wat passasiersgetalle laat krimp het.Die SAL se internasionale bedrywighede ly steeds ’n verlies, maar volgens die state het dit met 49% verbeter tot ’n verlies van R793 miljoen teenoor die vorige jaar se verlies van R1,569 miljard.Ondanks oliepryse wat in die 2015-boekjaar 16% laer was, kon die SAL nie die volle voordeel daaruit trek nie weens die swakker rand en langtermyn-verskansingsposisies teen hoër brandstofpryse waarin die lugdiens reeds vasgepen was.Brandstof is volgens die SAL steeds sy grootste enkele koste teen 32% van totale bedryfsuitgawes, en die brandstofrekening het met net 8% tot R900 miljoen gekrimp. Die SAL se personeelgetalle het in die 2015-boekjaar stabiel gebly rondom 11 476 mense, maar die salarisrekening het met 8% tot R5,7 miljard gegroei.Onderhoudskoste het met 32% tot R3,4 miljard toegeneem teenoor die vorige jaar.Rentebetalings op private lenings het van R176 miljoen tot R404 miljoen toegeneem. -Netwerk24

SAL ly sy grootste verlies nóg

Kommentaar

Republikein 2025-05-05

Meld asseblief aan om kommentaar te lewer

SAL ly sy grootste verlies nóg

Kommentaar

Republikein 2025-05-05

Meld asseblief aan om kommentaar te lewer

MELD AAN

Advertensie