Saints wen medaljes

Saints se eerste meisieshokkiespan het vanjaar die bronsmedalje in die Namibiese Skolesportunie (NSSU) se eerste liga verower toe hulle Windhoek Gimnasium met 1-0 geklop het. Saints is die gekombineerde hokkiespanne van St. George’s Diocesan School en St. Paul’s College. In die agterste ry van links is Megan Gibson, Kyla Grobler, Amber Dercksen, Michele Milho (bestuurder), Kaeala Schimming, Cinde-Lee Koopman, Aimee Philander en Adama Cooper. Voor is Panduleni Khiba, Liza-Mari van Wyk, Tamika Milho (onderkaptein) met Ameli Füscher, Gillian Hermanus (kaptein) met Mareli Füscher, Kate Jandrell en Lezél Amoraal-Füscher (afrigter). Saints se eersteliga-seunspan het ook die bronsmedalje verower deur die span van Walvisbaai Privaat Hoërskool met 8-1 te verslaan. Die seuns het ’n uitstekende seisoen onder leiding van hul nuwe afrigter, Francois Füscher, agter die blad. Hulle het vroeër vanjaar ook die Jubber-toernooi en die Windhoek Gimnasium Sportfees se titels ingepalm. Foto verskaf