SABMiller nóg ligter ná Panama-ooreenkoms

Hanlie StadlerBiere word in Sentraal- en Latyns-Amerika soos skaakstukke rondgeskuif in Anheuser-Busch InBev (AB InBev) se voortslepende stryd om goedkeuring te kry vir die verkryging van SABMiller.AB InBev probeer SABMiller se beste biere behou en raak ontslae van die handelsname wat nie so sterk in dié mark staan nie.AB InBev het met sy filiaal Ambev ooreengekom dat SABMiller se bedrywighede in Panama aan Ambev oorgedra word. In ruil daarvoor dra Ambev sy sake in Colombia, Peru en Ecuador aan AB InBev oor.Dit sal AB InBev in staat stel om te fokus op die lande waar die SABMiller-bedrywighede goed gevestig is, sê die twee maatskappye in ’n Sens-verklaring.Die transaksie is op voorwaarde dat AB InBev en SABMiller wel saamsmelt.SABMiller se direksie het op 11 November verlede jaar ingestem om AB InBev se vierde aanbod, van £44 per aandeel, te steun.Die twee maatskappye moet in dosyne lande goedkeuring kry vir die samesmelting en in die proses word SABMiller al hoe ligter.* SABMiller se 58%-belang in MillerCoors is vir $12 miljard aan Molson Coors, wat die ander 42% van die gesamentlike onderneming besit, verkoop.* SABMiller se 49%-belang in China Resources Snow Breweries is vir $1,6 miljard verkoop aan SABMiller se vennoot in dié maatskappy, China Resources Beer.* Meantime, Peroni en Groslch is vir $2,9 miljard aan die Japanse maatskappy Asahi verkoop.* SABMiller se Oos-Europese brouerye – Dreher Breweries (Hongarye), Kompania Piwowarska (Pole), Plzenský Prazdroj en Pivovary Topvar (Tsjeggië en Slowakye) en Ursus Breweries (Roemenië) – word alles verkoop. - Netwerk24

SABMiller nóg ligter ná Panama-ooreenkoms

Kommentaar

Republikein 2026-09-14

Meld asseblief aan om kommentaar te lewer

SABMiller nóg ligter ná Panama-ooreenkoms

Kommentaar

Republikein 2026-09-14

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.