Saak teen 'putmoordenaars' gesluit
Jessica Botes – Twee vermeende moordenaars se regsverteenwoordigers sal volgende maand vertoë ter verdediging van hul kliënte in die hoërhof rig.
Dít volg nadat die staat gister sy saak teen mnre. Raynoldt Windstaan en Johannes Eichab gesluit het. Die mans word daarvan beskuldig dat hulle mnre. Klaas Titus (42) en John McNab (39) tussen 16 en 18 Julie 2005 vermoor het. Hulle word verder van dwarsboming van die gereg aangekla.
Hulle is in 2009 in hegtenis geneem nadat die oorskot van Titus en McNab in ’n droë put op die plaas Good Hope gevind is.
Windstaan en Eichab het na bewering die twee slagoffers op die plaas Omomas in die Kalkrand-omgewing aangeval en hulle na bewering lewend in ’n afgesonderde put op die nabygeleë plaas Good Hope gegooi. Die twee slagoffers het weens honger en dors gesterf.
Eichab, wat eers net ’n getuie in die saak was, is ’n jaar ná Windstaan in hegtenis geneem.
Volgens Eichab se skulderkenning wat reeds in die hof openbaar gemaak is, het Windstaan hom gedreig sodat hy hom moes help om vir McNab en Titus te vermoor. Windstaan het glo die twee oorledenes herhaaldelik met ’n ysterstaaf geslaan, totdat hulle hul bewussyn verloor het.
Beide beskuldigdes het gister in die hof bevestig dat hulle nie ter verdediging van hulself getuienis sal lewer of enige getuies sal roep nie.
Windstaan het verlede jaar ‘n aansoek dat sy vervolging gestaak moet word by die hoërhof ingedien, omdat hy glo nooit formeel van die moorde aangekla is nie. Die aansoek is ingedien tydens ’n binneverhoor oor die toelaatbaarheid van onder meer ’n skulderkenning wat Eichab aan ’n landdros gemaak het.
Die beskuldigde se regsverteenwoordiger, mnr. Titus Mbaeva, het betoog dit het tydens die binneverhoor duidelik geword dat Windstaan nie behoorlik voor die hof gebring is nie.
Windstaan is in 2009 op ’n klag van veediefstal deur die polisie in hegtenis geneem.
Volgens Mbaeva besluit Windstaan egter nog of hy met dié aansoek wil voortgaan. Indien sy aansoek slaag, sal die klagte teen hom teruggetrek en hy uit aanhouding vrygelaat word.
Shivute het die verhoor vir vertoë tot 11 Mei uitgestel.
Dít volg nadat die staat gister sy saak teen mnre. Raynoldt Windstaan en Johannes Eichab gesluit het. Die mans word daarvan beskuldig dat hulle mnre. Klaas Titus (42) en John McNab (39) tussen 16 en 18 Julie 2005 vermoor het. Hulle word verder van dwarsboming van die gereg aangekla.
Hulle is in 2009 in hegtenis geneem nadat die oorskot van Titus en McNab in ’n droë put op die plaas Good Hope gevind is.
Windstaan en Eichab het na bewering die twee slagoffers op die plaas Omomas in die Kalkrand-omgewing aangeval en hulle na bewering lewend in ’n afgesonderde put op die nabygeleë plaas Good Hope gegooi. Die twee slagoffers het weens honger en dors gesterf.
Eichab, wat eers net ’n getuie in die saak was, is ’n jaar ná Windstaan in hegtenis geneem.
Volgens Eichab se skulderkenning wat reeds in die hof openbaar gemaak is, het Windstaan hom gedreig sodat hy hom moes help om vir McNab en Titus te vermoor. Windstaan het glo die twee oorledenes herhaaldelik met ’n ysterstaaf geslaan, totdat hulle hul bewussyn verloor het.
Beide beskuldigdes het gister in die hof bevestig dat hulle nie ter verdediging van hulself getuienis sal lewer of enige getuies sal roep nie.
Windstaan het verlede jaar ‘n aansoek dat sy vervolging gestaak moet word by die hoërhof ingedien, omdat hy glo nooit formeel van die moorde aangekla is nie. Die aansoek is ingedien tydens ’n binneverhoor oor die toelaatbaarheid van onder meer ’n skulderkenning wat Eichab aan ’n landdros gemaak het.
Die beskuldigde se regsverteenwoordiger, mnr. Titus Mbaeva, het betoog dit het tydens die binneverhoor duidelik geword dat Windstaan nie behoorlik voor die hof gebring is nie.
Windstaan is in 2009 op ’n klag van veediefstal deur die polisie in hegtenis geneem.
Volgens Mbaeva besluit Windstaan egter nog of hy met dié aansoek wil voortgaan. Indien sy aansoek slaag, sal die klagte teen hom teruggetrek en hy uit aanhouding vrygelaat word.
Shivute het die verhoor vir vertoë tot 11 Mei uitgestel.
Kommentaar
Republikein
Geen kommentaar is op hierdie artikel gelaat nie