Saai-plan om SA boere tydens inperking te help
Op die nuwe platform kan die boere en hul werkers noodsaaklike reisdokumente oplaai wat tydens die volgende 21 dae van inperking nodig sal wees.
Sarel van der Walt
Wanneer die kalf in die put is, maak 'n boer altyd 'n plan.
Dié keer is die vrye beweging van die land se boere weens Covid-19 die uitdaging waarmee die landbouers te make het.
Een probleem is die uitdaging vir boere en hul landbouers om vryelik na en van plase te beweeg om hul werk te doen in die 21 dae dat die land in 'n staat van inperking is.
Hoewel landbouers en voedselverskaffers, insluitend boerdery, veeartsenykundige en diensverskaffers vir plantegesondheid, plaagbeheerdienste en chemiese en kunsmisverskaffers geklassifiseer is as noodsaaklike dienste, voorsien die landbou-organisasie Saai 'n mate van frustrasie by padblokkades – veral tydens die vroeë stadium van die inperking.
Om dié probleem te probeer oorkom, het Saai 'n web-platform vir familieboere en hul werkers geskep om dit vir die boere en hul werkers makliker te maak om rond te beweeg.
“Gegewe die uitdagings om met owerhede op alle vlakke te kommunikeer, hoop Saai om só 'n bydrae te lewer tot die ongehinderde voortsetting van die voedselketting deur die skep van dié digitale hulpmiddel, tesame met die samevoeging van pogings om 'n oplossing voor te stel en met die owerhede in gesprek te tree,” sê Francois Rossouw, uitvoerende hoof.
Op die nuwe platform kan die boere en hul werkers noodsaaklike reisdokumente wat tydens die volgende 21 dae van inperking nodig sal wees, oplaai.
Die land se boere en hul werkers sal oor die volgende 21 dae steeds na en van plase moet reis om hul onderskeie funksies en take te verrig.
“Ons platform laat enigeen wat as 'n noodsaaklike diens vir volgehoue besigheid in die landbousektor geklassifiseer word, toe om noodsaaklike dokumente op te laai ten einde te bewys dat hul reise wettig is binne die staat van inperking.
“Die stelsel stuur dan 'n e-pos aan deelnemers wat 'n PDF-dokument met al hulle inligting bevat.
“Saai sal ook 'n kaartjie aan intekenaars WhatsApp met 'n QR-kode wat al die nodige inligting sal bevat,” sê Rossouw.
Dié QR-tegnologie is vryelik beskikbaar en kan by enige app-winkel afgelaai word. Hierdie diens is gratis en beskikbaar vir alle boere.
– Netwerk24
Wanneer die kalf in die put is, maak 'n boer altyd 'n plan.
Dié keer is die vrye beweging van die land se boere weens Covid-19 die uitdaging waarmee die landbouers te make het.
Een probleem is die uitdaging vir boere en hul landbouers om vryelik na en van plase te beweeg om hul werk te doen in die 21 dae dat die land in 'n staat van inperking is.
Hoewel landbouers en voedselverskaffers, insluitend boerdery, veeartsenykundige en diensverskaffers vir plantegesondheid, plaagbeheerdienste en chemiese en kunsmisverskaffers geklassifiseer is as noodsaaklike dienste, voorsien die landbou-organisasie Saai 'n mate van frustrasie by padblokkades – veral tydens die vroeë stadium van die inperking.
Om dié probleem te probeer oorkom, het Saai 'n web-platform vir familieboere en hul werkers geskep om dit vir die boere en hul werkers makliker te maak om rond te beweeg.
“Gegewe die uitdagings om met owerhede op alle vlakke te kommunikeer, hoop Saai om só 'n bydrae te lewer tot die ongehinderde voortsetting van die voedselketting deur die skep van dié digitale hulpmiddel, tesame met die samevoeging van pogings om 'n oplossing voor te stel en met die owerhede in gesprek te tree,” sê Francois Rossouw, uitvoerende hoof.
Op die nuwe platform kan die boere en hul werkers noodsaaklike reisdokumente wat tydens die volgende 21 dae van inperking nodig sal wees, oplaai.
Die land se boere en hul werkers sal oor die volgende 21 dae steeds na en van plase moet reis om hul onderskeie funksies en take te verrig.
“Ons platform laat enigeen wat as 'n noodsaaklike diens vir volgehoue besigheid in die landbousektor geklassifiseer word, toe om noodsaaklike dokumente op te laai ten einde te bewys dat hul reise wettig is binne die staat van inperking.
“Die stelsel stuur dan 'n e-pos aan deelnemers wat 'n PDF-dokument met al hulle inligting bevat.
“Saai sal ook 'n kaartjie aan intekenaars WhatsApp met 'n QR-kode wat al die nodige inligting sal bevat,” sê Rossouw.
Dié QR-tegnologie is vryelik beskikbaar en kan by enige app-winkel afgelaai word. Hierdie diens is gratis en beskikbaar vir alle boere.
– Netwerk24
Kommentaar
Republikein
Geen kommentaar is op hierdie artikel gelaat nie