SA vat vervaardiger van lugsakke, stuurwiele vas
Een van die wêreld se grootste vervaardigers van lugsakke, sitplekgordels en stuurwiele het ingestem om 'n boete van byna R150 miljoen te betaal vir 'n oortreding van die Wet op Mededinging.
Autoliv het met die Mededingingskommissie geskik oor sy betrokkenheid by verbode praktyke in die tender vir kontrakte van motorvervaardigers soos BWM en Volkswagen.
Autoliv het hom saam met sy mededingers TRW, Takata Group, Toyoda Gosei en Tokai Rika skuldig gemaak aan verbode praktyke soos prysvasstelling, die verdeling van die mark en samespanning met tenders.
Dit is almal buitelandse maatskappye. Autoliv se hoofkantoor is in Stockholm, Swede.
Die skikking is aangegaan nadat die kommissie tenders vir motorvervaardigers soos BMW en die Volkswagen-groep ondersoek het. Die ondersoek na die ander maatskappye duur voort. - Netwerk24
Autoliv het met die Mededingingskommissie geskik oor sy betrokkenheid by verbode praktyke in die tender vir kontrakte van motorvervaardigers soos BWM en Volkswagen.
Autoliv het hom saam met sy mededingers TRW, Takata Group, Toyoda Gosei en Tokai Rika skuldig gemaak aan verbode praktyke soos prysvasstelling, die verdeling van die mark en samespanning met tenders.
Dit is almal buitelandse maatskappye. Autoliv se hoofkantoor is in Stockholm, Swede.
Die skikking is aangegaan nadat die kommissie tenders vir motorvervaardigers soos BMW en die Volkswagen-groep ondersoek het. Die ondersoek na die ander maatskappye duur voort. - Netwerk24
Kommentaar
Republikein
Geen kommentaar is op hierdie artikel gelaat nie