SA titel wink vir Helalia
Padwedlope
Daar was vanjaar geen keer aan die Namibiese padatleet Helalia Johannes in Suid-Afrikaanse wedlope nie.
Sy sal gewis Sondagoggend aan die laaste vrouewedloop in die Spar Grand Prix-reeks oor 10 kilometer in Johannesburg deelneem, het haar afrigter Robert Kaxuxuena gister bevestig. “Sy het vandag uit Doha vertrek; haar bene voel goed genoeg.”
Johannes het die afgelope naweek derde in die marathon geëindig op die IAAF wêreldkampioenskap in Doha, Katar. Dit is haar land se eerste IAAF-wêreldmedalje deur 'n vroueatleet.
Sy het reeds die Spar Grand Prix-titel as algehele wenner in die sakkie. Sy het 150 punte verdien nadat sy die vorige vyf wedlope gewen het, almal in byeenkomsrekordtye.
Die Spar Grand Prix-titel kom met prysgeld van R185 000 vir die wenner.
WEDLOOP TUSSEN DIE RES
Nog 'n buitelander, die Ethiopiër Tadu Nare, is tans in die tweede plek met 134 punte nadat sy tweede in Port Elizabeth, derde in Kaapstad en tweede in Durban, Tshwane en Pietermaritzburg geëindig het.
Nare het verlede maand die CityRun-wedloop oor 10 km in Johannesburg in 33 minute 53 sekondes gewen.
Die groot stryd is om die derde plek. Kesa Molotsane is net vyf punte voor Irvette van Zyl.
Van Zyl, 'n driemalige Grand Prix-wenner, het nie aan die die CityRun-ren deelgeneem nie, maar is nou weer slaggereed.
Gerda Steyn, die Comrades- en Twee Oseane-wenner, sal ook Sondag aantree. Sy berei voor vir die New York-marathon op 3 November.
Die veteraan Sonja Laxton sal aan haar 100ste wedloop in dié vrouereeks deelneem.
– Bygewerk van Netwerk24
Sy sal gewis Sondagoggend aan die laaste vrouewedloop in die Spar Grand Prix-reeks oor 10 kilometer in Johannesburg deelneem, het haar afrigter Robert Kaxuxuena gister bevestig. “Sy het vandag uit Doha vertrek; haar bene voel goed genoeg.”
Johannes het die afgelope naweek derde in die marathon geëindig op die IAAF wêreldkampioenskap in Doha, Katar. Dit is haar land se eerste IAAF-wêreldmedalje deur 'n vroueatleet.
Sy het reeds die Spar Grand Prix-titel as algehele wenner in die sakkie. Sy het 150 punte verdien nadat sy die vorige vyf wedlope gewen het, almal in byeenkomsrekordtye.
Die Spar Grand Prix-titel kom met prysgeld van R185 000 vir die wenner.
WEDLOOP TUSSEN DIE RES
Nog 'n buitelander, die Ethiopiër Tadu Nare, is tans in die tweede plek met 134 punte nadat sy tweede in Port Elizabeth, derde in Kaapstad en tweede in Durban, Tshwane en Pietermaritzburg geëindig het.
Nare het verlede maand die CityRun-wedloop oor 10 km in Johannesburg in 33 minute 53 sekondes gewen.
Die groot stryd is om die derde plek. Kesa Molotsane is net vyf punte voor Irvette van Zyl.
Van Zyl, 'n driemalige Grand Prix-wenner, het nie aan die die CityRun-ren deelgeneem nie, maar is nou weer slaggereed.
Gerda Steyn, die Comrades- en Twee Oseane-wenner, sal ook Sondag aantree. Sy berei voor vir die New York-marathon op 3 November.
Die veteraan Sonja Laxton sal aan haar 100ste wedloop in dié vrouereeks deelneem.
– Bygewerk van Netwerk24
Kommentaar
Republikein
Geen kommentaar is op hierdie artikel gelaat nie