SA prys-benoeming: Ronald wie?
Boks
Michael Green - Ronald Malindi is een van die kandidate om vandeesmaand as Suid-Afrika se bokser van die jaar aangewys te word.
Selfs mense wat boks toegewyd volg, kan verskoon word as hulle nie die vaagste benul het wie Malindi is nie.
Hulle sal ook wonder hoe hy dit reggekry het om saam met Kevin Lerena, Thulani Mbenge, Azinga Fuzile en Yanga Sigqibo benoem te word.
Malindi (15 gewen, 0 verloor, 9 uitklophoue) is 'n knap bokser wat in Desember die vakante Afrika-Boksunie-kapokgewigtitel gewen het.
Of dit hom goed genoeg maak om die land se bokser van die jaar te word, is debatteerbaar.
Dieselfde geld vir Sigqibo (12-1-1), wat die Wêreldboksraad se internasionale titel as supervlieggewig gewen het. Maar laasgenoemde het darem al teen twee buitelandse boksers geveg, teenoor die een van Malindi.
Dis dan te betwyfel of Malindi en Sigqibo ernstige aanspraakmakers is om op 17 Mei in die Sandton-konferensiesentrum die gesogte titel as bokser van die jaar voor Lerena, Mbenge of Fuzile weg te raap.
Verlede jaar se bokser van die jaar, Zolani Tete (WBO kapokgewigkampioen), sal weer by die prysuitdeling wees. Hy is hierdie keer benoem vir uitklophou van die jaar.
Hy het sy landgenoot Siboniso Gonya op 18 November 2017 in Belfast, Ierland, in die 11de sekonde van hul geveg uitgeslaan. Dit is die vinnigste uitklophou in die geskiedenis van wêreldtitelgevegte.
Dié geveg val steeds in die tydperk waarin daar vir 'n benoeming gekwalifiseer kon word.
Die vernaamste benoemings is:
Bokser van die jaar: Yanga Sigqibo, Ronald Malindi, Azinga Fuzile, Thulani Mbenge, Kevin Lerena.
Vroue-bokser van die jaar: Bukiwe Nonina, Mellisa Miller, Thema Zuma.
Geveg van die Jaar (mans): Ulises Lara teen Nhlanhla Ngamntwini, Mzoxolo Ndwayana teen Shaun Ness, Roarke Knapp teen Eric Kapia.
Geveg van die Jaar (vroue): Sandisiwe Mncube teen Matshidiso Mokebisi, Ndobayini Kholosa teen Hedda Wolmarans, Asandiswa Nxokwana teen Sherodine Fortuin.
Belowendste bokser (mans): Ayabonga Sonjica, Nhlanhla Tyirha, Sivenathi Nontshinga, Jabulani Makhense, Lebo Mashitoa.
Belowendste bokser (vroue): Simangele Hadebe, Thema Zuma, Nontuthuzelo Cithani.
Skeidsregter (vroue): Siya Vabaza, Namhla Tyuluba, Pumeza Zinakile.
Skeidsregter (mans): Deon Dwarte, Alan Matakane, Simon Mokadi.
Uitklophou van die jaar: Zolani Tete teen Siboniso Gonya, Akani Phuzi teen Chris Thompson, Michael Mokoena teen Lusanda Komanisi.
Afrigter van die jaar: Shaun Smith, Colin Nathan, Alan Toweel, Lionel Hunter, Emil Brice. – Netwerk24
Selfs mense wat boks toegewyd volg, kan verskoon word as hulle nie die vaagste benul het wie Malindi is nie.
Hulle sal ook wonder hoe hy dit reggekry het om saam met Kevin Lerena, Thulani Mbenge, Azinga Fuzile en Yanga Sigqibo benoem te word.
Malindi (15 gewen, 0 verloor, 9 uitklophoue) is 'n knap bokser wat in Desember die vakante Afrika-Boksunie-kapokgewigtitel gewen het.
Of dit hom goed genoeg maak om die land se bokser van die jaar te word, is debatteerbaar.
Dieselfde geld vir Sigqibo (12-1-1), wat die Wêreldboksraad se internasionale titel as supervlieggewig gewen het. Maar laasgenoemde het darem al teen twee buitelandse boksers geveg, teenoor die een van Malindi.
Dis dan te betwyfel of Malindi en Sigqibo ernstige aanspraakmakers is om op 17 Mei in die Sandton-konferensiesentrum die gesogte titel as bokser van die jaar voor Lerena, Mbenge of Fuzile weg te raap.
Verlede jaar se bokser van die jaar, Zolani Tete (WBO kapokgewigkampioen), sal weer by die prysuitdeling wees. Hy is hierdie keer benoem vir uitklophou van die jaar.
Hy het sy landgenoot Siboniso Gonya op 18 November 2017 in Belfast, Ierland, in die 11de sekonde van hul geveg uitgeslaan. Dit is die vinnigste uitklophou in die geskiedenis van wêreldtitelgevegte.
Dié geveg val steeds in die tydperk waarin daar vir 'n benoeming gekwalifiseer kon word.
Die vernaamste benoemings is:
Bokser van die jaar: Yanga Sigqibo, Ronald Malindi, Azinga Fuzile, Thulani Mbenge, Kevin Lerena.
Vroue-bokser van die jaar: Bukiwe Nonina, Mellisa Miller, Thema Zuma.
Geveg van die Jaar (mans): Ulises Lara teen Nhlanhla Ngamntwini, Mzoxolo Ndwayana teen Shaun Ness, Roarke Knapp teen Eric Kapia.
Geveg van die Jaar (vroue): Sandisiwe Mncube teen Matshidiso Mokebisi, Ndobayini Kholosa teen Hedda Wolmarans, Asandiswa Nxokwana teen Sherodine Fortuin.
Belowendste bokser (mans): Ayabonga Sonjica, Nhlanhla Tyirha, Sivenathi Nontshinga, Jabulani Makhense, Lebo Mashitoa.
Belowendste bokser (vroue): Simangele Hadebe, Thema Zuma, Nontuthuzelo Cithani.
Skeidsregter (vroue): Siya Vabaza, Namhla Tyuluba, Pumeza Zinakile.
Skeidsregter (mans): Deon Dwarte, Alan Matakane, Simon Mokadi.
Uitklophou van die jaar: Zolani Tete teen Siboniso Gonya, Akani Phuzi teen Chris Thompson, Michael Mokoena teen Lusanda Komanisi.
Afrigter van die jaar: Shaun Smith, Colin Nathan, Alan Toweel, Lionel Hunter, Emil Brice. – Netwerk24
Kommentaar
Republikein
Geen kommentaar is op hierdie artikel gelaat nie