SA polisie: 'Nog niks dui op moord'
'n Brief is glo gevind, maar die polisie rep nie 'n woord oor die inhoud daarvan of waar hulle die brief gevind het nie.
Die polisie in Port Elizabeth se ondersoek na die dood van Mark Minnie, een van die skrywers van Die seuns van Bird Island, is nog steeds een van selfdood.
Kapt. Johan Rheeder, polisiewoordvoerder, sê die ondersoek het in die stadium nog niks opgelewer wat die polisie aanduiding gee dat hulle 'n moordklag moet ondersoek nie.
Minnie se lyk is Maandagaand in die bosse op 'n kleinhoewe in Theescombe, Port Elizabeth, met 'n skietwond aan sy kop aangetref.
Die kleinhoewe behoort aan Minnie se vriend, Brent Barnes. Minnie het volgens die polisie Maandag om 09:00 by Barnes aangekom omdat hy wou wegkom en die plaas se lug inasem.
'n Brief is glo gevind, maar die polisie rep nie 'n woord oor die inhoud daarvan of waar hulle die brief gevind het nie.
Die polisie wil ook nie bevestig aan wie Minnie die selfdoodbrief gerig het nie.
Rheeder sê elke moontlike leidraad word deeglik opgevolg sedert Minnie se lyk gekry is.
Sy selfoon en motor word nie vermis, soos vroeër beweer is nie.
“Sy selfoon en sy motor vorm ook deel van die ondersoek,” het Rheeder gesê.
Rheeder kon bevestig dat die polisie ook nog ondersoek instel om te bepaal hoe Minnie 'n vuurwapen in die hande gekry het, en aan wie die vuurwapen behoort.
Netwerk24 het by 'n bron verneem dat die vuurwapen wat naby Minnie se lyk gevind is, glo aan Barnes behoort.
Die polisie wag nog dat die lykskouing afgehandel word.
BOEK WAS 'NET DIE BEGIN'
Mark Minnie het aan Tafelberg Uitgewers gesê die onthullings wat in die boek vervat word, is slegs die oortjies van die seekoei.
Tafelberg Uitgewers sê in 'n verklaring wat Dinsdagaand uitgereik is Minnie het gesê die boek is “slegs die begin” en dat hy laat blyk het dat hy verskeie leidrade in Port Elizabeth suksesvol opgevolg het.
Luidens die verklaring was Minnie vasbeslote om die nuwe inligting bekend te maak.
Volgens die uitgewer was Minnie opgewonde oor die boek se publikasie en die geleentheid om bewerings wat volgens hom die afgelope drie dekades onderdruk is bekend te maak.
Minnie het gesê die boek is slegs die eerste stap in die proses om geregtigheid vir die beweerde slagoffers te kry wie se stories in die boek vertel word.
Tafelberg sê hul laaste kontak met Minnie was Sondagaand.
“Hy was sedert Maandagoggend onbereikbaar. Sy selfoon was afgeskakel en hy het nie op e-pos gereageer nie,” lui die verklaring.
Tafelberg sê Minnie het in die week voor sy dood niks aan hulle gesê wat daarop gedui het dat hy homself moontlik skade sou aandoen nie.
Volgens die uitgewer het Minnie daarna uitgesien om aan die Open Book Festival in Kaapstad deel te neem, waar hy saam met medeskrywer Chris Steyn en die joernalis Marianne Thamm die boek sou bespreek.
Steyn sê sy is “verpletter” deur Minnie se skielike dood en staan by “elke woord” in die boek.
“Mark het gesê dit is ons taak om geregtigheid vir die slagoffers te verseker. Hy sou wou hê ek moet hiermee voortgaan en dit is presies wat ek gaan doen,” sê Steyn.
Yasdmin Sooka, uitvoerende direkteur van die Foundation for Human Rights, het Tafelberg Uitgewers intussen gekontak om te sê hulle wil die saak “namens die seuns van Bird-eiland” takel.
“Mark sal nooit hiervan weet nie, maar dit is presies waarop hy gehoop het,” sê Steyn.
“Dit is te laat vir hom, maar nie vir die slagoffers nie.” – Netwerk24/News24
Kapt. Johan Rheeder, polisiewoordvoerder, sê die ondersoek het in die stadium nog niks opgelewer wat die polisie aanduiding gee dat hulle 'n moordklag moet ondersoek nie.
Minnie se lyk is Maandagaand in die bosse op 'n kleinhoewe in Theescombe, Port Elizabeth, met 'n skietwond aan sy kop aangetref.
Die kleinhoewe behoort aan Minnie se vriend, Brent Barnes. Minnie het volgens die polisie Maandag om 09:00 by Barnes aangekom omdat hy wou wegkom en die plaas se lug inasem.
'n Brief is glo gevind, maar die polisie rep nie 'n woord oor die inhoud daarvan of waar hulle die brief gevind het nie.
Die polisie wil ook nie bevestig aan wie Minnie die selfdoodbrief gerig het nie.
Rheeder sê elke moontlike leidraad word deeglik opgevolg sedert Minnie se lyk gekry is.
Sy selfoon en motor word nie vermis, soos vroeër beweer is nie.
“Sy selfoon en sy motor vorm ook deel van die ondersoek,” het Rheeder gesê.
Rheeder kon bevestig dat die polisie ook nog ondersoek instel om te bepaal hoe Minnie 'n vuurwapen in die hande gekry het, en aan wie die vuurwapen behoort.
Netwerk24 het by 'n bron verneem dat die vuurwapen wat naby Minnie se lyk gevind is, glo aan Barnes behoort.
Die polisie wag nog dat die lykskouing afgehandel word.
BOEK WAS 'NET DIE BEGIN'
Mark Minnie het aan Tafelberg Uitgewers gesê die onthullings wat in die boek vervat word, is slegs die oortjies van die seekoei.
Tafelberg Uitgewers sê in 'n verklaring wat Dinsdagaand uitgereik is Minnie het gesê die boek is “slegs die begin” en dat hy laat blyk het dat hy verskeie leidrade in Port Elizabeth suksesvol opgevolg het.
Luidens die verklaring was Minnie vasbeslote om die nuwe inligting bekend te maak.
Volgens die uitgewer was Minnie opgewonde oor die boek se publikasie en die geleentheid om bewerings wat volgens hom die afgelope drie dekades onderdruk is bekend te maak.
Minnie het gesê die boek is slegs die eerste stap in die proses om geregtigheid vir die beweerde slagoffers te kry wie se stories in die boek vertel word.
Tafelberg sê hul laaste kontak met Minnie was Sondagaand.
“Hy was sedert Maandagoggend onbereikbaar. Sy selfoon was afgeskakel en hy het nie op e-pos gereageer nie,” lui die verklaring.
Tafelberg sê Minnie het in die week voor sy dood niks aan hulle gesê wat daarop gedui het dat hy homself moontlik skade sou aandoen nie.
Volgens die uitgewer het Minnie daarna uitgesien om aan die Open Book Festival in Kaapstad deel te neem, waar hy saam met medeskrywer Chris Steyn en die joernalis Marianne Thamm die boek sou bespreek.
Steyn sê sy is “verpletter” deur Minnie se skielike dood en staan by “elke woord” in die boek.
“Mark het gesê dit is ons taak om geregtigheid vir die slagoffers te verseker. Hy sou wou hê ek moet hiermee voortgaan en dit is presies wat ek gaan doen,” sê Steyn.
Yasdmin Sooka, uitvoerende direkteur van die Foundation for Human Rights, het Tafelberg Uitgewers intussen gekontak om te sê hulle wil die saak “namens die seuns van Bird-eiland” takel.
“Mark sal nooit hiervan weet nie, maar dit is presies waarop hy gehoop het,” sê Steyn.
“Dit is te laat vir hom, maar nie vir die slagoffers nie.” – Netwerk24/News24
Kommentaar
Republikein
Geen kommentaar is op hierdie artikel gelaat nie