SA moet ligloop vir 'nuwe Wasim'
Krieket
Johann de Jager - Pakistan se Shaheen Afridi staan breed in die pad van Suid-Afrika in dié krieketspanne se o.19 Wêreldbeker-kwarteindstryd in Christchurch.
Die hotklou is nie familie van Shahid Afridi nie, en nee, hy is nog minder 'n draaier. Hy is 'n linkerhandse snelbouler wat eerder aan 'n Wasim Akram herinner.
Afridi het met 6/15 geskitter toe hulle Ierland vir net 97 uitgeknikker het.
Die wenner speel in die halfeindstryd teen Indië of Bangladesj.
• Twee rekords in die o.19-WB-toernooi het gister in die slag gebly.
Die bybreekbouler Lloyd Pope het Australië, ondanks 'n beskeie totaal van net 127 teen Engeland, met 'n toernooibeste-boulontleding van 8/35 tot in die halfeindstryd geboul. Die rooikop se vernuf is deur Shane Warne gehelp slyp en hy was aan die brand om die Engelse vir net 96 uit te knikker.
Engeland was op koers met 47/0 in die agtste boulbeurt toe Pope toegeslaan het. Die Engelse was op 71/3 steeds op pad om te wen, maar het toe hul laaste sewe paaltjies vir net 25 lopies verloor.
Australië speel nou in die halfeindstryd teen Nieu-Seeland of Afghanistan wat môre slaags raak.
Die ander rekord was die aanvangskolwer Hasitha Boyagoda se 191 lopies vir Sri Lanka in sy wegholtotaal van 419/4 teen Kenia. Sri Lanka het met 311 lopies in dié plaateindstryd gewen.
• In 'n uitspeelwedstryd vir die 13de plek speel Namibië môre teen Kenia. – Netwerk24
Die hotklou is nie familie van Shahid Afridi nie, en nee, hy is nog minder 'n draaier. Hy is 'n linkerhandse snelbouler wat eerder aan 'n Wasim Akram herinner.
Afridi het met 6/15 geskitter toe hulle Ierland vir net 97 uitgeknikker het.
Die wenner speel in die halfeindstryd teen Indië of Bangladesj.
• Twee rekords in die o.19-WB-toernooi het gister in die slag gebly.
Die bybreekbouler Lloyd Pope het Australië, ondanks 'n beskeie totaal van net 127 teen Engeland, met 'n toernooibeste-boulontleding van 8/35 tot in die halfeindstryd geboul. Die rooikop se vernuf is deur Shane Warne gehelp slyp en hy was aan die brand om die Engelse vir net 96 uit te knikker.
Engeland was op koers met 47/0 in die agtste boulbeurt toe Pope toegeslaan het. Die Engelse was op 71/3 steeds op pad om te wen, maar het toe hul laaste sewe paaltjies vir net 25 lopies verloor.
Australië speel nou in die halfeindstryd teen Nieu-Seeland of Afghanistan wat môre slaags raak.
Die ander rekord was die aanvangskolwer Hasitha Boyagoda se 191 lopies vir Sri Lanka in sy wegholtotaal van 419/4 teen Kenia. Sri Lanka het met 311 lopies in dié plaateindstryd gewen.
• In 'n uitspeelwedstryd vir die 13de plek speel Namibië môre teen Kenia. – Netwerk24
Kommentaar
Republikein
Geen kommentaar is op hierdie artikel gelaat nie