SA listeriose-uitbreking raak Namibiese rakke
Plaaslike kettingwinkelgroepe het gister verwerkte vleisprodukte van hul rakke verwyder weens die listeriose-uitbreking in 'n buurland.
Denver Kisting - Die uitbreking van die dodelike siekte listeriose in Suid-Afrika het gister tot gevolg gehad dat plaaslike winkelgroepe talle vleisprodukte moes herroep.
Die Shoprite-groep het gister in 'n verklaring gesê: “In Namibiese winkels word die Renown-reeks (wat deel uitmaak van Enterprise) deur die herroep van produkte geraak.”
Daarnaas sê hy sy supermarkte het reeds Sondag begin om alle verwerkte kouevleis onder die Enterprise-handelsmerk van sy rakke te verwyder. Volgens dié groep is die produkte van sy rakke verwyder en in afsonderlike store geberg.
Hy nooi klante om enige verwerkte kouevleisprodukte in die oorspronklike verpakkings terug te bring waarná hulle ten volle vergoed sal word. “Kwitansies is nie nodig nie en oopgemaakte produkte kan ook teruggebring word.”
Die groep sê sy klante se gesondheid en veiligheid geniet voorkeur en hy is verlig dat die bron van die uitbreking opgespoor is. Hy onderneem om die ministerie van gesondheid in Suid-Afrika by te staan om die uitbreking te bestry.
Pick n Pay Namibia het ook gistermiddag bevestig hy het gisteroggend al sy takke landwyd laat weet om onmiddellik alle Enterprise-produkte van die rakke af te haal.
Die O&L-groep se woordvoerder, me. Roux-ché Locke, sê in 'n verklaring: “Ons glo die impak van die herroeping op die Namibiese mark is nie so erg nie omdat Pick n Pay Namibia diverse verskaffers het van wie die meeste plaaslik is. Hoewel ons nie bewus is van enige bevestigde gevalle van listeriose in Namibië nie, het ons dié stap gedoen as 'n voorkomingsmaatreël omdat ons klante se veiligheid vir ons belangrik is.”
PLAASLIKE PRODUKTE
'n Ondersoek gister by 'n Checkers-tak in Windhoek het getoon dat, met die uitsondering van verwerkte vleisprodukte van 'n vervaardiger by Montagu in die Wes-Kaap, al die ander vleisprodukte plaaslik vervaardig is deur onder meer Hartlief en Windhoek Schlachterei.
Aangesien die Namibiese direktoraat veeartsenydienste (DVS) verlede jaar 'n algehele verbod geplaas het op die invoer van alle pluimvee en pluimveeprodukte uit Suid-Afrika weens die uitbreking van voëlgriep in die buurland, hoef plaaslike verbruikers nie oor besmette Rainbow Chicken-produkte bekommerd te wees nie.
Dr. Milton Maseke, hoof- veeartsenybeampte by die DVS, sê daar is reeds vir maande lank geen Suid-Afrikaanse hoendervleisprodukte op Namibiese rakke beskikbaar nie.
Die Shoprite-groep het gister in 'n verklaring gesê: “In Namibiese winkels word die Renown-reeks (wat deel uitmaak van Enterprise) deur die herroep van produkte geraak.”
Daarnaas sê hy sy supermarkte het reeds Sondag begin om alle verwerkte kouevleis onder die Enterprise-handelsmerk van sy rakke te verwyder. Volgens dié groep is die produkte van sy rakke verwyder en in afsonderlike store geberg.
Hy nooi klante om enige verwerkte kouevleisprodukte in die oorspronklike verpakkings terug te bring waarná hulle ten volle vergoed sal word. “Kwitansies is nie nodig nie en oopgemaakte produkte kan ook teruggebring word.”
Die groep sê sy klante se gesondheid en veiligheid geniet voorkeur en hy is verlig dat die bron van die uitbreking opgespoor is. Hy onderneem om die ministerie van gesondheid in Suid-Afrika by te staan om die uitbreking te bestry.
Pick n Pay Namibia het ook gistermiddag bevestig hy het gisteroggend al sy takke landwyd laat weet om onmiddellik alle Enterprise-produkte van die rakke af te haal.
Die O&L-groep se woordvoerder, me. Roux-ché Locke, sê in 'n verklaring: “Ons glo die impak van die herroeping op die Namibiese mark is nie so erg nie omdat Pick n Pay Namibia diverse verskaffers het van wie die meeste plaaslik is. Hoewel ons nie bewus is van enige bevestigde gevalle van listeriose in Namibië nie, het ons dié stap gedoen as 'n voorkomingsmaatreël omdat ons klante se veiligheid vir ons belangrik is.”
PLAASLIKE PRODUKTE
'n Ondersoek gister by 'n Checkers-tak in Windhoek het getoon dat, met die uitsondering van verwerkte vleisprodukte van 'n vervaardiger by Montagu in die Wes-Kaap, al die ander vleisprodukte plaaslik vervaardig is deur onder meer Hartlief en Windhoek Schlachterei.
Aangesien die Namibiese direktoraat veeartsenydienste (DVS) verlede jaar 'n algehele verbod geplaas het op die invoer van alle pluimvee en pluimveeprodukte uit Suid-Afrika weens die uitbreking van voëlgriep in die buurland, hoef plaaslike verbruikers nie oor besmette Rainbow Chicken-produkte bekommerd te wees nie.
Dr. Milton Maseke, hoof- veeartsenybeampte by die DVS, sê daar is reeds vir maande lank geen Suid-Afrikaanse hoendervleisprodukte op Namibiese rakke beskikbaar nie.
Kommentaar
Republikein
Geen kommentaar is op hierdie artikel gelaat nie