‘SA krieket kan binne twee jaar ineenstort’
Krieket
Christo Buchner
Hy vrees vir die toekoms van krieket in Suid-Afrika, sê ’n eertydse administrateur wat diep spore in die spel in die land getrap het.
“Die passie vir krieket is besig om hier in Suid-Afrika te taan,” sê dié voormalige krieketman, wat weens sy sensitiewe betrokkenheid op ’n ander vlak by die spel anoniem wil bly.
“Krieket Suid-Afrika tas in die donker rond en struikel van een krisis na die ander. Daar gaan omtrent nie ’n week verby dat daar nie een of ander drama in Suid-Afrikaanse krieket is wat aan die groot klok gehang word en die spel groot skade berokken nie,” sê hy.
Hy verwys na die onlangse skorsing van drie beamptes van KSA, die regsgeding met die spelersvereniging (Saca) oor die herstrukturering van beroepskrieket, die onderonsie met die Westelike Provinsie wat in arbitrasie op geëindig het en nou die chaos met vyf senior krieket-joernaliste, wie se akkreditasie ingeperk is.
Volgens dié oud-administrateur, wat by ’n paar unies met groot sukses werksaam was, het KSA ’n sirkus geword.
“Dit is tragies dat ons krieket in só ’n toestand is en die chaos in die raadsale spoel oor na die speelveld. Dit is nie net op administratiewe vlak waar SA krieket ’n krisis beleef nie, maar ook op die speelveld.
“Die probleem is dat daar niemand blyk te wees wat hulle op enige van daardie vlakke uit die moeras kan lig nie,” sê hy.
Volgens hom is daar vir hom wel een persoon wat KSA kan aanstel as hul direkteur van krieket. Dit is Eric Simons. In hierdie stadium kan ek nie sien hoe ons gaan oorleef nie. Ek verwag dat SA krieket binne twee jaar ineen kan stort as daar nie dadelik plan gemaak word nie
Hy sien Simons as iemand wie se liefde vir krieket onwrikbaar is, wie as speler en ook as afrigter groot ervaring het, maar “wat vir my van Eric uitstaan is dat hy mense verstaan en weet hoe om met mense te werk.
“Vir my sal hy uitstaan as kandidaat om die nuwe direkteur van krieket te word en ons uit die gemors te kry waarin die spel nou verval het.
“Ek sien Graeme Smith se naam word genoem, maar ek moet sê ek twyfel of hy as administrateur in hierdie stadium van sy loopbaan werklik die effek sal hê wat nodig is.
“Onthou, dit is een ding om ’n goeie kaptein te wees, maar iets heeltemal anders om dan sommer net daardie sukses as ’n administrateur te dupliseer, veral as hy geen ervaring daarvan het nie,” sê hy.
Haaie-rugby kan daarvan getuig met die kaptein van die Wêreldbeker-kampioenspan in 2007, John Smit, wat as uitvoerende hoof aangestel is by die Haaie, maar dit glad nie op daardie vlak gemaak het nie.
“Ek het al jare gelede gepleit vir ’n direkteur van SA krieket by die eertydse krieketbaas, dr. Ali Bacher, en het gevoel Barry Richards sou die regte man vir daardie pos gewees het, maar dr. Bacher wou ook maar self meeste dinge beheer en dit het nooit ’n werklikheid geword nie.
“As daar egter gekyk word hoe suksesvol Richards as uitvoerende hoof van Queensland-krieket was, kon hy baie vir SA krieket in daardie hoedanigheid beteken het.
“Die toer van Engeland hierheen later hierdie maand gaan ’n grote vir KSA wees, maar Suid-Afrika gaan op alle vlakke onvoorbereid wees daarvoor.
Die groot probleem met SA krieket is dat die standaarde op alle vlakke vervaag.
“In hierdie stadium kan ek nie sien hoe ons gaan oorleef nie. Ek verwag dat SA krieket binne twee jaar ineen kan stort as daar nie dadelik plan gemaak word nie,” sê die oud-administrateur.
“Die groot probleem met SA krieket is dat die standaarde op alle vlakke vervaag. Daar word nie meer jong spelers van gehalte opgelewer nie en daarom gaan dinge ook nie goed op nasionale vlak nie.”
Nog ’n administrateur, wat nou betrokke is by die spel, glo KSA het die verenigde mag van die media onderskat met die terugtrek van die joernaliste se akkreditasie.
Hy reken die uitvoerende raad moet sterk onder skoot kom omdat hulle Thabang Moroe, die uitvoerende hoof, toelaat om weg te kom met sy diktatoriale styl.
“Ek verseker jou die borge gaan binnekort begin opstaan en sê hulle wil nie meer deel van hierdie chaotiese situasie wees nie,” het hy ook op voorwaarde van anonimiteit gesê.
Intussen het adv. Norman Arendse, ’n voormalige president van KSA, in ’n roerende ope brief ook sy groot kommer uitgespreek. Volgens hom het KSA se raad afstand van sy fidusiêre verpligtinge gedoen, wat deur die Maatskappyewet en KSA se grondwet van hom vereis word.
“Ek doen ’n beroep op die raad om dringend die voorvalle te ondersoek wat in dié brief uiteengesit is en om die uitvoerende hoof (en diegene wat betrek is), verantwoordbaar te hou.” – Netwerk24
Hy vrees vir die toekoms van krieket in Suid-Afrika, sê ’n eertydse administrateur wat diep spore in die spel in die land getrap het.
“Die passie vir krieket is besig om hier in Suid-Afrika te taan,” sê dié voormalige krieketman, wat weens sy sensitiewe betrokkenheid op ’n ander vlak by die spel anoniem wil bly.
“Krieket Suid-Afrika tas in die donker rond en struikel van een krisis na die ander. Daar gaan omtrent nie ’n week verby dat daar nie een of ander drama in Suid-Afrikaanse krieket is wat aan die groot klok gehang word en die spel groot skade berokken nie,” sê hy.
Hy verwys na die onlangse skorsing van drie beamptes van KSA, die regsgeding met die spelersvereniging (Saca) oor die herstrukturering van beroepskrieket, die onderonsie met die Westelike Provinsie wat in arbitrasie op geëindig het en nou die chaos met vyf senior krieket-joernaliste, wie se akkreditasie ingeperk is.
Volgens dié oud-administrateur, wat by ’n paar unies met groot sukses werksaam was, het KSA ’n sirkus geword.
“Dit is tragies dat ons krieket in só ’n toestand is en die chaos in die raadsale spoel oor na die speelveld. Dit is nie net op administratiewe vlak waar SA krieket ’n krisis beleef nie, maar ook op die speelveld.
“Die probleem is dat daar niemand blyk te wees wat hulle op enige van daardie vlakke uit die moeras kan lig nie,” sê hy.
Volgens hom is daar vir hom wel een persoon wat KSA kan aanstel as hul direkteur van krieket. Dit is Eric Simons. In hierdie stadium kan ek nie sien hoe ons gaan oorleef nie. Ek verwag dat SA krieket binne twee jaar ineen kan stort as daar nie dadelik plan gemaak word nie
Hy sien Simons as iemand wie se liefde vir krieket onwrikbaar is, wie as speler en ook as afrigter groot ervaring het, maar “wat vir my van Eric uitstaan is dat hy mense verstaan en weet hoe om met mense te werk.
“Vir my sal hy uitstaan as kandidaat om die nuwe direkteur van krieket te word en ons uit die gemors te kry waarin die spel nou verval het.
“Ek sien Graeme Smith se naam word genoem, maar ek moet sê ek twyfel of hy as administrateur in hierdie stadium van sy loopbaan werklik die effek sal hê wat nodig is.
“Onthou, dit is een ding om ’n goeie kaptein te wees, maar iets heeltemal anders om dan sommer net daardie sukses as ’n administrateur te dupliseer, veral as hy geen ervaring daarvan het nie,” sê hy.
Haaie-rugby kan daarvan getuig met die kaptein van die Wêreldbeker-kampioenspan in 2007, John Smit, wat as uitvoerende hoof aangestel is by die Haaie, maar dit glad nie op daardie vlak gemaak het nie.
“Ek het al jare gelede gepleit vir ’n direkteur van SA krieket by die eertydse krieketbaas, dr. Ali Bacher, en het gevoel Barry Richards sou die regte man vir daardie pos gewees het, maar dr. Bacher wou ook maar self meeste dinge beheer en dit het nooit ’n werklikheid geword nie.
“As daar egter gekyk word hoe suksesvol Richards as uitvoerende hoof van Queensland-krieket was, kon hy baie vir SA krieket in daardie hoedanigheid beteken het.
“Die toer van Engeland hierheen later hierdie maand gaan ’n grote vir KSA wees, maar Suid-Afrika gaan op alle vlakke onvoorbereid wees daarvoor.
Die groot probleem met SA krieket is dat die standaarde op alle vlakke vervaag.
“In hierdie stadium kan ek nie sien hoe ons gaan oorleef nie. Ek verwag dat SA krieket binne twee jaar ineen kan stort as daar nie dadelik plan gemaak word nie,” sê die oud-administrateur.
“Die groot probleem met SA krieket is dat die standaarde op alle vlakke vervaag. Daar word nie meer jong spelers van gehalte opgelewer nie en daarom gaan dinge ook nie goed op nasionale vlak nie.”
Nog ’n administrateur, wat nou betrokke is by die spel, glo KSA het die verenigde mag van die media onderskat met die terugtrek van die joernaliste se akkreditasie.
Hy reken die uitvoerende raad moet sterk onder skoot kom omdat hulle Thabang Moroe, die uitvoerende hoof, toelaat om weg te kom met sy diktatoriale styl.
“Ek verseker jou die borge gaan binnekort begin opstaan en sê hulle wil nie meer deel van hierdie chaotiese situasie wees nie,” het hy ook op voorwaarde van anonimiteit gesê.
Intussen het adv. Norman Arendse, ’n voormalige president van KSA, in ’n roerende ope brief ook sy groot kommer uitgespreek. Volgens hom het KSA se raad afstand van sy fidusiêre verpligtinge gedoen, wat deur die Maatskappyewet en KSA se grondwet van hom vereis word.
“Ek doen ’n beroep op die raad om dringend die voorvalle te ondersoek wat in dié brief uiteengesit is en om die uitvoerende hoof (en diegene wat betrek is), verantwoordbaar te hou.” – Netwerk24
Kommentaar
Republikein
Geen kommentaar is op hierdie artikel gelaat nie