SA, Duitsland vat hande by VN se veiligheidsraad

Sarel van der Walt Suid-Afrika en Duitsland sal vanaf 1 Januarie, wanneer hulle albei vir ’n tydperk van twee jaar nie-permanente lede van die veiligheidsraad van die Verenigde Nasies (VN) word, nouer saamwerk.Dié besluit is Maandagaand geneem toe pres. Cyril Ramaphosa en Angela Merkel, Duitse bondskanselier, in Berlyn, die Duitse hoofstad, bilaterale gesprekke gevoer het.Die twee leiers sê dit is belangrik om in die veiligheidsraad saam te werk om wêreldwyd vrede en veiligheid te bevorder. Ramaphosa en Merkel stem saam dit is veral in Afrika se belang dat Duitsland en Suid-Afrika saamwerk omdat 60% van die sake op die veiligheidsraad se agenda Afrika-kwessies is, sê die presidensie in ’n verklaring.Ramaphosa en Tito Mboweni, minister van finansies, is in Duitsland vir die G20-beraad waar die vordering van die samewerking tussen die G20-lande en tien Afrika-lande om ontwikkeling in Afrika te bevorder, Dinsdag bespreek sal word.Ramaphosa is die medevoorsitter van die G20-Afrika-adviesgroep.Merkel het vandeesweek aangekondig sy is gereed om ná 18 jaar die tuig neer te lê. Sy sal na verwagting in 2021 uittree.BANDE VERSTERKMerkel (64), leier van die Christen-Demokratiese Unie (CDU), se aankondiging volg nadat ’n reeks politieke terugslae haar party die laaste tyd getref het. Sy het Maandag op ’n kongres in Berlyn aan die CDU se leierskap gesê sy sal haar nie in Desember weer as leier verkiesbaar stel nie.In die ontmoeting tussen Ramaphosa en Merkel het die twee leiers onderneem dat Suid-Afrika en Duitsland sal saamwerk om Afrika te help ontwikkel. Ramaphosa en Merkel het voorts onderneem om die bande tussen Suid-Afrika en Duitsland te versterk.Meer as 600 Duitse maatskappye het belange in Suid-Afrika en verskaf werk aan 100 000 mense.Suid-Afrika se uitvoer na Duitsland het die laaste jaar met 16% toegeneem tot sowat R270 miljard.In 2016 het 300 000 Duitse toeriste Suid-Afrika besoek.Die presidensie sê in ’n verklaring Ramaphosa het Merkel die versekering gegee Suid-Afrika bly verbind tot grondwetlike beginsels, die oppergesag van die reg en inklusiwiteit met die proses van grondhervorming.Ramaphosa het Merkel bedank vir die rol wat Duitsland in kritieke ontwikkelingsgebiede in Suid-Afrika speel, soos gesondheid en vaardigheidsontwikkeling.Hulle het ook gepraat oor die maatreëls wat die Suid-Afrikaanse regering in plek gestel het om die beleggingsomgewing in Suid-Afrika te verbeter. Dit het die kwessie van onsekerheid oor beleid ingesluit. – Netwerk24

SA, Duitsland vat hande by VN se veiligheidsraad

Kommentaar

Republikein 2025-11-05

Meld asseblief aan om kommentaar te lewer

SA, Duitsland vat hande by VN se veiligheidsraad

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.