Só werk 'venster van politieke moontlikhede'

Dr. Kobus Laubscher - Demografiese veranderinge skep of inhibeer geleenthede vir ekonomiese groei. Dis gemene saak dat betekenisvolle ekonomiese groei weer noodsaaklik is om gunstige demografiese veranderings te weeg te bring. Slim strategiese voetwerk en sterk politieke leierskap is egter ’n noodsaaklike voorwaarde. Statistiek Suid-Afrika (SSA) se verslag van September 2017, “Whither a Demographic Dividend South Africa: The Overton Window of Political Possibilities”, gee interessante perspektiewe. Dit wys onder meer op die impak van die huidige leierskapsvakuum en politieke besluitloosheid.Dit is ’n bekende feit dat Afrika, en Suid-Afrika, bevoordeel kan word deur die aanwesigheid van die sogenaamde demografiese dividend – dit is gegrond op die koppeling van ’n land se demografiese profiel en die potensiaal vir vinniger ekonomiese groei. Die demografiese dividend word omskryf as ‘n situasie waar die ekonomies aktiewe deel van ’n bevolking (15 tot 64 jaar) as persentasie van die totale bevolking toeneem as gevolg van dalende aanwas en die persentasie afhanklikes afneem (die getal jonger as 15 en ouer as 64). Met ’n steeds positiewe bevolkingsaanwas neem arbeid vir produktiewe aanwending toe en met minder tyd en energie wat nodig is vir die versorging van dié onder 15 en bo 64, kan die toename in produktiewe arbeid ekonomiese groei stimuleer.Die demografiese dividend is egter nie ’n strategie vir groei nie en afgeleide geleenthede by die demografiese dividend kom en gaan. Dit vereis volgehoue besluitneming, veral wat beleidsake betref. Daar is ongelukkig baie bewyse van waar geleenthede gewoon onbenut verlore is.Politieke moontlikhedeJoseph Overton het die kwessie van politieke besluitneming, of die gebrek daaraan, nagevors en dit het aanleiding gegee tot die sogenaamde Overton Venster van Politieke Moontlikhede. Overton het gewys dat in die meeste gevalle moontlike beleide beperk word op grond van wat polities aanvaarbaar is. Die “venster” van polities aanvaarbare opsies word bepaal deur wat politici dink hulle kan ondersteun en nie noodwendig wat hulle sou verkies nie. Die einddoel is verkiesbaarheid in die volgende verkiesings. Die “vensters” verskuif nie as politieke leiers noodsaaklike veranderings waarneem en onder mekaar daaroor saamstem nie, maar eers wanneer die gemeenskap wat hulle verkies, aanklank vind by dié veranderings.Overton verwoord wat baie buite die politieke arena as voor die hand liggend sien: Die stadige pas van verandering by beleidmakers (van idee tot wet), al is die oplossing voor die hand liggend.LandbouDie landbou is veral ’n slagoffer van politieke besluitloosheid en ’n gebrek aan ware leiers wat op grond van oortuiging die “venster” kan en wil skuif. Die aanloop tot die Desember-verkiesing is bepaald ’n goeie voorbeeld van ware staatmanskap, of die gebrek daaraan.Milton Friedman verwys kennelik daarna in die voorwoord van die 1982 weergawe van Capitalism and Freedom: “That, I believe, is our basic function: To develop alternatives to existing policies, to keep them alive and available until the politically impossible becomes politically inevitable”.Die Nasional Ontwikkelingsplan is so ’n strategiese aanwyser, maar ’n ontleding van die gebrek aan ondersteunende demografiese transformasie vir die voldoende ommekeer van negatiewes beperk moontlike bevoordeling deur die demografiese dividend. Dit sluit in die massiewe en stygende werkloosheid onder jongmense, die dalende opnamevermoë van geskoolde jong swartmense in die ekonomie (wat wys op ontoepaslike vaardighede) en onvoldoende werkgeleenthede.Armoede en ongelykhede word nie voldoende getakel nie en die risiko van sosiale opstand bly hoog. Ekonomies is die huis nie in orde nie en dit is die massas wat die spit afbyt.Tekens van ekonomiese oplewing in ontwikkelde lande en Asië kan onbenut verbygaan as gevolg van ’n gebrek aan daadwerklike visionêre leierskap. Daar is ’n legio welwillende plaaslike en buitelandse kundigheid wat ontsluit kan word, as die politieke wil net bestaan.KapstokkeSSA wys vervolgens op enkele kapstokke wat as stutte kan dien van waar Suider-Afrika met Suid-Afrika wat lei, die demografiese dividend tydig kan benut. Een daarvan is om die tegnologie te gebruik om die jeug oor die reg in te lig.Bevordering van klein ondernemings en entrepreneurs en minder administratiewe rompslomp sal die demografiese dividend ondersteun. Dieselfde geld sou beter koördinasie tussen die staat en die private sektor toegang tot die internet deur middel van meer bekostigbare breëbandverbindings ’n werklikheid word. Verminderde beleidonsekerheid sal bakens verskuif net soos werklike bestuursvaardighede by dienslewering deur die staat.Die verwydering van korrupsie en bekamping daarvan deur doeltreffende wetstoepassing sal nie net genesend wees nie, maar die gemeenskap beter toerus vir nuwe aanslae.

Só werk 'venster van politieke moontlikhede'

Kommentaar

Republikein 2025-05-08

Meld asseblief aan om kommentaar te lewer

Só werk 'venster van politieke moontlikhede'

Kommentaar

Republikein 2025-05-08

Meld asseblief aan om kommentaar te lewer

MELD AAN

Advertensie