Só verdien MultiChoice se base

Petrus Malherbe – MultiChoice het in die boekjaar tot einde Maart R5,5 miljard aan salarisse en byvoordele spandeer, het die maatskappy Woensdag in sy geïntegreerde verslag bekend gemaak.Dit kom te midde van herstrukturering by die betaaltelevisiemaatskappy waarin meer as 2 000 mense se poste in gedrang is.Die basiese salarisse van die maatskappy se topbestuur beloop reeds R24,6 miljoen vir die jaar.Dié vier amptenare het ook saam R7,71 miljoen in byvoordele en R26 miljoen in kontantbonusse ontvang. Die vergoedingspakket van Imtiaz Patel (55), uitvoerende voorsitter, is die grootste met ’n totale vergoeding van nagenoeg R20,8 miljoen vir die jaar.MultiChoice gee Patel en Brand de Villiers, bedryfshoof, se salarisse in dollars weer omdat hulle vanaf die buiteland werk.Daarvolgens beloop Patel se salaris $54 000 per maand en De Villiers s’n net meer as $43 000.Teen die huidige wisselkoers is dit onderskeidelik sowat R769 000 en R612 000 per maand.Sowel Patel as De Villiers se maandelikse verdienste is meer as dié van Calvo Mawela (43), uitvoerende hoof, en Tim Jacobs (50), finansiële hoof.Mawela se basiese salaris beloop R464 000 per maand en Jacobs verdien R196 000 per maand.olgens MultiChoice verdien Patel en De Villiers soveel meer omdat hul lewenskoste in Dubai, waar albei woon, soveel meer is as in Johannesburg waar Mawela en Jacobs gestasioneer is.Jacobs en De Villiers het hulle in November by MultiChoice aangesluit. De Villiers was voorheen uitvoerende hoof van MultiChoice Africa voor sy bevordering tot die groep se bedryfshoof.Jacobs, wat voor dit vir ’n baie kort tydjie die finansiële hoof by Altron was, is ’n indienstredingsbonus van R3,81 miljoen betaal op voorwaarde dat hy minstens 12 maande in sy pos sal bly. Hy was tussen Februarie 2013 en Junie 2014 ook die finansiële hoof van MultiChoice.Sy totale bonus vir die betreklike kort tydperk vanaf sy (her)aanstelling in November tot die einde van die boekjaar in Maart beloop meer as R5,8 miljoen.Sowel Jacobs as Malewa ontvang ook in die komende boekjaar ’n verhoging van tussen 5,5% in die geval van Jacobs en 12,5% in die geval van Malewa. Patel en De Villiers ontvang geen verhoging nie.MultiChoice se verdienste vir die jaar beloop R50,1 miljard. Die maatskappy het tans net meer as 7 000 mense in sy diens en 15,1 miljoen aktiewe intekenare.Suid-Afrika se 7,4 miljoen intekenare dra meer as 67% tot MultiChoice se inkomste by.Verreweg die meeste van hierdie intekenare is egter op van MultiChoice se goedkoper pakkette op sy betaaltelevisiediens DStv. – Netwerk24

Só verdien MultiChoice se base

Kommentaar

Republikein 2025-05-26

Meld asseblief aan om kommentaar te lewer

Só verdien MultiChoice se base

Kommentaar

Republikein 2025-05-26

Meld asseblief aan om kommentaar te lewer

MELD AAN

Advertensie