Só raak Covid-19 en inperkingsmaatreëls Namibië se boere
Die Namibië Landbou-unie (NLU) het pas ‘n spesiale nuusbrief aan sy lede uitgestuur nadat drie lede van die unie se bestuurskomitee Donderdag met die nuwe landbouminister, mnr. Calle Schlettwein vergader het.
Hier volg die brief:
Landbou in die breë is reeds as ‘n noodsaaklike diens aanvaar. Ter inleiding het die minister genoem dat Namibië nie in staat is om Covid-19 te beheer en te bestuur sou dit op grootskaal versprei soos tans in ander lande nie. Ons vra dus al ons lede om verantwoordelik op te tree in hierdie krisis.
Al die vrae en individuele scenario’s sal ons nie kan beantwoord nie, en lede moet dit self binne die breë riglyne logies probeer toepas.
Gesinne van boere sal moet besluit waar hulle gedurende die staat van inperking gaan woon, op die plaas of in die dorp, want gesinne sal nie toegelaat word om rond te reis nie. Daar sal selgs 1 persoon per voertuig toegelaat om tussen die plaas en dorp te beweeg en slegs met baie goeie rede wat verskaf sal moet word by die padblokkades.
Die minister het byvoorbeeld gesê dat indien bees geskuif moet word binne die plaas, dit nie aanvaar word dat die boer daarvoor rondry nie aangesien dit per telefoon gereël kan word.
‘n Lys van 19 spesifieke dienste binne die boerderywaardeketting is deur minister Schlettwein voorgelê aan die regering om as noodsaaklike dienste aanvaar te word waaronder veilings, abattoirs, veevoere ensovoorts. Die minister het ongelukkig houtskool nie as ‘n noodsaaklike diens aanvaar nie, wat beteken dat boere kan voortgaan om op die plase houtskool te produseer, maar hulle sal dit nie kan vervoer na fabrieke of uitvoer na Suid-Afrika of elders nie.
Dit is baie duidelik gemaak dat veilings slegs is om diere te verkoop en geen sosialisering toegelaat sal word nie.
Rakende ons bekommernis oor misdaad gedurende hierdie periode het die minister gesê dit val buite sy jurisdiksie en mnr. Thinus Pretoriu, voorsitter van die LPO, het onderneem om dit direk met NamPol op te neem.
Vir derde party besoeke aan die plaas, soos diensverskaffers wat moet uitkom, is daar ‘n derde party vorm wat voltooi kan word waarop die boer bevestig dat hy die dienste dringend op die plaas benodig. Dieselfde vorm kan die boer ook gebruik om ‘n familielid of werker te stuur om vir hom werk te verrig. (Die vorm is aanlyn beskikbaar by ‘n skakel in die e-pos wat aan boere gestuur is.)
Die regering het onderneem om deurlopend nuwe inligting deur te gee en sodra ons dit ontvang, sal ons lede dienooreenkomstig inlig. Die NLU se kantoor is nie gesluit gedurende die staat van inperking nie en die werknemers en bestuur sal telefonies beskikbaar wees.
Hier volg die brief:
Landbou in die breë is reeds as ‘n noodsaaklike diens aanvaar. Ter inleiding het die minister genoem dat Namibië nie in staat is om Covid-19 te beheer en te bestuur sou dit op grootskaal versprei soos tans in ander lande nie. Ons vra dus al ons lede om verantwoordelik op te tree in hierdie krisis.
Al die vrae en individuele scenario’s sal ons nie kan beantwoord nie, en lede moet dit self binne die breë riglyne logies probeer toepas.
Gesinne van boere sal moet besluit waar hulle gedurende die staat van inperking gaan woon, op die plaas of in die dorp, want gesinne sal nie toegelaat word om rond te reis nie. Daar sal selgs 1 persoon per voertuig toegelaat om tussen die plaas en dorp te beweeg en slegs met baie goeie rede wat verskaf sal moet word by die padblokkades.
Die minister het byvoorbeeld gesê dat indien bees geskuif moet word binne die plaas, dit nie aanvaar word dat die boer daarvoor rondry nie aangesien dit per telefoon gereël kan word.
‘n Lys van 19 spesifieke dienste binne die boerderywaardeketting is deur minister Schlettwein voorgelê aan die regering om as noodsaaklike dienste aanvaar te word waaronder veilings, abattoirs, veevoere ensovoorts. Die minister het ongelukkig houtskool nie as ‘n noodsaaklike diens aanvaar nie, wat beteken dat boere kan voortgaan om op die plase houtskool te produseer, maar hulle sal dit nie kan vervoer na fabrieke of uitvoer na Suid-Afrika of elders nie.
Dit is baie duidelik gemaak dat veilings slegs is om diere te verkoop en geen sosialisering toegelaat sal word nie.
Rakende ons bekommernis oor misdaad gedurende hierdie periode het die minister gesê dit val buite sy jurisdiksie en mnr. Thinus Pretoriu, voorsitter van die LPO, het onderneem om dit direk met NamPol op te neem.
Vir derde party besoeke aan die plaas, soos diensverskaffers wat moet uitkom, is daar ‘n derde party vorm wat voltooi kan word waarop die boer bevestig dat hy die dienste dringend op die plaas benodig. Dieselfde vorm kan die boer ook gebruik om ‘n familielid of werker te stuur om vir hom werk te verrig. (Die vorm is aanlyn beskikbaar by ‘n skakel in die e-pos wat aan boere gestuur is.)
Die regering het onderneem om deurlopend nuwe inligting deur te gee en sodra ons dit ontvang, sal ons lede dienooreenkomstig inlig. Die NLU se kantoor is nie gesluit gedurende die staat van inperking nie en die werknemers en bestuur sal telefonies beskikbaar wees.
Kommentaar
Republikein
Geen kommentaar is op hierdie artikel gelaat nie