Só onthou Namoloh vir Jannie Geldenhuys

12 September 2018 | Mense
Ronelle Rademeyer - Die voormalige Suid-Afrikaanse weermaghoof, genl. Jannie Geldenhuys (83), wat Maandag in ’n versorgingsoord op George in die Wes-Kap dood is, was ’n professionele soldaat wat respek afgedwing het.

Dít is hoe sy nemesis uit die dae van die Grensoorlog en latere goeie vriend, genl.maj. (afgetree) Charles Namoloh, hom gister beskryf het.

Namoloh, minister van veiligheid en sekuriteit, was stafhoof van Swapo se militêre vleuel, die People’s Liberation Army of Namibia (Plan).

Hy was, net soos Geldenhuys, ’n soldaat wat deur sy vyande gerespekteer is. Hy het destyds as “Ho Chi Minh” bekend gestaan.

Geldenhuys was gedurende sy militêre loopbaan lank die bevelvoerende generaal van die Kommandement Suidwes-Afrika, wat later die Suidwes-Afrikaanse Gebiedsmag geword het. Daarna is hy tot hoof van die leër bevorder en het in 1986 die hoof van die weermag geword.

Hy was ten nouste betrokke by die onderhandelinge wat Namibië se onafhanklikwording voorafgegaan het.

Namoloh het gister aan Republikein vertel hoe hy en Geldenhuys ná die oorlog vriende geword het.

“Wanneer hy in Windhoek gekom het, het ek, hy en (lt.genl.) Martin Shalli (voormalige hoof van die Namibiese weermag) saam gaan eet en lekker oor die ou dae gesels.”

Hy sê genl. Eddie Viljoen, ’n oudbevelvoerder van 32 Bataljon, was dikwels ook teenwoordig.

Onderhoude is ook destyds deur Linda de Jager, vervaardiger van die dokumentêre reeks Grensoorlog met hulle al vier gevoer. Die 24 episodes van dié reeks is later op kykNET uitgesaai.

“Ons was vyande, maar het vriende geword. In daardie onderhoude het ons as soldate van dieselfde portuur ons herinneringe aan die oorlog gedeel,” vertel Namoloh.

In 2006 was Estelle de Bruyn van Republikein (wat onlangs afgetree het) teenwoordig toe Geldenhuys vir Namoloh by sy kantoor in Windhoek besoek het. Hy was toe die minister van verdediging.

Sy woorde dié dag was: “Soldate verklaar nie oorlog teen mekaar nie; politici doen. Soldate voer net die politieke opdragte uit.”

Hulle het dié dag in nostalgiese gesprekke oor die veldslae gesels waarin hulle betrokke was, staaltjies herroep en noue ontkomings onthou.

Geldenhuys het daarop gewys dat die Suid-Afrikaanse weermag en die Suidwes-Afrikaanse Gebiedsmag groot respek vir Plan en sy soldate gehad het en hulle as gedugte teenstanders beskou het.

Geldenhuys, wat die laaste jare aan Alzheimer se siekte gely het, laat sy vrou, Marié, hul drie kinders en ’n kleinkind agter.

’n Gedenkdiens sal op 20 September om 10:00 in Pretoria-Oos se NG kerk gehou word.

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

1 uur gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

17 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

17 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

17 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

17 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

17 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...