Sê nou maar net Grace is in Namibië . . .
Dit is ‘n opwindende politieke tydperk vir Suider-Afrika met die mense van Zimbabwe wat hul voete ná dekades se swaarkry onder pres. Robert Mugabe mooi neersit oor sy byna 40 jare lange heerskappy.
Daar is berig dat oom Bob flou geval het tydens die weermag se oorname en sy omstrede vrou, Grace, het natuurlik ‘n vloermoer gegooi.
Wat het die Oscar-bekroonde aktrise Charlize Theron en Grace Ntombizodwa Jonathan Mugabe in gemeen? Albei kom van Benoni af, etsê! En Grace en Charlize se kinders gooi ewe erge vloermoere.
Verlede week is bespiegel dat Grace in Singapoer of Namibië is. Sê nou maar net Grace is wel in Namibië . . .
Waar sou sy wees? By oom Sampie op sy plaas kuier of ontspan by een van Namibia Wildlife Resorts (NWR) se oorde? NWR het juis nou ‘n spesiale toerpakket vir die Kavango-Zambezi-oorgrensbewaringsgebied (Kaza TFC).
Op Twitter grap iemand en sê Grace moet net soos Katuutire Kaura vir pres. Hage Geingob 'n SMS stuur, dan sal sy tjoef-tjaf Swapo-lidmaatskap kry, kaart en alles.
Wie sou aangesê word om vir Grace kos te gaan koop? Grace is nie ‘n goedkoop vrou nie en is gewoond aan die beste – kaviaar en daai grênd dinge. Sou sy van Woolies-kos voorsien word of sou die topsjef in Namibië haar met ons sappige koedoefilet, kabeljou of kreefstert trakteer? Of gaan sy honger genoeg vir Hungry Lion of kapana wees? Wie gaan haar kos proe om te bewys dit is nie vergiftig nie?
Wat as Gucci Grace, soos sy ook bekend staan, wou gaan inkopies doen? Sy is bekend daarvoor om op uitspattige shopping sprees in Hongkong en Parys te gaan. Sou ons Grove Mall goed genoeg vir haar wees? Het ons winkels nou spesiale aanbiedings op elektriese verlengkoorde? Koes, Namibiese modelle!
Moet net nie ‘n ring aan haar verkoop nie, want die kanse dat jy gedagvaar word, is groot. Grace beweer in hofstukke dat sy die Libanese sakeman Jamal Joseph Ahmed in 2015 US$1,35 miljoen vir ’n diamantring betaal het. Volgens haar het sy egter ’n “minderwaardige ring” ontvang, wat slegs US$30 000 werd is.
Wat van Grace se skoonheidsroetine? Wie gaan haar naels doen en haar hare vleg, of gaan sy maar net daai kleurryke Zanu PF-kopdoek dra met haar en oom Bob se gesigte op? Of dalk daai militêre berets of groot cowboy-hoed?
As Grace en oom Bob se stout seuns, Robert Peter junior (25) en Chatunga Bellarmine (21), saam met haar in Namibië is, sou hulle wou partytjie hou, want hulle kán mos. Bellarmine gooi sommer peperduur Armand de Brignac Ace Of Spades-sjampanje oor sy diamanthorlosie uit. “$60 000 on the wrist when your daddy run the whole country ya know!!!” skryf hy by sy foto op Instagram.
Waar sou hulle in Namibië partytjie? In Evelinestraat kan hulle uit ‘n magdom sjebeens kies.
Tsek Nkandla toe, Grace! Jou enigste sprankie hoop op oorlewing is dat jy nog een van Jacob Zuma se vele vroue word.
Daar is berig dat oom Bob flou geval het tydens die weermag se oorname en sy omstrede vrou, Grace, het natuurlik ‘n vloermoer gegooi.
Wat het die Oscar-bekroonde aktrise Charlize Theron en Grace Ntombizodwa Jonathan Mugabe in gemeen? Albei kom van Benoni af, etsê! En Grace en Charlize se kinders gooi ewe erge vloermoere.
Verlede week is bespiegel dat Grace in Singapoer of Namibië is. Sê nou maar net Grace is wel in Namibië . . .
Waar sou sy wees? By oom Sampie op sy plaas kuier of ontspan by een van Namibia Wildlife Resorts (NWR) se oorde? NWR het juis nou ‘n spesiale toerpakket vir die Kavango-Zambezi-oorgrensbewaringsgebied (Kaza TFC).
Op Twitter grap iemand en sê Grace moet net soos Katuutire Kaura vir pres. Hage Geingob 'n SMS stuur, dan sal sy tjoef-tjaf Swapo-lidmaatskap kry, kaart en alles.
Wie sou aangesê word om vir Grace kos te gaan koop? Grace is nie ‘n goedkoop vrou nie en is gewoond aan die beste – kaviaar en daai grênd dinge. Sou sy van Woolies-kos voorsien word of sou die topsjef in Namibië haar met ons sappige koedoefilet, kabeljou of kreefstert trakteer? Of gaan sy honger genoeg vir Hungry Lion of kapana wees? Wie gaan haar kos proe om te bewys dit is nie vergiftig nie?
Wat as Gucci Grace, soos sy ook bekend staan, wou gaan inkopies doen? Sy is bekend daarvoor om op uitspattige shopping sprees in Hongkong en Parys te gaan. Sou ons Grove Mall goed genoeg vir haar wees? Het ons winkels nou spesiale aanbiedings op elektriese verlengkoorde? Koes, Namibiese modelle!
Moet net nie ‘n ring aan haar verkoop nie, want die kanse dat jy gedagvaar word, is groot. Grace beweer in hofstukke dat sy die Libanese sakeman Jamal Joseph Ahmed in 2015 US$1,35 miljoen vir ’n diamantring betaal het. Volgens haar het sy egter ’n “minderwaardige ring” ontvang, wat slegs US$30 000 werd is.
Wat van Grace se skoonheidsroetine? Wie gaan haar naels doen en haar hare vleg, of gaan sy maar net daai kleurryke Zanu PF-kopdoek dra met haar en oom Bob se gesigte op? Of dalk daai militêre berets of groot cowboy-hoed?
As Grace en oom Bob se stout seuns, Robert Peter junior (25) en Chatunga Bellarmine (21), saam met haar in Namibië is, sou hulle wou partytjie hou, want hulle kán mos. Bellarmine gooi sommer peperduur Armand de Brignac Ace Of Spades-sjampanje oor sy diamanthorlosie uit. “$60 000 on the wrist when your daddy run the whole country ya know!!!” skryf hy by sy foto op Instagram.
Waar sou hulle in Namibië partytjie? In Evelinestraat kan hulle uit ‘n magdom sjebeens kies.
Tsek Nkandla toe, Grace! Jou enigste sprankie hoop op oorlewing is dat jy nog een van Jacob Zuma se vele vroue word.
Kommentaar
Republikein
Geen kommentaar is op hierdie artikel gelaat nie