Só lyk pandemie se wiskundesom
’n Wiskundige ontleding van die verspreidingskoers toon waarom sosiale afstand ’n móét is in die bekamping van Covid-19.
Ronelle Rademeyer – ’n Facebook-plasing deur ’n Amerikaanse sagteware-ingenieur waarin hy die wiskundesom agter die Covid-19-pandemie verduidelik, versprei nou net so eksponensieel soos die virus wat hierdie wêreldkrisis aanleiding gegee het.
Mnr. Jason Warner se wiskundesom is binne 24 uur 160 000 keer gedeel en deur 1,9 miljoen mense gesien. Daarná is dit deur Medium.com beskikbaar gemaak sodat onder meer joernaliste die belangrikheid van sosiale afstand in beriggewing kan verduidelik.
Hy sê as die stigter en uitvoerende hoof van ’n suksesvolle sagtewaremaatskappy (in Vacouver, Washington) wat data-ontledings aan die werwingsdepartemente van die wêreld se bekendste maatskappye soos Starbucks en Google verskaf, glo hy “nie in hiperbole en histrioniese oordrywings” nie, maar in kil feite.
Warner sê die meeste mense is ongemaklik met die sosiale druk om dadelik stappe te doen en beskou dit as ’n oorreaksie. Dit, sê hy, is omdat mense kyk na die getal bevestigde gevalle in hul omgewing en nie die wiskunde verstaan van hoe vinnig die virus versprei en hoe sake binne 30 dae van nou af gaan lyk nie.
“Dit is omdat ons breine geneig is om lineêr te dink in teenstelling met logaritmies,” sê Warner.
Hy sê sosiale afstand is die enigste wyse waarop die verspreiding beperk en die pandemie beveg kan word.
Verder fokus mense volgens hom op die verkeerde syfers soos dat slegs ’n kein persentasie van mense weens die virus gaan sterf en dat omtrent 80% net ligte simptome sal ervaar.
“Dit is alles waar, maar dit is die verkeerde syfers om op te fokus. Die aard van eksponensiële wiskunde is dat die infeksiekoers aanvanklik stadig sal styg, en dan skielik soos ’n bom ontplof en hospitale oorweldig.”
DIE SOM
“Om eksponensiële groei verder te verstaan, neem die getal bevestigde gevalle in jou omgewing en maal dit met 2 tot die mag 10.
“Die getal bevestigde gevalle verdubbel elke drie dae soos wat die virus versprei. Neem dus jou omgewing se getal, en maal dit met 2. Doen dit altesaam 10 keer. Die resultaat is die beraamde getal vir bevestigde gevalle in jou omgewing oor 30 dae van nou af as sosiale afstand nie op groot skaal deur almal in jou omgewing beoefen word nie,” verduidelik Warner.
“Sonder sosiale afstand beteken dit daar sal binne 30 dae 1 024 keer die getal bevestigde gevalle wees as wat jou omgewing tans het,” sê hy.
In die geval van Namibië beteken dit die huidige 2 bevestigde gevalle, maal met 1 024, wat 2 048 gevalle is.
Nóg dertig dae later, en sonder die nodige sosiale afstand tussen mense, lyk die som só: 2 048 x 1 024 = 2 097 152.
Dit is byna die hele Namibiese bevolking in net 60 dae.
Warner benadruk dit is indien mense nie die nodige maatreëls tref om hul sosiale kontak met ander soveel as moontlik te beperk nie.
Hy sê as in ag geneem word dat soveel as 5% van hierdie mense beddens in intensiewesorgeenhede van hospitale gaan nodig hê waar hulle op ventilators geplaas kan word, beteken dit pasiënte sal weggewys moet word.
– [email protected]
Mnr. Jason Warner se wiskundesom is binne 24 uur 160 000 keer gedeel en deur 1,9 miljoen mense gesien. Daarná is dit deur Medium.com beskikbaar gemaak sodat onder meer joernaliste die belangrikheid van sosiale afstand in beriggewing kan verduidelik.
Hy sê as die stigter en uitvoerende hoof van ’n suksesvolle sagtewaremaatskappy (in Vacouver, Washington) wat data-ontledings aan die werwingsdepartemente van die wêreld se bekendste maatskappye soos Starbucks en Google verskaf, glo hy “nie in hiperbole en histrioniese oordrywings” nie, maar in kil feite.
Warner sê die meeste mense is ongemaklik met die sosiale druk om dadelik stappe te doen en beskou dit as ’n oorreaksie. Dit, sê hy, is omdat mense kyk na die getal bevestigde gevalle in hul omgewing en nie die wiskunde verstaan van hoe vinnig die virus versprei en hoe sake binne 30 dae van nou af gaan lyk nie.
“Dit is omdat ons breine geneig is om lineêr te dink in teenstelling met logaritmies,” sê Warner.
Hy sê sosiale afstand is die enigste wyse waarop die verspreiding beperk en die pandemie beveg kan word.
Verder fokus mense volgens hom op die verkeerde syfers soos dat slegs ’n kein persentasie van mense weens die virus gaan sterf en dat omtrent 80% net ligte simptome sal ervaar.
“Dit is alles waar, maar dit is die verkeerde syfers om op te fokus. Die aard van eksponensiële wiskunde is dat die infeksiekoers aanvanklik stadig sal styg, en dan skielik soos ’n bom ontplof en hospitale oorweldig.”
DIE SOM
“Om eksponensiële groei verder te verstaan, neem die getal bevestigde gevalle in jou omgewing en maal dit met 2 tot die mag 10.
“Die getal bevestigde gevalle verdubbel elke drie dae soos wat die virus versprei. Neem dus jou omgewing se getal, en maal dit met 2. Doen dit altesaam 10 keer. Die resultaat is die beraamde getal vir bevestigde gevalle in jou omgewing oor 30 dae van nou af as sosiale afstand nie op groot skaal deur almal in jou omgewing beoefen word nie,” verduidelik Warner.
“Sonder sosiale afstand beteken dit daar sal binne 30 dae 1 024 keer die getal bevestigde gevalle wees as wat jou omgewing tans het,” sê hy.
In die geval van Namibië beteken dit die huidige 2 bevestigde gevalle, maal met 1 024, wat 2 048 gevalle is.
Nóg dertig dae later, en sonder die nodige sosiale afstand tussen mense, lyk die som só: 2 048 x 1 024 = 2 097 152.
Dit is byna die hele Namibiese bevolking in net 60 dae.
Warner benadruk dit is indien mense nie die nodige maatreëls tref om hul sosiale kontak met ander soveel as moontlik te beperk nie.
Hy sê as in ag geneem word dat soveel as 5% van hierdie mense beddens in intensiewesorgeenhede van hospitale gaan nodig hê waar hulle op ventilators geplaas kan word, beteken dit pasiënte sal weggewys moet word.
– [email protected]
Kommentaar
Republikein
Geen kommentaar is op hierdie artikel gelaat nie