Só lyk nuwe Covid-maatreëls
Kinders jonger as vyf jaar wat deur Namibië se
grense beweeg, hoef nie langer van ‘n Covid-19 toets vergesel te word nie,
terwyl Namibiërs ook toegelaat sal word om die land sonder enige toets of met ‘n positiewe
toets binne te kom – onderhewig aan kwarantyn.
Dit is van die nuwe maatreëls teen Covid-19 wat pres. Hage Geingob vanmiddag in die Staatshuis aangekondig het. Die nuwe maatreëls teen Covid-19 geld tot 25 Januarie 2021.
Alle persone wat nie Namibiese burgers is nie, sal steeds ‘n negatiewe Covid-19 PCR-toetsuitslag moet toon om die land te kan binnekom. Dit mag nie ouer as 72 ure wees nie. Die vereiste is egter nié van toepassing op kinders onder die ouderdom van vyf jaar nie.
Terugkerende Namibiers, of diegene met permanente verblyf of werkspermitte in Namibië, mag die land sonder ‘n Covid-19 toetsuitslag of met ‘n positiewe toets binnekom. In die eerste geval sal hulle dadelik getoets word en in kwarantyn geplaas word. Indien die toets negatief is, sal hulle uit kwarantyn gelaat word.
Indien dié persone met ‘n positiewe toetsuitslag by die grens aankom, sal hulle geïsoleer word. Hulle sal óf in ‘n geskikte fasiliteit in kwarantyn moet bly, of tuis kan isoleer – maar dan moet die huis eers deur ‘n gemagdigde mediese beampte goedgekeur word.
Buitelanders wat met toetse by grense opdaag wat ouer as 72 uur is, sal in kwarantyn geplaas word en nog dieselfde dag – op eie onkoste - vir Covid-19 getoets word. As die resultaat negatief is, sal hulle uit kwarantyn gelaat word, maar indien dit positief is, sal hulle op eie onkoste geïsoleer word.
Winkels en sakeondernemings hoef nie meer ‘n register by te hou van al die mense wat hulle besoek nie. Registers moet wel opgestel word tydens openbare byeenkomste, soos by begrafnisse, troues, kerkbyeenkomste, sportgeleenthede en byeenkomste vir vermaaklikheid.
Steeds net 200 mense mag tydens openbare byeenkomste bymekaar kom en organiseerders word aangemoedig om sulke geleenthede in die buitelug aan te bied.
Die verkope van alkohol by sjebeens, kroeë en nagklubs, mag nou tot middernag volgehou word. Die onderneming moet egter seker maak mense handhaaf ‘n sosiale afstand en handsaniteermiddels moet altyd beskikbaar wees.
Dit is van die nuwe maatreëls teen Covid-19 wat pres. Hage Geingob vanmiddag in die Staatshuis aangekondig het. Die nuwe maatreëls teen Covid-19 geld tot 25 Januarie 2021.
Alle persone wat nie Namibiese burgers is nie, sal steeds ‘n negatiewe Covid-19 PCR-toetsuitslag moet toon om die land te kan binnekom. Dit mag nie ouer as 72 ure wees nie. Die vereiste is egter nié van toepassing op kinders onder die ouderdom van vyf jaar nie.
Terugkerende Namibiers, of diegene met permanente verblyf of werkspermitte in Namibië, mag die land sonder ‘n Covid-19 toetsuitslag of met ‘n positiewe toets binnekom. In die eerste geval sal hulle dadelik getoets word en in kwarantyn geplaas word. Indien die toets negatief is, sal hulle uit kwarantyn gelaat word.
Indien dié persone met ‘n positiewe toetsuitslag by die grens aankom, sal hulle geïsoleer word. Hulle sal óf in ‘n geskikte fasiliteit in kwarantyn moet bly, of tuis kan isoleer – maar dan moet die huis eers deur ‘n gemagdigde mediese beampte goedgekeur word.
Buitelanders wat met toetse by grense opdaag wat ouer as 72 uur is, sal in kwarantyn geplaas word en nog dieselfde dag – op eie onkoste - vir Covid-19 getoets word. As die resultaat negatief is, sal hulle uit kwarantyn gelaat word, maar indien dit positief is, sal hulle op eie onkoste geïsoleer word.
Winkels en sakeondernemings hoef nie meer ‘n register by te hou van al die mense wat hulle besoek nie. Registers moet wel opgestel word tydens openbare byeenkomste, soos by begrafnisse, troues, kerkbyeenkomste, sportgeleenthede en byeenkomste vir vermaaklikheid.
Steeds net 200 mense mag tydens openbare byeenkomste bymekaar kom en organiseerders word aangemoedig om sulke geleenthede in die buitelug aan te bied.
Die verkope van alkohol by sjebeens, kroeë en nagklubs, mag nou tot middernag volgehou word. Die onderneming moet egter seker maak mense handhaaf ‘n sosiale afstand en handsaniteermiddels moet altyd beskikbaar wees.
Kommentaar
Republikein
Geen kommentaar is op hierdie artikel gelaat nie