Só lyk die toekoms van TV’s, sê Samsung, LG
Jy kry groot en dan kry jy reusagtig. Samsung het pas hul jongste platskermtelevisiestel by vanjaar se CES-tegnologiekonferensie in Las Vegas ten toon gestel. Dié TV-stel se skerm is ’n allemintige 396 sentimeter groot en heel gepas het die Suid-Koreaanse maatskappy dit The Wall gedoop.
Buiten vir sy grootte spog dit ook met die jongste mikro-LED-tegnologie. Die beeld word opgemaak uit “miljoene klein LED-liggies” wat elkeen individueel lig uitstraal wat die nodigheid van ’n eksterne ligbron uitskakel. Basies beteken dit The Wall vertoon kleure helderder en swart dieper.
Die BBC berig Sony het in 2012 met soorgelyke tegnologie geëksperimenteer, maar hul planne laat vaar toe dit duidelik geword het dat televisieskerms wat met hierdie tegnologie vervaardig word, onbekostigbaar sal wees. Dieselfde vrese word nou oor The Wall geopper.
Tog spog Samsung dat die grootte van 396 sentimeter bloot ’n vertrekpunt is en dat hulle televisies van “bykans enige grootte” na bestelling kan vervaardig.
LG en OLED-tegnologie
Die besluit deur Samsung om mikro-LED-tegnologie te gebruik, is in teenstelling met hul mededingers wat verkies om sogenaamde OLED-tegnologie te gebruik. OLED verwys na organiese ligdiodes in die skerm wat lig uitstraal. Dit benodig ook geen eksterne ligbron nie en is papierdun.
LG neem al ’n geruime tyd die voortou in die ontwikkeling van nuwe OLED-televisiestelle en het ook hul nuwe TV-stel van 165 cm by die CES-konferensie vertoon. Wat dié toestel veral uniek maak, is dat dit soos ’n koerant opgerol kan word danksy die papierdun OLED-tegnologie.
Kragtoevoer, klank en invoerpoorte word alles in ’n klein boksie onderaan die skerm gehuisves.
Wanneer die televisie afgeskakel word, rol dit bloot op tot binne-in die boksie, wat plek bespaar. LG hoop ook om dit as die wêreld se eerste werklik draagbare grootskermtelevisie te bemark.
Nóg LG nóg Samsung het die prys van hul spoggerige nuwe TV-stelle bekend gemaak. Samsung moet ook nog ’n aankondiging maak oor of hulle wel The Wall op groot skaal gaan vervaardig, juis weens die vrese van die hoë kostes daaraan verbonde. – Netwerk24/Bronne: The Verge, BBC, CNET
Buiten vir sy grootte spog dit ook met die jongste mikro-LED-tegnologie. Die beeld word opgemaak uit “miljoene klein LED-liggies” wat elkeen individueel lig uitstraal wat die nodigheid van ’n eksterne ligbron uitskakel. Basies beteken dit The Wall vertoon kleure helderder en swart dieper.
Die BBC berig Sony het in 2012 met soorgelyke tegnologie geëksperimenteer, maar hul planne laat vaar toe dit duidelik geword het dat televisieskerms wat met hierdie tegnologie vervaardig word, onbekostigbaar sal wees. Dieselfde vrese word nou oor The Wall geopper.
Tog spog Samsung dat die grootte van 396 sentimeter bloot ’n vertrekpunt is en dat hulle televisies van “bykans enige grootte” na bestelling kan vervaardig.
LG en OLED-tegnologie
Die besluit deur Samsung om mikro-LED-tegnologie te gebruik, is in teenstelling met hul mededingers wat verkies om sogenaamde OLED-tegnologie te gebruik. OLED verwys na organiese ligdiodes in die skerm wat lig uitstraal. Dit benodig ook geen eksterne ligbron nie en is papierdun.
LG neem al ’n geruime tyd die voortou in die ontwikkeling van nuwe OLED-televisiestelle en het ook hul nuwe TV-stel van 165 cm by die CES-konferensie vertoon. Wat dié toestel veral uniek maak, is dat dit soos ’n koerant opgerol kan word danksy die papierdun OLED-tegnologie.
Kragtoevoer, klank en invoerpoorte word alles in ’n klein boksie onderaan die skerm gehuisves.
Wanneer die televisie afgeskakel word, rol dit bloot op tot binne-in die boksie, wat plek bespaar. LG hoop ook om dit as die wêreld se eerste werklik draagbare grootskermtelevisie te bemark.
Nóg LG nóg Samsung het die prys van hul spoggerige nuwe TV-stelle bekend gemaak. Samsung moet ook nog ’n aankondiging maak oor of hulle wel The Wall op groot skaal gaan vervaardig, juis weens die vrese van die hoë kostes daaraan verbonde. – Netwerk24/Bronne: The Verge, BBC, CNET
Kommentaar
Republikein
Geen kommentaar is op hierdie artikel gelaat nie