Só lyk die duurste skildery nóg

Leonardo da Vinci se uitbeelding van Christus het Woensdagnag die duurste skildery ter wêreld geword.Die veilingprys van US$450,3 miljoen (nagenoeg R6,4 miljard) vir Salvator Mundi (Verlosser van die Wêreld) is meer as dubbeld die tweede duurste skildery wat al verkoop is.Die skildery is in New York deur Christie’s opgeveil.Die skildery is onlangs herontdek. Dis die laaste Da Vinci wat in private besit was.Christie’s het verwag dat die skildery net sowat US$100 miljoen sou haal.Pablo Picasso se Les Femmes D’Alger hou die vorige rekord. Dit is in Mei 2015 vir US$179,4 miljoen opgeveil.Woensdagaand se veiling het altesame US$785,9 miljoen ingevorder.Die koper, wat oor die foon gebie het, is nie geïdentifiseer nie.Daar was minstens ses ernstige bieërs en die bieëry het byna 20 minute lank geduur. Botte het in veelvoude van US$15 miljoen of hoër gestyg.Toe die bod toegeslaan is, het die mense by Christie’s gejuig en hande geklap.“Ek dink Leonardo sou baie in sy skik gewees het,” het Jussi Pylkkänen, wêreldwye president van Christie’s wat die veiling behartig het, aan Reuters gesê.Ná dié hoogtepunt sê hy ook: “Ek dink ek moet my hamer ophang.”Die skildery is in die omgewing van 1500 geskilder en is een van minder as 20 Da Vinci-skildery wat nog bestaan.Die eerste opgawe van die skildery was dat dit aan koning Charles I van Engeland (1600-1649) behoort het.Dit is in 1764 opgeveil, maar het toe verdwyn tot 1900. Die gesig en hare is oorgeverf – wat nie ongewoon was vantevore nie.In 1958 is die skildery by Sotheby’s in Londen vir net £45 pond verkoop. Dis in 2005 verkoop, maar is as ’n namaaksel beskou.Dié eienaar het die skildery laat restoureer en navorsing wat ses jaar lank geduur het, het bevestig dat dit ’n oorspronklike Da Vinci is.Daarna is die skildery in 2013 in ’n private transaksie vir US$127,5 miljoen aan die Russiese versamelaar Dmitri Ribolowlef, die persoon wat dit nou verkoop het.Ander skilderye op Woensdag se veiling wat Andy Warhol se Sixty Last Suppers, wat US$60,9 miljoen gehaal het. – Netwerk24/Reuters/Bloomberg

Só lyk die duurste skildery nóg

Kommentaar

Republikein 2025-08-06

Meld asseblief aan om kommentaar te lewer

Só lyk die duurste skildery nóg

Kommentaar

Republikein 2025-08-06

Meld asseblief aan om kommentaar te lewer

MELD AAN

Advertensie