Só kies jy jou troufotograaf

Wie die troufoto’s gaan neem is een van die belangrikste besluite wat ’n paartjie tydens hul troubeplanning gaan maak. Celinda Groenewald het by die kenners ’n paar wenke gekry.Wanneer die ja-woord gegee is, al die konfetti gestrooi en troukoek opgeëet is, is foto’s ’n kosbare herinnering aan dié spesiale dag.Daarom is die besluit oor wie dit gaan neem, iets waaroor ’n mens deeglik moet besin.Reinhardt en Melanie Nel van AndStory in Johannesburg neem al sedert 2011 wêreldwyd troues af.Dié paartjie is, nes hul onderneming se naam, passievol om mense se liefdesverhale op kamera vas te vang.Hoe besluit ’n mens?Eerstens moet julle aanklank vind by die fotograaf se styl en besluit of dit by jul troue gaan pas.Julle begroting is ook belangrik en daar is gewoonlik verskillende pakkette om aan kliënte se behoeftes te voldoen, maar fotograwe is meestal bereid om daaroor te gesels.Dit is ook wys om iemand te kies wat troufotografie voltyds as ’n beroep beoefen en ’n goeie portefeulje van alle aspekte van ’n troue het.Kyk ook minstens na een volledige troue wat hy afgeneem het, om seker te maak al sy foto’s is goed.Dit is ook beter om iemand te kies wat minstens nog een professionele fotograaf saambring om foto’s te neem.Wanneer moet ’n mens bespreek?Fotograwe word vinnig vol bespreek. Sodra julle dus op ’n datum en plek besluit het, maak ook jul fotograaf vas. Die meeste fotograwe is tussen 6 en 12 maande vooruit bespreek.Hoe belangrik is dit om voor die troue tyd saam met die troufotograwe deur te bring?Ontmoet hulle minstens een keer voor die troue. Dit is soos ’n onderhoud om te sien of julle lekker kliek.Onthou, die fotograaf gaan die meeste van die tyd op die dag saam met julle wees en dit is belangrik om darem oor die weg te kom.By hierdie ontmoeting kan julle oor alles gesels.Die fotograaf behoort gewoonlik ook goeie idees te hê om met die beplanning en verloop van die dag te help.Wat is belangrikste vrae om te vra?-Gaan daar twee professionele fotograwe of minstens ook ’n assistent by die troue wees?-Hoeveel ure gaan julle foto’s neem?-Watter soort kameras en lense gebruik julle?-Hoe word die foto’s geberg en watter voorsorgmaatreëls is in plek om dit te bewaar?-Hoeveel troues het julle al afgeneem?Waarom is dit so duur?Enige mens met ’n kamera kan foto’s neem, maar dit beteken nie almal kan goeie foto’s neem nie.Neem in ag dat ’n fotograaf nie net by jou troue is nie, maar ook baie ure voor ’n rekenaarskerm sit om die foto’s mooi af te rond.Daar word gereken dat ’n fotograaf sowat 50 uur aan ’n troue werk. Dit sluit alles van die ontmoeting, administrasie en troue tot redigering in.Baie goeie fotograwe het ook gaan studeer en het ondervinding.Honderde ure word bestee om neigings te volg en hul wins word herbelê in die beste en jongste tegnologie, kameras en lense.En op die groot dag?Ontspan en lag – natuurlike foto’s is altyd die mooiste. Probeer van die fotograaf vergeet en fokus daarop om die dag saam met jou geliefdes te geniet. Die fotograaf behoort julle te help ontspan en riglyne te gee om op julle beste te lyk. Wat is die belangrikste ding om te onthou?Dit is een van die beste en lekkerste dae van ’n mens se lewe. Al wat jy van die dag gaan oorhou, is die foto’s. Die fotograaf wat jy kies, het dus ’n baie belangrike verantwoordelikheid om elke spesiale oomblik goed vas te vang.- Netwerk24

Só kies jy jou troufotograaf

Kommentaar

Republikein 2025-11-05

Meld asseblief aan om kommentaar te lewer

Só kies jy jou troufotograaf

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.