Só het Facebook vir Trump 'gehelp'

Facebook trap klei nadat dit aan die lig gekom het 'n omstrede konsultasiemaatskappy wat onregstreeks vir pres. Donald Trump van Amerika se verkiesingsveldtog gewerk het, het toegang tot minstens 50 miljoen gebruikers se profiele en data verkry.Cambridge Analytica, wat geensins met die bekende Britse universiteit verband hou nie, het volgens onthullende verslae in The Observer, The Guardian en The New York Times die data van die miljoene gebruikers gebruik om kragtige programmatuur te skep waardeur mense se opinie van die presidentskandidate in die Amerikaanse verkiesing van 2016 beïnvloed is.Sowel die konsultasiemaatskappy as die sosialemediaplatform het ontken dat hulle iets verkeerd gedoen het, maar Facebook het Cambridge Analytica wel Vrydag weens toenemende druk en tekens van gemene spel die platform verbied.Inligting 'regmatig' bekomVolgens Facebook het Cambridge Analytica die data van die 50 miljoen gebruikers op 'n “regmatige” wyse bekom, maar hulle het dié data daarna, en in teenstelling met Facebook se reëls en regulasies, aan derde partye gegee wat die programmatuur ontwikkel het.In 'n verklaring skryf Facebook dat 'n dosent in sielkunde aan die Cambridge-universiteit, dr. Aleksandr Kogan, in 2015 'n app geskep het genaamd “thisisyourdigitallife”, wat gebruikers gevra het om 'n persoonlikheidsvasvra in te vul, oënskynlik om te help met “sielkundige navorsing”. Duisende mense het die app afgelaai en waarskynlik onwetend vir Kogan toestemming gegee om hul inligting te versamel. Party bronne beweer die app het al so vroeg as 2013 begin om gebruikers se inligting te versamel, maar Facebook gee 2015 as die datum weer.“Hoewel Kogan op 'n regmatige wyse toegang tot gebruikers se data verkry het deur die regte kanale te volg wat alle skeppers van apps op Facebook toe moes volg, het hy nie daarna by ons reëls gehou nie,” sê Facebook.Daar word nou beweer dat Kogan dié inligting ingesamel en dadelik aan Cambridge Analytica verkoop het.Fluitjieblaser verklap alles“Ons het Facebook uitgebuit,” het Christopher Wylie, 'n jong fluitjieblaser wat tot onlangs vir die konsultasiemaatskappy gewerk het, aan The Guardian verklap.“Ons het (met die inligting) modelle gebou waarmee ons gebruikers se diepste vrese uitgebuit het. Dit was die grondslag waarop die hele maatskappy gebou is,” sê Wylie.Destyds het Facebook nog apps toegelaat om nie net gebruikers se inligting te versamel nie, maar ook “beperkte inligting oor hul vriende”.Hoewel die maatskappy sê dis nie vandag meer moontlik nie, meen reguleerders dis waarskynlik hoe Kogan en Cambridge Analytica daarin kon slaag om 50 miljoen gebruikers se data in so 'n kort tydjie in te win.Cambridge Analytica het reeds drie jaar gelede aan Facebook die versekering gegee dat “alle relevante opgawes” in Desember 2015 uitgewis is, maande voor die verkiesing in November 2016.Maar Facebook sê in hul jongste verklaring die maatskappy het gejok. “Ons het berigte ontvang dat alle data nie uitgewis is nie, in teenstelling met die versekering wat aan ons gegee is,” sê Facebook.Die feit dat Kogan toegang verkry het tot soveel gebruikers se inligting, beteken wel nie dat die platform binnegedring is deur 'n kuberkraker nie, het Facebook beklemtoon.“Mense het wetend hul inligting verskaf. Geen stelsel is binnegedring nie en geen wagwoord of sensitiewe stukkie inligting is gesteel of gekraak nie.”Die maatskappy moet egter nou bontstaan en verduidelik of een van hul jare lange werknemers, Joseph Chancellor, geweet het dat nóg Kogan nóg Cambridge Analytica die data uitgewis het.Chancellor is sedert 2015 'n navorser in sosiale sielkunde vir Facebook. Voor dit was hy mededirekteur van Global Science Research, die maatskappy waardeur Kogan die app ontwikkel het wat die inligting ingesamel en uiteindelik aan Cambridge Analytica verkoop het.Volgens Bloomberg word Chancellor se rol in die hele debakel ondersoek, hoewel hy nog nie afgedank is nie.met kiesers se kop gesmokkelInligting wat deur The Observer bekom is, wys dat Trump se voorsitter van sy verkiesingsveldtog, Steve Bannon, 'n belegging van US$15 miljoen van Robert Mercer, 'n ryk Republikein, ontvang het om 'n sogenaamde “mindf**k tool” te skep om met Amerikaanse kiesers se kop te smokkel. Daar word deur Wylie beweer dat wat hulle by Cambridge Analytica gedoen het, die resultaat was.Bannon en Trump se paadjies het intussen geskei.Intussen het talle Amerikaanse regslui en politici hul kommer uitgespreek oor die moontlike impak wat die sogenaamde “datalek” op die verkiesing kon gehad het.“Ons gaan meer hieroor leer in komende dae, maar ja, ek is ontsteld,” het die Republikeinse senator Marco Rubio aan NBC se Meet the Press gesê.Op 'n vraag of maatskappye soos Facebook steeds vertrou kan word ná die onlangse vertrouensbreuk met Cambridge Analytica, het senator Rand Paul aan CNN gesê: “Dit moet beslis ondersoek word of die wet oortree is of nie. Die privaatheid van die Amerikaanse gebruiker, die Amerikaanse individu, moet beskerm word.”Buiten vir die verkiesing van Trump word daar ook gegis dat Cambridge Analytica betrokke was by die Britse stemming om Brexit in Junie 2016.Elizabeth Denham, Brittanje se kommissaris van inligting, het reeds bevestig dat 'n ondersoek begin is na die omstandighede waarin Facebook dalk inligting op 'n onwettige manier verkry het. - Netwerk24/Bronne: The New York Times, BBC, The Guardian, Bloomberg, CNN, Reuters, The Observer

Só het Facebook vir Trump 'gehelp'

Kommentaar

Republikein 2026-05-11

Meld asseblief aan om kommentaar te lewer

Só het Facebook vir Trump 'gehelp'

Kommentaar

Republikein 2026-05-11

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.