Só gaan Merc-belegging van R10 mjd. bestee word
Francois Williams - Mercedes-Benz se fabriek in Oos-Londen word met sowat 100 000 m² uitgebrei – dit verdriedubbel die grootte van die motorreus se bestaande geriewe in dié Oos-Kaapse kusstad.
Die belegging van €600 miljoen (sowat R9,52 miljard teen huidige wisselkoerse) is Dinsdag deur pres. Cyril Ramaphosa aangekondig op ’n besoek aan die aanleg.
Dit behels ’n nuwe lokaal vir die verf van voertuie, ’n nuwe lokaal vir bakwerk-vervaardiging, die opknapping van die monteeraanleg, asook die bou van nuwe logistieke pakstore, blyk dit uit ’n verklaring van Mercedes-Benz Suid-Afrika.
Die uitbreidings is vir Mercedes-Benz se produksie van die nuwe generasie C-klas in Oos-Londen.
Ramaphosa beskou die belegging as deel van sy regering se ambisie om R1 200 miljard se nuwe beleggings na Suid-Afrika te lok.
Ander belangrike gaste op die geleentheid Dinsdag was dr. Rob Davies, minister van handel en nywerheid, Nhlanhla Nene, minister van finansies, Phumulo Masualle, premier van die Oos-Kaap, en Andreas Kellermann, visepresident: produksie van die S-, E- en C-klas van Mercedes-Benz.
UITBREIDING
Die Duitse motorvervaardiger se fabriek in Oos-Londen is in 1958 geopen.
Die geld van die nuwe belegging gaan gebruik word om die bakwerk-aanleg met meer as 500 robotte toe te rus. Tot 700 ton staal gaan gebruik word om drie ekstra produksielyne in die monteeraanleg te bou, en die nuwe verflokaal sal meer energiedoeltreffend en omgewingsvriendelik as die bestaande geriewe wees. Dit sal help om die energieverbruik per vervaardigde voertuig by die Oos-Londense aanleg met 25% te verlaag.
Ander groen inisiatiewe is die opvang van reënwater van die fabriek se dakke af, ’n waterreservoir van een miljoen liter, en die skep van groen korridors in en om die gebouekompleks. – Netwerk24
Die belegging van €600 miljoen (sowat R9,52 miljard teen huidige wisselkoerse) is Dinsdag deur pres. Cyril Ramaphosa aangekondig op ’n besoek aan die aanleg.
Dit behels ’n nuwe lokaal vir die verf van voertuie, ’n nuwe lokaal vir bakwerk-vervaardiging, die opknapping van die monteeraanleg, asook die bou van nuwe logistieke pakstore, blyk dit uit ’n verklaring van Mercedes-Benz Suid-Afrika.
Die uitbreidings is vir Mercedes-Benz se produksie van die nuwe generasie C-klas in Oos-Londen.
Ramaphosa beskou die belegging as deel van sy regering se ambisie om R1 200 miljard se nuwe beleggings na Suid-Afrika te lok.
Ander belangrike gaste op die geleentheid Dinsdag was dr. Rob Davies, minister van handel en nywerheid, Nhlanhla Nene, minister van finansies, Phumulo Masualle, premier van die Oos-Kaap, en Andreas Kellermann, visepresident: produksie van die S-, E- en C-klas van Mercedes-Benz.
UITBREIDING
Die Duitse motorvervaardiger se fabriek in Oos-Londen is in 1958 geopen.
Die geld van die nuwe belegging gaan gebruik word om die bakwerk-aanleg met meer as 500 robotte toe te rus. Tot 700 ton staal gaan gebruik word om drie ekstra produksielyne in die monteeraanleg te bou, en die nuwe verflokaal sal meer energiedoeltreffend en omgewingsvriendelik as die bestaande geriewe wees. Dit sal help om die energieverbruik per vervaardigde voertuig by die Oos-Londense aanleg met 25% te verlaag.
Ander groen inisiatiewe is die opvang van reënwater van die fabriek se dakke af, ’n waterreservoir van een miljoen liter, en die skep van groen korridors in en om die gebouekompleks. – Netwerk24
Kommentaar
Republikein
Geen kommentaar is op hierdie artikel gelaat nie