Russiese 'spioene' se moordtog

Verbonde aan intelligensiediens

07 September 2018 | Internasionaal
Die twee Russiese mans wat Woensdag deur die owerheid in Brittanje daarvan aangekla is dat hulle van Moskou na Engeland gereis het om die voormalige Russiese spioen Sergei Skripal (66) en sy dogter Joelia (33) in Salisbury te vermoor is verbonde aan Rusland se intelligensiediens, die GRU.

Theresa May, Britse premier, sê sy glo die operasie is ook op senior regeringsvlak goedgekeur en dus gaan Brittanje voortaan sy hulpbronne in alle nasionale veiligheidsentiteite inspan om die GRU teen te werk.

Aleksander Petrof en Roeslan Bosjirof het Skripal en sy dogter op 4 Maart met nowitsjok, ’n senugif uit die Sowjet-era, vergiftig. Hulle het na bewering twee dae voor die aanval vanaf Moskou na Londen toe gevlieg. Die Skripals het die aanval oorleef.

Skripal is deur pres. Wladimir Poetin se regime vir ’n verraaier uitgekryt omdat hy staatsgeheime verkoop het en toe na Brittanje geëmigreer het. Die twee beskuldigdes word deur ’n klag van sameswering om moord te pleeg, en dat hulle die chemiese wapenwet oortree het in die gesig gestaar.

Die diplomatieke krisis wat ontstaan het ná die aanval, het nou verdiep, met May wat gesê het “die GRU hou ’n bedreiging vir al ons bondgenote en landsburgers in”, berig die Financial Times.

Brittanje sal Donderdag verdere getuienis in verband met die aangeleentheid aan die Verenigde Nasies se Veiligheidsraad voorlê, berig die BBC. Kringtelevisiemateriaal van die verdagtes het aan die lig gekom waar hulle op die Gatwick-lughawe in Londen aankom, in ’n hotel in die ooste van die stad tuisgaan, en waar hulle in Salisbury na die Skripals se huis gaan.

Brittanje gaan nie vra dat die twee uitgelewer word nie, aangesien Rusland se grondwet dit nie toelaat nie, berig The Guardian. ’n Europese lasbrief vir hul inhegtenisneming is egter uitgereik, en sou hulle na lande reis waar die lasbrief geldig is, sal hulle onmiddellik aangekeer word. Rusland het gereageer deur te sê die name en foto’s wat bekend gemaak is, “beteken niks”.

Maria Zakharowa, woordvoerder van Rusland se ministerie van buitelandse sake, het ook ’n beroep op Brittanje gedoen om op te hou om openbare aantygings te maak. – Netwerk24

Soortgelyk

 

Venaani boos oor grondkonferensie

2 ure gelede | Politiek

Denver Kisting – Die amptelike opposisie sê hy is ongelukkig met hoe volgende week se grondkonferensie beplan word.Volgens die leier van die Popular Democratic Movement...

Krisis met toetse vir hondsdolheid

15 ure gelede | Plaaslik

Ronelle Rademeyer - Namibië staar ’n nasionale krisis in die gesig aangesien geen toetse vir hondsdolheid tans by die sentrale veeartsenylaboratorium in Windhoek gedoen kan word nie. Dr....

Prins William is hier

15 ure gelede | Plaaslik

Francoise Steynberg - Prins William van Brittanje is in Namibië om die internasionale gemeenskap se oë op Namibië se ikoniese spesie, die swartrenoster, te vestig....

EES kook op Duitse X-Factor

15 ure gelede | Kuns en vermaak

Tanja BauseDie Namibiese kwaitokunstenaar EES het na die finale regstreekse uitsending van X-Factor Duitsland deurgedring. EES en sy Yes-Ja!-band werk tans hard daaraan om hulself...

Vermeende stroper doodgeskiet

15 ure gelede | Misdaad

Tanja Bause – Daar word beweer die 73-jarige eienaar van die plaas Senderling by Kamanjab het Saterdag om 11:30 die Angolese burger mnr. Tuayunda Mbwale...

Weer vir 25 September

15 ure gelede | Weer

WEERWAAK: Hittegolftoestande sal na verwagting oor die noordelike streke voortduur.BINNELAND: Mooiweer en baie warm in die verre Noord- en Suidweste, andersins gedeeltelik bewolk en baie...

Laughter is the best medicine

15 ure gelede | Gesondheid

Henriette Lamprecht – It’s contagious and good medicine – not only for the body, but for the mind and soul as well. It lightens your...

Smelling the roses is not just a pipe dream

15 ure gelede | Gesondheid

In today’s rat race it’s easy to lose your way in the daily grind while trying to keep your head above water. Our responsibilities as...

Een maand ná Avihe

15 ure gelede | Misdaad

Denver Kisting – Me. Jessica Kaimu, ousus van die vermoorde Avihe Ujaha, sê die familie probeer steeds hul voete vind ná die tragedie wat die...