Russe skryf $20 mjd. van Afrika se skuld af

Pres. Wladimir Poetin sê Rusland wil in die volgende vier tot vyf jaar sy handel met lande in Afrika verdubbel.Die Russiese president het op die eerste Rusland-Afrika-beraad in Sotsji, Rusland, ook aangekondig dat dié land meer as $20 miljard van Afrika se skuld afgeskryf het.Tientalle Afrikaleiers, onder wie Suid-Afrika se president, Cyril Ramaphosa, en pres. Abdel Fattah el-Sisi van Egipte, woon die beraad by. Die Russe hoop om met dié beraad sy bande met Afrika te versterk nadat dit ná die val van die eertydse Sowjetunie aan die einde van die Koue Oorlog verswak het.Die beraad word gesamentlik deur Rusland en die Afrika-Unie (AU) aangebied.Poetin het gesê daar is baie Russiese maatskappye wat ’n lang en suksesvolle vennootskap met maatskappye in Afrika het en hulle hoop om dit uit te brei.“Ons sal hulle van staatskant af ondersteun,” het hy gesê.Hoewel Rusland oor die jare heen heelwat wapentuig aan lande in Afrika verkoop het, is hy op handelsgebied ver agter sy mededingers wat ook op die vasteland sake doen.Die Europese Unie, China, Indië, die VSA en die Verenigde Arabiese Emirate is die Russe op dié gebied ver voor.Rusland het vroeër vandeesweek aangekondig dat hy en Niger ooreengekom het oor die lewering van 12 Mi-35-aanvalshelikopters aan dié land in Wes-Afrika.Sberbank, die grootste Russiese kredietgewer, en ander Russiese finansiële instelling het voorts ooreengekom om handel tussen Rusland en Afrikalande met $5 miljard te finansier.Die Russiese kernkragmaatskappy Rosatom is besig om met Nigerië te onderhandel om daar ’n kernkragstasie te bou. – Reuters/Netwerk24

Russe skryf $20 mjd. van Afrika se skuld af

Kommentaar

Republikein 2025-08-04

Meld asseblief aan om kommentaar te lewer

Russe skryf $20 mjd. van Afrika se skuld af

Kommentaar

Republikein 2025-08-04

Meld asseblief aan om kommentaar te lewer

MELD AAN

Advertensie