Rusland teel nou ou Sowjet-hoenders

Rusland blaas nuwe lewe in die hoenderras wat die Russe in die doodsnikke van die Kommunisme aan die lewe gehou het.Die projek is ’n verskansing teen moontlike voedselsanksies deur Amerika en ’n uitdaging aan die twee Westerse telers wat al Rusland se kommersiële hoenders voorsien.Ná ’n reeks terugslae, waaronder die uitbreking van voëlgriep wat verlede jaar daartoe gelei het dat 200 000 toetshoenders van kant gemaak moes word, is die verbeterde Sowjet-braaihoender uiteindelik reg vir die mark, sê Wladimir Fisinin (78), hoof van die Russiese Pluimvee-unie wat gehelp het om dié gepatenteerde ras te ontwikkel.Die doel hiervan is om enige tekort aan te vul wat veroorsaak kan word deur Amerikaanse perke op die invoer van die eiers en kuikens wat uiteindelik Rusland se hoofbron van proteïen word. Amerika het nog nie gedreig om kos in te sluit in die sanksies wat hy in 2014 begin toepas het nie, ten minste nie in die openbaar nie.ONVOORSPELBARE WITHUISMaar Fisinin, wat aan die vooraand van die Tweede Wêreldoorlog op ’n gemeenskapsplaas in Siberië gebore is, sê Rusland moet hom op die ergste voorberei terwyl hy met ’n toenemend onvoorspelbare Withuis te doen het.“Wie die hel weet watter uilskuiken volgende sal kom, soos hierdie mnr. Trump,” het Fisinin onlangs in ’n onderhoud gesê.Fisinin was in 1972 deel van die span wat Sowjet-voedselwetenskap help byhou het met die Weste deur ’n groter en smaakliker weergawe van Gallus gallus domesticus te teel. Hulle het dit Smena, wat verandering in Russies beteken, genoem.Dit was manna uit die hemel vir die Politburo en het tot ’n rekordtoename in vleisproduksie gelei, wat tot die 1990’s volgehou is toe Amerikaanse maatskappye die mark oorgeneem en Smena bykans uitgesterf het.Pres. Wladimir Poetin meen die konsentrasie van soveel markkrag in so ’n klein groep buitelandse maatskappye is ’n onaanvaarbare veiligheidsrisiko. Volgens Richard Nephew, ’n voormalige beampte van die VSA se departement van binnelandse sake onder oudpres. Barack Obama, was die VSA “uiters bedag daarop om sanksies op voedsel- en mediese produkte te vermy” sedert minstens 2000. Dit sou egter wetlik en tegnies redelik maklik wees om dit wel deur te voer, sê hy.VAT NIE KANSE NIEPoetin vat nie kanse nie. En dis nie net hoenders waaroor die Kremlin bekommerd is nie. Russiese produsente van bees- en varkvleis, aartappels en selfs suikerbeet, die land se grootste bron van versoeters, is afhanklik van genetiese insette van Amerika en Europa.“Daar is drukpunte vir enigiemand wat ons ekonomie wil vernietig,” sê Andrei Klepach, hoofekonoom by die staatsontwikkelingsbank VEB. “Die herwinning van die teelprojek is ’n prioriteit. Ons het soort van ’n gepantserde trein op ’n sylyn nodig.”Die Smena-projek mik daarna om teen 2025 te voorsien in ’n kwart van die mark se behoeftes.In 2017 het Russiese maatskappye US$100 miljoen bestee om 23 miljoen kuikens te koop van twee Amerikaanse telers wat aanlegte in Rusland besit.Met hierdie hoenders kon Russiese maatskappye 4,2 miljard eiers produseer wat uiteindelik braaihoenders geword het. Die opbrengs was sowat 4 miljoen ton vleis, volgens Fisinin.Hy sê al sal dit moeilik wees, is Rusland goed op dreef om sy teiken van ’n 25%-markaandeel te bereik.“Hulle het gedink ons sou nie in ’n miljoen jaar met hulle kon meeding nie. Maar die situasie is nou heeltemal anders.” – Netwerk24/Bloomberg

Rusland teel nou ou Sowjet-hoenders

Kommentaar

Republikein 2025-05-02

Meld asseblief aan om kommentaar te lewer

Rusland teel nou ou Sowjet-hoenders

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie