Rössing voeg halfmarathon by

Atletiek Namibië se nasionale marathonkampioenskap, die Rössing-marathon, word op Saterdag 10 Februarie by die Vineta-Noord sportveld in Swakopmund aangebied.Voorsiening word weer vir die gebruiklike twee hardloopafstande – die 42.2 kilometer marathon en die korter 10 km item – gemaak.Vir die eerste keer in die 27-jarige bestaan van die Rössing-byeenkoms word 'n halfmarathon (21 km) ook vanjaar aangebied.Die wennersprys in die marathon is N$10 000 elk vir beide die mans- en vrouekampioene, met kontantpryse ook vir die atlete in die tweede (N$5 000), derde (N$2 000), vierde (N$1 000) en vyfde plekke (N$500) in die marathon, wat die hoofitem van die dag is.'n Ekstra N$1 000 is op die spel indien die Namibiese nasionale rekord in die marathon verbeter word.Vir die halfmarathon sal die mans- en vrouewenners elkeen met N$3 000 wegstap. Na verwagting sal die halfmarathon voortaan 'n gewilde deel van die byeenkoms op die Namibiese atletiekkalender word.Die 10 km Uraan-aflos vir mynwerkers in die Erongo-streek, asook die 5 km pretloop beloof interessante pryse in verskeie kategorieë. Beide is ook gewilde items waarvan die opbrengs aan die Kankervereniging van Namibië bestem is.Die marathon en halfmarathon se wegspringtyd is om 07:00. Die 10 km begin om 07:15 terwyl die 5 km pretstappers en die Uraan-aflos se hardlopers om 09:00 aan die beurt kom.Registrasie word op Vrydag 9 Februarie tussen 18:00 en 21:00 by die Vineta-Noord sportveld gedoen.Inskrywingsvorms en meer inligting is beskik op die webblad www.rossing.com of die volgende skakelpersone:• Frank Slabbert van Swakop Striders by tel. 064 405788 (h) / sel. 081 240 3383 / fatslab@iafrica.com.na• Alwyn Lubbe van Rössing by tel. 064 520 2436 (w) / sel. 081 122 5201 / Alwyn. Lubbe@riotinto.com• Kaino Nghitongo van Rössing by tel 064 520 2286 (w) / sel. 081 316 2885 KainoIyalooNdeumono.Nghitongo@riotinto.com.

Rössing voeg halfmarathon by

Kommentaar

Republikein 2025-08-05

Meld asseblief aan om kommentaar te lewer

Rössing voeg halfmarathon by

Kommentaar

Republikein 2025-08-05

Meld asseblief aan om kommentaar te lewer

MELD AAN

Advertensie