Rössing van krag tot krag in 2019
As deel van 'n reuse- kernkragverskaffer lyk die geskiedkundige myn se toekoms blink.
Augetto Graig – Namibië se ikoniese uraanmyn Rössing Uranium het in die 2019-finansiële boekjaar winste van N$503 miljoen aangeteken, beduidend meer as die N$166 miljoen in 2018.
Volgens dié spesialis- mynboumaatskappy is hul verhoogde winsgewendheid weens 'n gunstige wisselkoers en 'n 15% vermindering in operasionele kostes. Die myn spog met 'n omset in 2019 van N$2,82 miljard.
Rössing het Woensdag (22 Julie) sy nuutste verslag aan sy aandeelhouers vrygestel. Die besturende direkteur, mnr. Johan Coetzee, sê 2019 is die begin van 'n nuwe era in die ryk 44 jaar geskiedenis van die myn.
China National Uranium Corporation (CNUC) het op 25 Julie verlede jaar 'n 68,63% belang in Rössing vanaf Rio Tinto gekoop.
CNUC is 'n filiaal van die staatsonderneming China National Nuclear Corporation (CNNC), wat as geïntegreerde kernkragverskaffer in die Chinese en internasional markte bedrywig is.
“As deel van hierdie reusefamilie kry Rössing al die voordele van gedeelde samewerking en 'n soliede fondament om die toekoms van die myn te bou,” sê Coetzee.
Namibië het in 2019 11% van die wêreld se uraanvoorraad vervaardig, waarvan Rössing alleen 3,9% verskaf het.
“Dit is 'n beduidende prestasie vir Rössing en Namibië.”
Hy sê 75% van Rössing se produksie is teen lang termyn of verskeie historiese eenmalige kontrakte verkoop.
Die res sal in 2020 na China uitgevoer word vir die gebruik in CNNC se kernreaktors, sê hy.
Ten spyte van 2019 se uitdagings kon die myn steeds 22,4 miljoen ton erts myn, 13% meer as in 2018, waarvan 8,6 miljoen ton ekonomies bruikbare uraanerts was, ook 7% meer as die vorige jaar. In totaal is 2 449 ton uraanoxied in 2019 vervaardig.
“As 'n groot werkgewer en koper van goedere en gebruiker van dienste, lewer ons 'n beduidende jaarlikse bydrae tot ekonomiese ontwikkeling in veral die Erongostreek en in die breë Namibië,” sê Coetzee.
Rössing het in 2019 sowat N$2,03 miljard by Namibiese verskaffers bestee, sowat 75% van sy totale uitgawes. Nog 11% of N$311 miljoen is in Suid Afrika bestee, en 14%, sowat N$373 miljoen, in die res van die wêreld. Rössing is ook verantwoordelik vir hul direkte en indirekte skenkings van N$26 miljoen aan Namibiese gemeenskappe, dubbel as wat hulle in 2018 bygedra het.
- [email protected]
Volgens dié spesialis- mynboumaatskappy is hul verhoogde winsgewendheid weens 'n gunstige wisselkoers en 'n 15% vermindering in operasionele kostes. Die myn spog met 'n omset in 2019 van N$2,82 miljard.
Rössing het Woensdag (22 Julie) sy nuutste verslag aan sy aandeelhouers vrygestel. Die besturende direkteur, mnr. Johan Coetzee, sê 2019 is die begin van 'n nuwe era in die ryk 44 jaar geskiedenis van die myn.
China National Uranium Corporation (CNUC) het op 25 Julie verlede jaar 'n 68,63% belang in Rössing vanaf Rio Tinto gekoop.
CNUC is 'n filiaal van die staatsonderneming China National Nuclear Corporation (CNNC), wat as geïntegreerde kernkragverskaffer in die Chinese en internasional markte bedrywig is.
“As deel van hierdie reusefamilie kry Rössing al die voordele van gedeelde samewerking en 'n soliede fondament om die toekoms van die myn te bou,” sê Coetzee.
Namibië het in 2019 11% van die wêreld se uraanvoorraad vervaardig, waarvan Rössing alleen 3,9% verskaf het.
“Dit is 'n beduidende prestasie vir Rössing en Namibië.”
Hy sê 75% van Rössing se produksie is teen lang termyn of verskeie historiese eenmalige kontrakte verkoop.
Die res sal in 2020 na China uitgevoer word vir die gebruik in CNNC se kernreaktors, sê hy.
Ten spyte van 2019 se uitdagings kon die myn steeds 22,4 miljoen ton erts myn, 13% meer as in 2018, waarvan 8,6 miljoen ton ekonomies bruikbare uraanerts was, ook 7% meer as die vorige jaar. In totaal is 2 449 ton uraanoxied in 2019 vervaardig.
“As 'n groot werkgewer en koper van goedere en gebruiker van dienste, lewer ons 'n beduidende jaarlikse bydrae tot ekonomiese ontwikkeling in veral die Erongostreek en in die breë Namibië,” sê Coetzee.
Rössing het in 2019 sowat N$2,03 miljard by Namibiese verskaffers bestee, sowat 75% van sy totale uitgawes. Nog 11% of N$311 miljoen is in Suid Afrika bestee, en 14%, sowat N$373 miljoen, in die res van die wêreld. Rössing is ook verantwoordelik vir hul direkte en indirekte skenkings van N$26 miljoen aan Namibiese gemeenskappe, dubbel as wat hulle in 2018 bygedra het.
- [email protected]
Kommentaar
Republikein
Geen kommentaar is op hierdie artikel gelaat nie