RRBG, bly in julle baan, asseblief

P.J.M. BEUKES (KLEIN PIET/BYPON) SKRYF:Soveel hipokrasie is lanklaas aanskou deur 'n klomp “uitverkorene gesalfdes”.Julle mislei die volk. Is dit julle manier om die volk bloot te stel aan korrupsie en verdeeldheid met julle politieke linksgesindheid en die “coup” wat julle op die Kapteinskantoor se soewereiniteit wil uitvoer?Julle het geen mandaat van die volk gekry nie. Die volgende is aan almal wie 'n belang by die aangeleentheid het verswyg, naamlik:(5) ”Tot Kapteinskiezing is ieder burgher geregtigt, die het volle burgherreg ht bezit” en (14) “Stem geregtisieder burgher die belasting betaaldt” (Vaderlike Wet 1872).Die rede vir die verswyging is voor die handliggend. Om volle "Burgherskap" te geniet, moet jy 'n ingeskrewe lid van die RBG wees, belasting betaal, onderhewig aan die Vaderlike Wet wees en die kaptein en raad respekteer.Jul gespog met volle Burgherskap is lagwekkend. By watter Kaptein en onder watter Volksraad het julle sodanige "Burgherskap" bekom?Julle volle "Burgherskap" word sterk bevraagteken. Indien julle "Burgherskap" tussen 1979 en 1989 bekom was, het julle geensins "Burgherskap", maar “Bywoner”-status volgens die Vaderlike Wet van 1872, Art 63.Sedert 1990 tot hede, wat het julle gedoen om julle "Burgherskap" na te kom en julle "Burgherskap" te beskerm?Die Kaptein gekies onder Wet 56/76 het tydens die laaste sitting van die Volksraad op 30 Julie 1989 erken dat die volk nie Wet 56/76 verwerp met 'n oorwinning by die stembus nie. Die “onwettige Adviesraad” (volgens VN Resolusie 935 (xx) 1955 en Ordonansie 20/61 Ar. 5(1)(2) het voortgegaan met “onderhandelings” vir die skryf, aanvaarding en implementering van die onwettige Wet 56/76.Uittreksels van die kapteinstoespraak is te sien op die webblad “Rehoboth hart van die land.” Hierdie toespraak is op 2 verskillende geleenthede verbatim op die radio uitgelees.Heleon Beukes, waarom ploeter jy voort met leuens in jou brief van 15 Maart 2018. Jy skep die illusie dat julle (die RRBG-groep) die mandaat vir 'n kapteinsverkiesing verkry het? Dit is 'n infame leuen en betreurenswaardig.'n Verbatim uittreksel op die webblad “Rehoboth Nuus” wys die teendeel ten opsigte van die sogenaamde mandaat.“Heleon Beukes ek het soveel hoop gehad, maar die respek wat ek vir julle gehad het, is heel in sy glory. En nee, UPM kan nie op 'n ander platvorm bespreek word, want Jan van Wyk wat 'n komiteelid is, wat glo die 10 gebooie nastreef is onder ernstige verdenking. Julle het die gemeenskap mislei, hoekom wou julle nie toelaat dat vrae gevra word? Omdat julle besef het julle sou nie die mandaat op 'n eerbare wyse gegee was nie? Kan julle met julle gewete saamleef na wat gister gebeur het? (12 Maart, 09:22)"Dit gaan lankal nie meer oor Martin nie. Die volk wou vrae gevra het en julle het hulle bamboozle om die mandaat oorhandig…”Genoemde uittreksels spreek 'n duisend woorde. Dit sê genoeg om die oneerbare motiewe van Red Rehoboth Baster Gemeente (RRBG) -groep aan die wêreld te verkondig. Dieselfde vrae kan Heleon Beukes (as voorsitter) aan almal beantwoord wie belange by die aangeleentheid het.Dankie vir vreeslose mense soos Martin en Colin wie se gesprekke en mentorskap lede van die RBG toe(ge)rus (het) met kennis en inligting ten opsigte van RBG-lede se onvervreembare regte. Hierdie twee manne (ten spyte van gevare) het 'n algehele ontbloting van die onwettige optredes van die Suid-Afrikaanse regering uitgewys met betrekking tot Rehoboth.Ons as trotse lede van die RBG weet vandag baie meer van Wet 49/1919, Art.4(3); VN Algemene Vergadering Resolusie 935(xx) 1955; VN res. 1138(xii) 1957; VN res. 2145(xxi) 1966 (Opskorting van die Mandaat oor SWA) en ander VN resolusies wat dit onomwonde stel dat alle wette wat na Oktober 1966 gemaak en geïmplementeer was, onwettig was. Ook oor die opinie van die Wêreldhof in 1971; ingesluit hierby Wet 56/76 en Wet. 93/76, wat geen gesag gehad het nie.Rehoboth was nooit kroongrond nie. Waarom julle voortploeter oor 'n tradisionele owerheid gaan die verstand te bowe. Watse beloftes is aan julle gebied?Elke lid van die RBG het belange by hierdie aangeleentheid; daarom mag hulle vrae vra.Die RRBG is geensins lede van die RBG nie. Die kontrak wat die Vaderlike Wet bied, het julle nooit aanvaar nie. Daarom, as niegeregistreerde lede van die RBG, het julle geensins inspraak ten opsigte van aangeleenthede van die RBG nie.Bly in julle baan, asseblief.

RRBG, bly in julle baan, asseblief

Kommentaar

Republikein 2025-11-05

Meld asseblief aan om kommentaar te lewer

RRBG, bly in julle baan, asseblief

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.