Rowers martel man vir geld

Twee duimgooiers steel motor

03 September 2020 | Misdaad
’n Sakeman (34) is na bewering Vrydagoggend tydens ’n rooftog in sy huis in Okandjengedi-nedersetting op Oshakati met ’n pistool gedreig en met ’n besemstok aangerand.

Volgens die polisieverslag het die man en sy meisie geslaap toe drie gewapende mans by die huis ingebreek het.

“Een van die misdadigers het ’n pistool op die man gerig en geld geëis. Die ander twee misdadigers het die man se arms vasgedruk, terwyl die man met ’n besemstok en ook verskeie kere met die vuis geslaan is,” lui die verslag.

Die misdadigers het glo met ’n motor, selfoon en N$22 000 kontant weggekom. Volgens die verslag is alle gesteelde goedere reeds teruggevind en ’n 27-jarige man is in hegtenis geneem.

ROOFTOG IN KLEIN WINDHOEK

’n Huis in Jan Jonkerstraat, Klein Windhoek, is glo Sondag omstreeks 03:30 deur drie mans beroof. Volgens die verslag is die 40-jarige man in sy huis vasgebind en met ’n skerp voorwerp gedreig.

Die man het glo ligte beserings opgedoen en die misdadigers het na bewering een skootrekenaar en ’n selfoon gesteel.

Volgens die verslag is niemand nog in hegtenis geneem nie en duur die ondersoek voort.

DUIMGOOIERS STEEL MOTOR

’n Man het glo Vrydag omstreeks 05:00 twee mans opgelaai wat ’n rygeleentheid na Zola in die Ongwedivastreek gesoek het. Toe hulle by die Zola-taxistaanplek kom, het die twee passasiers na bewering die man se motor gesteel.

Volgens die verslag het die polisie die gesteelde motor opgespoor, maar die wiele, radio en battery was gesteel. Twee verdagtes, 26 en 36 jaar oud, is later in hegtenis geneem.

GRONDPAD EIS LEWE

Op die C16-grondpad tussen Aroab en Keetmanshoop, sowat 15 km van Aroab, het ’n 64-jarige bestuurder glo beheer oor die motor verloor en dit het omgeslaan.

Volgens die verslag is een van die drie passasiers, 53-jarige mnr. Johannes Riekert, in die ongeluk oorlede.

“Die drywer en ander passasiers het ligte beserings opgedoen en was na Keetmanshoopshospitaal geneem,” lui die verslag.

TREF-EN-TRAP

’n Zimbabwiese burger het glo Saterdag omstreeks 02:50 om ’n draai in die Kakonga-nedersetting op Katima Mulilo in ’n beweerde tref-en-trap ongeluk omgekom.

“Die drywer is nog nie opgespoor nie en die polisieondersoek gaan voort,” stel die verslag.

• ’n 21-jarige man sonder ’n bestuurslisensie het glo Saterdagaand op ’n sokkerveld in Etoshapoort op Outjo gejaag, toe hy die voertuig met ses passasiers omgegooi het. Volgens die verslag is een van die passasiers, mnr. Erick Hoaeb, met sy aankoms by die hospitaal oorlede.

Die drywer is in hegtenis geneem en het gister Maandag in die hof verskyn.

Soortgelyk

 

Min kans vir vlieg na SA

7 ure gelede | Toerisme

Ronelle Rademeyer - Hoewel Suid-Afrika Donderdag sy grense vir besoekers uit goedgekeurde lande, waaronder Namibië, heropen, moet Namibiërs vir eers verlief neem met die feit...

Remaining powerful through education

7 ure gelede | Mense

Ester Kamati With a key interest in space science and the history of science, watching videos on these topics is Hosea Hashili’s favourite pastime. Hasili...

Weer, Dinsdag 29 September 2020

7 ure gelede | Weer

BINNELAND: Sonnig en warm tot baie warm, maar baie warm in die Noorde. Enkele wolke sal na verwagting oor die Zambezistreek voorkom.KUS: Gedeeltelik bewolk en...

Vroeggebore tweeling sterk goed aan

7 ure gelede | Gesondheid

Henriette Lamprecht - Twee maande nadat hulle te vroeg op 27 weke in die Lady Pohamba Private Hospitaal in Windhoek gebore is, kan die ouers...

Nuwe Fenata-voorsitter vanuit ontluikende toerismebedryf

7 ure gelede | Toerisme

Francoise Steynberg - Geskiedenis is gemaak toe die nuwe voorsitter van die Namibiese Toerismevereniging (Fenata), me. Netumbo Nashandi, vir die eerste keer uit die geledere...

Onopgeloste verdwynings, moorde stapel op

7 ure gelede | Misdaad

Ellanie Smit – Terwyl die familie van die 22-jarige me. Shannon Darlikie Wasserfall met die trauma van haar verdwyning ses maande gelede worstel, dreig die...

One ­Africa TV ­partners with NMH

7 ure gelede | Onderwys

Distributed through Namibia Media Holdings' (NMH) youth brand, My Zone, the newly added grade zero to seven lessons form part of a ­collaboration with the...

A look at National Readathon, Heritage Week

7 ure gelede | Onderwys

Enzo AmueleThe National Readathon and Heritage Week, which were launched by the minister of education, arts and culture Ester Nghipondoka, took place last week.The Readathon...

Dagboek vir die landbouer

7 ure gelede | Landbou

Agra ProVision se kursusseAgra ProVision bied van 5 tot 8 Oktober 'n kursus oor plaasbestuur in Windhoek aan en daarna van 6 tot 8 Oktober...