Rose bly geskenke wat nie verwelk nie

Dis amper soos die wit roos wat nooit verwelk nie. Sonder water hou die rose, proteas, angeliere en sierblare vir maande. Volgende op die rakke van Madys’, net om die hoekie van Hentiesbaai se Spar-sentrum en langs Fishy Corner, is lelies wat eweneens die ontrimpelingskuur gaan volg. Blomme, décor en pakrangskikkings is die bedryf van Mady’s. Dié agente vir Iluba in Suid-Afrika sê die blomme kom sonder water klaar en hoef nie gereeld versorg te word nie. Die metode is ideaal vir die Namibiese toestande waar vars blomme nie lank hou nie. ‘n Vereiste is wel dat die blomme nie direkte sonlig moet kry nie. Een koper van ’n so ‘n ruiker beweer sy blomme hou nou al vyf jaar. Weens die prosesse waardeur die blomme gaan, is die prys effens verhewe bo die van vars blomme. Vir troues, gesellighede, hotelle en herberge en in ‘n eie huis is dit ‘n versiering met ‘n lang lewe. Iuba, die verskaffers in Suid-Afrika, se aanbod kom ook in die wonderlikste kleure. Van Hentiesbaai bedien Mady’s weer geskenkwinkels dwarsdeur die land. Grootmaatbestellings word ook gelewer. Ook vir spesiale geleenhede soos Valentynsdag, Moedersdag, Vadersdag en Kersfees word voorsiening gemaak. Kom dit by pakmandjies kan die koper voorskryf wat daarbinne moet wees. Naas die blommekuns is Mady’s ook ‘n plek vir klein geskenkies soos badsout, glaspotte, spesiale papierservette en sierkerse. Verwant aan Mady’s is BM Technologies waar veral vir Hentiesbaaiers met rekenaars ingestaan word. Herstelwerk word aan rekenaars gedoen, maar skerms, TV-stelle, drukkers, drukkersink en sagteware vir rekenaars word ook daar aangebied. Programme word geïnstalleer en die klantebasis het reeds buite Hentiesbaai na Swakopmund en Walvisbaai versprei.

Rose bly geskenke wat nie verwelk nie

Kommentaar

Republikein 2025-06-20

Meld asseblief aan om kommentaar te lewer

Rose bly geskenke wat nie verwelk nie

Kommentaar

Republikein 2025-06-20

Meld asseblief aan om kommentaar te lewer

MELD AAN

Advertensie