Roofdierbestande krale opgerig

Die minister van die omgewing en toerisme, mnr. Pohamba Shifeta, het onlangs roofdierbestande krale en 'n vroeë waarskuwingstelsel vir mens-dier-konflik by Bergsig in die Kunenestreek ingehuldig. Die krale is so opgerig dat leeus dit nie kan binnegaan en vee vang nie. Volgens die woordvoerder van die ministerie, mnr. Romeo Muyunda, is drie krale reeds opgerig en nóg 20 sal in die toekoms opgerig word. Die ministerie het ook 'n vroeë waarskuwingstelsel gevestig wat die ministerie en sy vennote in staat stel om roofdiere van nekbande te voorsien en sodoende hul bewegings via satelliet te volg. "Hierdie is net die begin van ons maatreëls om mens-dier-konflik te verminder," het Shifeta gesê. Foto verskaf