Rommelstrooier se turf sit
’n Windhoek-inwoner sê die publiek moet waaksaam wees en vullisstorters aanmeld sodat daar teen hulle opgetree kan word.
Tanja Bause - Saterdag is ’n man betrap toe hy ’n hoop vullis op ’n oop stuk grond in Bowkerstraat in Klein Windhoek gestort het.
By nadere ondersoek het dit aan die lig gekom die man is glo betaal om dié vullis namens ’n ander man te stort, wat in die proses van verhuising was.
Volgens die inwoner wat die man betrap het, het die man wat besig was om te trek die vermeende vullisstorter met ’n winkeltrollie sien stap en hom glo gevra om van sy rommel ontslae te raak.
“Die man het die rommel in die winkeltrollie gelaai en op die oop stuk grond gaan uitgooi,” het dié inwoner gesê.
Mnr. Abel Tjiamba, van die Windhoek-munisipaliteit se soliede afval-afdeling, het die rommel deursoek en op rekeninge van die eienaar afgekom. Só is die eienaar opgespoor.
“Ek het die man te telefoonnommer op die rekeninge gekry en hom gebel. Terwyl ek nog daar was, het hy gekom en die rommel verwyder,” het Tjiamba gesê.
“Ooggetuies van onwettige vullisstorting in ’n rivier of oop gebied kan ons gedurende kantoorure by (061) 290-3110 skakel sodat ons verdere stappe kan doen. Dit sal help as hulle ons kan voorsien van die voertuigregistrasienommer of asbliknommer wat gebruik is. Dan kan ons die oortreder makliker opspoor,” het hy gesê.
Oortreders ontvang ’n kennisgewing van oortreding.
Hulle het dan twee dae om die rommel self te verwyder. Indien hulle dit nie doen nie sal hulle beboet word. Die munisipaliteit sal dan ’n span uitstuur om dit te verwyder, wat teen die oortreder se munisipale rekening gehef word.
“Ons moet waaksaam wees en vullisstorters aanmeld sodat daar teen hulle opgetree kan word voor dit handuit ruk en die land onder rommel toegegooi word. Mnr. Tjiamba se flinke optrede het gesorg dat die skuldige vinnig opgespoor is en die rommel verwyder is,” het die inwoner gesê.
By nadere ondersoek het dit aan die lig gekom die man is glo betaal om dié vullis namens ’n ander man te stort, wat in die proses van verhuising was.
Volgens die inwoner wat die man betrap het, het die man wat besig was om te trek die vermeende vullisstorter met ’n winkeltrollie sien stap en hom glo gevra om van sy rommel ontslae te raak.
“Die man het die rommel in die winkeltrollie gelaai en op die oop stuk grond gaan uitgooi,” het dié inwoner gesê.
Mnr. Abel Tjiamba, van die Windhoek-munisipaliteit se soliede afval-afdeling, het die rommel deursoek en op rekeninge van die eienaar afgekom. Só is die eienaar opgespoor.
“Ek het die man te telefoonnommer op die rekeninge gekry en hom gebel. Terwyl ek nog daar was, het hy gekom en die rommel verwyder,” het Tjiamba gesê.
“Ooggetuies van onwettige vullisstorting in ’n rivier of oop gebied kan ons gedurende kantoorure by (061) 290-3110 skakel sodat ons verdere stappe kan doen. Dit sal help as hulle ons kan voorsien van die voertuigregistrasienommer of asbliknommer wat gebruik is. Dan kan ons die oortreder makliker opspoor,” het hy gesê.
Oortreders ontvang ’n kennisgewing van oortreding.
Hulle het dan twee dae om die rommel self te verwyder. Indien hulle dit nie doen nie sal hulle beboet word. Die munisipaliteit sal dan ’n span uitstuur om dit te verwyder, wat teen die oortreder se munisipale rekening gehef word.
“Ons moet waaksaam wees en vullisstorters aanmeld sodat daar teen hulle opgetree kan word voor dit handuit ruk en die land onder rommel toegegooi word. Mnr. Tjiamba se flinke optrede het gesorg dat die skuldige vinnig opgespoor is en die rommel verwyder is,” het die inwoner gesê.
Kommentaar
Republikein
Geen kommentaar is op hierdie artikel gelaat nie